ഭാര്യയെയും സഹോദരിയെയും ബംഗാളിലേക്കു വിടാൻ ധൈര്യമുണ്ടോയെന്ന് രൂപ ഗാംഗുലി : Deepika.com National News

Click here for detailed news of all items

ഭാര്യയെയും സഹോദരിയെയും ബംഗാളിലേക്കു വിടാൻ ധൈര്യമുണ്ടോയെന്ന് രൂപ ഗാംഗുലി

Saturday, July 15, 2017 2:04 PM IST

കോൽക്കത്ത: ഭാര്യയെയും മകളെയും ബംഗാളിലേക്കു പറഞ്ഞുവിടാമോ എന്ന് കോണ്‍ഗ്രസ്, തൃണമൂല്‍ കോണ്‍ഗ്രസ് നേതാക്കളെ വെല്ലുവിളിച്ച് ബിജെപി എംപി രൂപ ഗാംഗുലി. ബംഗാളില്‍ ബലാത്സംഗത്തിനിരയാകാതെ സ്ത്രീകള്‍ക്ക് 15 ദിവസത്തിലധികം ജീവിക്കാന്‍ സാധിക്കില്ലെന്ന് അവർ ആരോപിച്ചു.

പ്രസ്താവനയ്ക്കെതിരേ രൂക്ഷവിമര്‍ശനം ഉയര്‍ന്നെങ്കിലും രൂപ ഗാംഗുലി പ്രസ്താവനയിൽ ഉറച്ചു നിൽക്കുകയാണ്. മമതാ ബാനര്‍ജിയെ പിന്തുണയ്ക്കുന്നവർ ഭാര്യയെയും പെൺമക്കളെയും ബംഗാളിലേക്ക് അയയ്ക്കണമെന്നും പതിനഞ്ച് ദിവസം അതിക്രമം ഒന്നും കൂടാതെ കഴിയാൻ അവർക്ക് സാധിക്കുകയാണെങ്കിൽ താന്‍ പ്രസ്താവന പിന്‍വലിക്കാമെന്നും രൂപ ഗംഗുലി മാധ്യമങ്ങളോട് പറഞ്ഞു.

ഇന്നലെയാണ് രൂപ ഗംഗുലിടെ വിവാദ പ്രസ്താവന നടത്തിയത് . ബംഗാളിലെ ഡാര്‍ജിലിംഗിലും ബാസിര്‍ഹത്തിലും ബാദുരിയയിലുമായി തുടരുന്ന വർഗീയ സംഘര്‍ഷങ്ങളുടെ പശ്ചാത്തലത്തിലാണ് രൂപ വിവാദ പ്രസ്താവന നടത്തിയിരിക്കുന്നത്. സമൂഹ മാധ്യമങ്ങളിലൂടെ പ്രചരിപ്പിച്ചതാണ് വർഗീയസംഘർഷം പൊട്ടിപ്പുറപ്പെടാൻ കാരണം. വ്യാജവും അത്യന്തം പ്രകോപനപരവുമായ വാർത്തകൾ പ്രചരിപ്പിച്ചതിന് ബിജെപി നേതാക്കളെ അറസ്റ്റ് ചെയ്തിരുന്നു. ഇതിന് പിന്നാലെയാണ് പ്രകോപനപരമായ പ്രസാതാവനയുമായി രൂപ ഗാംഗുലി രംഗത്തെത്തിയിരിക്കുന്നത്.

മഹാഭാരതം സീരിയലിൽ ദ്രൗപതിയുടെ വേഷം ചെയ്ത നടികൂടിയാണ് രൂപ ഗാംഗുലി.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.