സിപിഎം ഏകപക്ഷീയ ആക്രമണം നടത്തുന്നു: ആർഎസ്എസ് : Deepika.com National News |

Click here for detailed news of all items

സിപിഎം ഏകപക്ഷീയ ആക്രമണം നടത്തുന്നു: ആർഎസ്എസ്

Sunday, March 19, 2017 12:04 PM IST

കോയന്പത്തൂർ: കേരളത്തിൽ നടക്കുന്ന സിപിഎം അക്രമങ്ങളെക്കുറിച്ച് കോയന്പത്തൂരിൽ നടക്കുന്ന ആർഎസ്എസ് പ്രതിനിധി സഭയിൽ ഇന്നു ചർച്ചചെയ്യും. ഇക്കാര്യത്തിൽ കേന്ദ്ര-സംസ്ഥാന സർക്കാരുകൾ അടിയന്തര നടപടി സ്വീകരിക്കണമെന്ന് ആവശ്യപ്പെടുന്ന പ്രമേയം അഖില ഭാരതീയ പ്രതിനിധി സഭയിൽ ഇന്ന് അവതരിപ്പിക്കുമെന്ന് സഹ സർകാര്യവാഹക് ഭാഗയ്യ പറഞ്ഞു.

പ്രതിനിധി സമ്മേളനം നടക്കുന്ന എട്ടിമടൈയിൽ വാർത്താ സമ്മേളനത്തിൽ സംസാരിക്കുകയായിരുന്നു ഭാഗയ്യ. സിപിഎം നടത്തുന്നത് ഏകപക്ഷീയ ആക്രമണങ്ങളാണ്. 1948 മുതൽ ആരംഭിച്ചതാണു സിപിഎമ്മിന്‍റെ കൊലപാതക രാഷ്ട്രീയം. ആർഎസ്എസ് പ്രവർത്തകർ മാത്രമല്ല കൊല്ലപ്പെടുന്നത്, 40 ലേറെ കോണ്‍ഗ്രസുകാരും കൊല്ലപ്പെട്ടു. 16 സിപിഐക്കാർ സിപിഎമ്മിന്‍റെ കൊലക്കത്തിക്കിരയായി. സിപിഎംവിട്ട ടി.പി. ചന്ദ്രശേഖരനെ മൃഗീയമായി വെട്ടിക്കൊന്നു. മറ്റു പാർട്ടികളിലേയും നിരവധി പേർ സിപിഎം അക്രമത്തിനിരയായിട്ടുണ്ട്- ഭാഗയ്യ ചൂണ്ടിക്കാട്ടി.

പശ്ചിമബംഗാളിൽ തൃണമൂൽ സർക്കാരിന്‍റെ സഹായത്തോടെ മുസ്ലീം ഭീകരവാദ-ജിഹാദി സംഘടനകൾ ഹിന്ദുക്കളെ വേട്ടയാടുകയാണെന്ന് അദ്ദേഹം പറഞ്ഞു. അഖില ഭാരതീയ പ്രചാർ പ്രമുഖ് ഡോ.മൻമോഹൻ വൈദ്യ, സഹപ്രചാർ പ്രമുഖ് ജെ. നന്ദകുമാർ എന്നിവരും പത്രസമ്മേളനത്തിൽ പങ്കെടുത്തു. ഇന്നലെ രാവിലെ പ്രതിനിധി സഭയുടെ ഉദ്ഘാടനം സർ സംഘചാലക് മോഹൻ ഭാഗവത് നിർവഹിച്ചു. സർകാര്യവാഹ് സുരേഷ് ജോഷി അധ്യക്ഷനായിരുന്നു. അഖില ഭാരത പ്രതിനിധി സഭ നാളെ സമാപിക്കും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.