ഇനിയില്ല, ചുവന്ന ബീക്കൺ ലൈറ്റ്
Wednesday, April 19, 2017 11:21 PM IST
ന്യൂ​ഡ​ൽ​ഹി: രാഷ്‌ട്രപതിയും പ്ര​ധാ​ന​മ​ന്ത്രി​യും കേ​ന്ദ്ര​മ​ന്ത്രി​മാ​രും അ​ട​ക്ക​മു​ള്ള വി​ഐ​പി​ക​ൾ ചു​വ​ന്ന ബീ​ക്ക​ണ്‍ ലൈ​റ്റ് ഉ​പ​യോ​ഗി​ക്കു​ന്ന​ത് കേ​ന്ദ്രസ​ർ​ക്കാ​ർ പൂ​ർ​ണ​മാ​യി വി​ല​ക്കി. മേ​യ് ഒ​ന്നിന് ഉ​ത്ത​ര​വ് ന​ട​പ്പി​ലാ​കു​മെ​ന്നും മ​ന്ത്രി​സ​ഭാ യോ​ഗ​ത്തി​നുശേ​ഷം മ​ന്ത്രി​മാ​രാ​യ അ​രു​ണ്‍ ജ​യ്റ്റ്്‌ലിയും നി​തി​ൻ ഗ​ഡ്ക​രി​യും വ്യ​ക്ത​മാ​ക്കി. ഫ​യ​ർ സ​ർ​വീ​സ​സ്, ആം​ബു​ല​ൻ​സ്, സൈന്യം, പോ​ലീ​സ് തു​ട​ങ്ങി​യ വിഭാഗങ്ങ ൾക്കു വാ​ഹ​ന​ങ്ങ​ളി​ൽ നീ​ല ബീ​ക്ക​ണ്‍ ലൈ​റ്റ് ഉ​പ​യോ​ഗി​ക്കാ​മെ​ന്നും അ​വർ പറഞ്ഞു.

ചു​വ​ന്ന ബീ​ക്ക​ണ്‍ ലൈ​റ്റ് വാ​ഹ​ന​ത്തി​ൽ ഉ​പ​യോ​ഗി​ക്കു​ന്ന ഉ​ന്ന​ത വ്യ​ക്തി​ക​ൾ ആ​രൊ​ക്കെ​യെ​ന്നു കേ​ന്ദ്ര, സം​സ്ഥാ​ന സ​ർ​ക്കാ​രു​ക​ൾ​ക്കു നി​ശ്ച​യി​ക്കാ​മെ​ന്നാ​ണ് നേ​ര​ത്തെ വ്യ​വ​സ്ഥ​യു​ണ്ടാ​യി​രു​ന്ന​ത്. പു​തു​ക്കി​യ വ്യ​വ​സ്ഥ പ്ര​കാ​രം കേ​ന്ദ്ര, സം​സ്ഥാ​ന സ​ർ​ക്കാ​രു​ക​ൾ​ക്ക് ഇ​ക്കാ​ര്യ​ത്തി​ൽ ഒ​രു നി​ർ​ദേ​ശ​വും മു​ന്നോ​ട്ടു​വ​യ്ക്കാ​നാ​വി​ല്ല. ഇ​തി​ൽ ഒ​രു ഇ​ള​വും ഏ​ർ​പ്പെ​ടു​ത്താ​നാ​വി​ല്ലെ​ന്നും ജ​യ്റ്റ്്‌ലി വി​ശ​ദ​മാ​ക്കി.

