പ്രിയങ്ക ഗാന്ധി നയിച്ചാൽ ഭരണത്തുടർച്ച ഉറപ്പ്: കർണാടക കോൺഗ്രസ് : Deepika.com National News |

Click here for detailed news of all items

പ്രിയങ്ക ഗാന്ധി നയിച്ചാൽ ഭരണത്തുടർച്ച ഉറപ്പ്: കർണാടക കോൺഗ്രസ്

Sunday, March 19, 2017 12:04 PM IST

ബംഗളൂരു: അടുത്ത വർഷം നടക്കുന്ന കർണാടക നിയമസഭാ തെരഞ്ഞെടുപ്പിൽ പ്രിയങ്ക ഗാന്ധി പ്രചാരണം നയിച്ചാൽ കോണ്‍ഗ്രസിന് ഭരണത്തുടർച്ച ഉറപ്പാണെന്ന് പാർട്ടി സംസ്ഥാന ഘടകത്തിന്‍റെ വിലയിരുത്തൽ. മോദി-അമിത് ഷാ കൂട്ടുകെട്ടിനെ രാഹുൽഗാന്ധിക്ക് ഒറ്റയ്ക്ക് നേരിടാനാവില്ലെന്നും പ്രിയങ്കകൂടി സജീവരാഷ്‌ട്രീയത്തിൽ എത്തേണ്ടത് അനിവാര്യമായിരിക്കുകയാണെന്നും സംസ്ഥാനത്തെ കോണ്‍ഗ്രസ് നേതാക്കൾ ഹൈക്കമാൻഡിനോട് ആവശ്യപ്പെട്ടിട്ടുണ്ട്.

2019ലെ ലോക്സഭാ തെരഞ്ഞെടുപ്പിൽ പ്രിയങ്കയെ സംസ്ഥാനത്തെ ഏതെങ്കിലുമൊരു മണ്ഡലത്തിൽനിന്നു മത്സരിപ്പിക്കണമെന്നും സംസ്ഥാനഘടകം ഹൈക്കമാൻഡിനോട് അഭ്യർഥിച്ചു. അടുത്ത വർഷം നടക്കുന്ന നിയമസഭാതെരഞ്ഞെടുപ്പിന് ആറുമാസം മുമ്പുതന്നെ പ്രചാരണം ശക്തമാക്കാനാണ് കോണ്‍ഗ്രസിന്‍റെ തീരുമാനം.

പ്രചാരണത്തിന് തുടക്കംകുറിച്ചും പ്രിയങ്കയെ പരിചയപ്പെടുത്തിയും ബംഗളൂരുവിൽ വൻ ബഹുജന റാലി നടത്തും. ഇതിന്‍റെ തുടർച്ചയായി സംസ്ഥാനത്തിന്‍റെ വിവിധ ഭാഗങ്ങളിൽ റാലി നടത്തും.

ഉത്തർപ്രദേശ് നിയമസഭാ തെരഞ്ഞെടുപ്പിൽ പ്രിയങ്ക കാര്യമായി പ്രചാരണം നടത്തിയിരുന്നില്ല. എന്നാൽ, കർണാടകയിൽ ആദ്യംമുതൽ അവസാനം വരെ പാർട്ടിയുടെ താരപ്രചാരകയായി പ്രിയങ്കയെ വേണമെന്നാണ് മുഖ്യമന്ത്രി സിദ്ധരാമയ്യയും കോൺഗ്രസ് നേതാക്കളും ആവശ്യപ്പെടുന്നത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.