സർക്കാർ ഓഫീസുകളിൽ നിന്ന് ജയലളിതയുടെ ചിത്രം മാറ്റണമെന്നു ഡിഎംകെ : Deepika.com National News |

Click here for detailed news of all items

സർക്കാർ ഓഫീസുകളിൽ നിന്ന് ജയലളിതയുടെ ചിത്രം മാറ്റണമെന്നു ഡിഎംകെ

Saturday, February 25, 2017 2:47 PM IST

ചെന്നൈ: തമിഴ്നാട്ടിലെ സർക്കാർ ഓഫീസുകളിൽ പ്രദർശിപ്പിച്ചിരിക്കുന്ന മുൻ മുഖ്യമന്ത്രി ജെ. ജലളിതയുടെ ഛായാചിത്രം നീക്കംചെയ്യണമെന്നു പ്രതിപക്ഷനേതാവ് എം.കെ. സ്റ്റാലിൻ. അനധികൃത സ്വത്തുസന്പാദനക്കേസിൽ ശിക്ഷിക്കപ്പെട്ട വ്യക്തിയുടെ ചിത്രം സർക്കാർ ഓഫീസുകളിൽ പ്രദർശിപ്പിക്കുന്നത് അനുചിതമാണ്. സർക്കാർ പദ്ധതികൾക്കു ജയലളിതയുടെ പേര് ഉപയോഗിക്കുന്നതും സർക്കാർ ചെലവിൽ മുൻ മുഖ്യമന്ത്രിയുടെ ജന്മദിനം ആഘോഷിക്കുന്നതും വിലക്കണമെന്നും ഡിഎംകെ വർക്കിംഗ് പ്രസിഡന്‍റുകൂടിയായ സ്റ്റാലിൻ ആവശ്യപ്പെട്ടു.

ഇക്കാര്യത്തിലുള്ള ആശങ്ക ചീഫ് സെക്രട്ടറി ഗിരിജാ വൈദ്യനാഥനെ അറിയിച്ചിട്ടുണ്ടെന്നു പറഞ്ഞ സ്റ്റാലിൻ, അനുകൂല തീരുമാനമുണ്ടായില്ലെങ്കിൽ കോടതിയെ സമീപിക്കുമെന്നും പറഞ്ഞു.

അതേസമയം, ഇത്തരം പരാമർശങ്ങളിൽ സ്റ്റാലിൻ മാപ്പു പറയണമെന്ന് അണ്ണാ ഡിഎംകെ ആവശ്യപ്പെട്ടു. സ്റ്റാലിൻ ഉന്നയിച്ച ആരോപണങ്ങൾ തെറ്റാണെന്ന് അണ്ണാ ഡിഎംകെ ഡെപ്യൂട്ടി ജനറൽ സെക്രട്ടറി ടി.ടി.വി. ദിനകരൻ പറഞ്ഞു. സ്റ്റാലിൻ ഉപയോഗിച്ച പദങ്ങൾ അദ്ദേഹത്തിന്‍റെ സംസ്കാരമില്ലായ്മയാണു തുറന്നുകാണിക്കുന്നതെന്നും ദിനകരൻ പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.