ഭ​ര​ണ​ഘ​ട​നാ പ​ദ​വി​യി​ലു​ള്ള​വ​ർ മാ​ത്ര​മേ ചു​വ​ന്ന ബീ​ക്ക​ണ്‍ ലൈ​റ്റ് ഉ​പ​യോ​ഗി​ക്കാ​വൂ​ എ​ന്നു 2013 ഡി​സം​ബ​റി​ൽ സു​പ്രീംകോ​ട​തി കേ​ന്ദ്രസ​ർ​ക്കാ​രി​നു നി​ർ​ദേ​ശം ന​ൽ​കി​യി​രു​ന്നു. ചു​വ​ന്ന ലൈ​റ്റ് ഉ​പ​യോ​ഗി​ക്കാ​നാ​വു​ന്ന​വ​രു​ടെ പ​ട്ടി​ക പു​തു​ക്ക​ണ​മെ​ന്നും മോ​ട്ടോ​ർ വാ​ഹ​ന നി​യ​മ​ത്തി​ൽ ഭേ​ദ​ഗ​തി കൊ​ണ്ടു​വ​ര​ണ​മെ​ന്നും ഉ​ത്ത​ര​വി​ൽ വ്യ​ക്ത​മാ​ക്കി​യി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ രാ​ഷ്‌ട്ര​പ​തി, ഉ​പ​രാ​ഷ്‌ട്ര​പ​തി, പ്ര​ധാ​ന​മ​ന്ത്രി, ലോ​ക്സ​ഭ സ്പീ​ക്ക​ർ, സു​പ്രീംകോ​ട​തി ചീ​ഫ് ജ​സ്റ്റീ​സ് എ​ന്നി​വ​ർ​ക്കു കേ​ന്ദ്ര​ത്തി​ലും സം​സ്ഥാ​ന​ത്ത് ഗ​വ​ർ​ണ​ർ, മു​ഖ്യ​മ​ന്ത്രി, നി​യ​മ​സ​ഭ സ്പീ​ക്ക​ർ, ഹൈ​ക്കോ​ട​തി ചീ​ഫ് ജ​സ്റ്റീ​സ് എ​ന്നി​വ​ർ​ക്കും മാ​ത്രം ചു​വ​ന്ന ബീ​ക്ക​ണ്‍ ഉ​പ​യോ​ഗി​ക്കു​ന്ന​തു പ​രി​മി​ത​പ്പെ​ടു​ത്താ​നാ​ണ് കേ​ന്ദ്ര ഗ​താ​ഗ​ത മ​ന്ത്രാ​ല​യം നി​ർ​ദേ​ശം ത​യാ​റാ​ക്കി​യി​രു​ന്ന​ത്. അതും തള്ളിയാണ് പ്രധാനമന്ത്രിയുടെ തീരുമാനം. അതു കാബിനറ്റ് അംഗീകരിക്കുകയായിരുന്നു.


കേ​ന്ദ്ര​ത്തി​ലു​ള്ള​തു സാ​ധാ​ര​ണ​ക്കാ​രു​ടെ സ​ർ​ക്കാ​രാ​ണെ​ന്നും ബീ​ക്ക​ണ്‍ ലൈ​റ്റി​ലെ വി​ഐ​പി സം​സ്കാ​രം അ​വ​സാ​നി​പ്പി​ക്കാ​നാ​ണ് പ്ര​ധാ​ന​മ​ന്ത്രി​യു​ടെ തീ​രു​മാ​ന​മെ​ന്ന് നി​തി​ൻ ഗ​ഡ്ഗ​രി പ​റ​ഞ്ഞു.

സു​പ്രീംകോ​ട​തി ഉ​ത്ത​ര​വി​നു പി​ന്നാ​ലെ ഡ​ൽ​ഹി​യി​ലെ ആം ​ആ​ദ്മി പാ​ർ​ട്ടി സ​ർ​ക്കാ​രും പ​ഞ്ചാ​ബി​ൽ അ​ടു​ത്തയി​ടെ അ​ധി​കാ​ര​ത്തി​ലെ​ത്തി​യ ക്യാ​പ്റ്റ​ൻ അ​മ​രീ​ന്ദ​ർ സിം​ഗ് സ​ർ​ക്കാ​രും ഉ​ത്ത​ർ​പ്ര​ദേ​ശി​ൽ യോ​ഗി ആ​ദി​ത്യ​നാ​ഥി​ന്‍റെ സ​ർ​ക്കാ​രും ചു​വ​ന്ന ബീ​ക്ക​ണ്‍ ലൈ​റ്റ് മാ​റ്റി​യി​രു​ന്നു.