കേരള, തെലുങ്കാന മുഖ്യമന്ത്രിമാർ കൂടിക്കാഴ്ച നടത്തി : Deepika.com National News |

Click here for detailed news of all items

കേരള, തെലുങ്കാന മുഖ്യമന്ത്രിമാർ കൂടിക്കാഴ്ച നടത്തി

Sunday, March 19, 2017 12:04 PM IST

ഹൈദരാബാദ്: സിപിഎം തെലുങ്കാന ഘടകം സംഘടിപ്പിക്കുന്ന മഹാജനപഥയാത്രയ്ക്ക് എത്തിയ കേരള മുഖ്യമന്ത്രി പിണറായി വിജയനും തെലുങ്കാന മുഖ്യമന്ത്രി കെ. ചന്ദ്രശേഖർ റാവുവും ഇന്നലെ കൂടിക്കാഴ്ച നടത്തി. മുഖ്യമന്ത്രിയുടെ വസതിയായ പ്രഗതി ഭവനിലായിരുന്നു കൂടിക്കാഴ്ച. പിണറായി വിജയന് തെലുങ്കാന മുഖ്യമന്ത്രി വസതിയിൽ വിരുന്നൊരുക്കിയിരുന്നു. തെലുങ്കാനയിലെ സാമൂഹികക്ഷേമ പദ്ധതികൾ, ടൂറിസം, വിവരസാങ്കേതികം തുടങ്ങിയ വിഷയങ്ങളെക്കുറിച്ച് ചർച്ച നടന്നു.

ശബരിമലയിൽ തെലുങ്കാനയിൽനിന്നെത്തുന്ന തീർഥാടകർക്കായി അടിസ്ഥാന സൗകര്യമൊരുക്കാൻ ഭൂമി അനുവദിച്ചിരുന്നെന്നും എന്നാൽ തിരുവിതാംകൂർ ദേവസ്വം ബോർഡിന്‍റെ അനാസ്ഥമൂലം നിർമാണപ്രവർത്തനങ്ങൾ മുടങ്ങിയിരിക്കുകയാണെന്നും ചന്ദ്രശേഖരറാവു പിണറായിയോടു പറഞ്ഞു. മണ്ഡല-മകരവിളക്ക് ഉത്സവത്തോടനുബന്ധിച്ച് ലക്ഷക്കണക്കിനു തീർഥാടകരാണു തെലുങ്കാനയിൽനിന്നു ശബരിമലയിലെത്തുന്നത്. ചർച്ചകൾക്കുശേഷം സംസ്ഥാന വ്യാപാര നയത്തിന്‍റെ പകർപ്പ് പിണറായി വിജയനു മുഖ്യമന്ത്രി ചന്ദ്രശേഖരറാവു നല്കി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.