പാർലമെന്‍റ് സമ്മേളനത്തിനു നാളെ തുടക്കം : Deepika.com National News |

Click here for detailed news of all items

പാർലമെന്‍റ് സമ്മേളനത്തിനു നാളെ തുടക്കം

Saturday, July 15, 2017 2:04 PM IST

ന്യൂഡൽഹി: പ്രക്ഷുബ്ധമാകുമെന്ന് ഉറപ്പായ പാർലമെന്‍റിന്‍റെ വർഷകാല സമ്മേളനത്തിന് നാളെ തുടക്കം. രാഷ്‌ട്രപതി തെരഞ്ഞെടുപ്പും നാളെയാണ്. എൻഡിഎ സ്ഥാനാർഥി രാംനാഥ് കോവിന്ദ് വിജയം ഉറപ്പിച്ചെങ്കിലും മുൻ ലോക്സഭാ സ്പീക്കർ മീരാ കുമാറിനെ നിർത്തി പ്രതിപക്ഷവും മത്സരത്തിൽ സജീവമാണ്. കോവിന്ദിന് വോട്ടു ചെയ്യുമെന്ന് ബിഹാർ മുഖ്യമന്ത്രി നിതീഷ് കുമാറും ജെഡിയുവും പ്രഖ്യാപിച്ചിട്ടുണ്ട്. കേരളത്തിലെ ജെഡിയുവിന്‍റെ പാതയിൽ പാർട്ടിയുടെ മുതിർന്ന ദേശീയ നേതാവ് ശരത് യാദവ് മീരാ കുമാറിന് വോട്ട് ചെയ്തേക്കുമെന്നാണു പ്രതീക്ഷ.

ചൈനയുമായി സിക്കിമിൽ രൂക്ഷമായ അതിർത്തി സംഘർഷം, കാഷ്മീരിലെ വഷളായ സ്ഥിതി, അമർനാഥ് തീർഥാടകർക്കു നേരെയുണ്ടായ ഭീകരാക്രമണം അടക്കമുള്ള ആഭ്യന്തര സുരക്ഷ ാ പ്രശ്നങ്ങൾ, വർധിച്ചുവരുന്ന കർഷക ആത്മഹത്യകൾ, ദളിത്- ന്യൂനപക്ഷ ആക്രമണങ്ങൾ, ജിഎസ്ടിയെ തുടങ്ങിയവയെ തുടർന്നുള്ള ആശങ്കകൾ തുടങ്ങിയവയെച്ചൊല്ലി പ്രതിപക്ഷം ഒറ്റക്കെട്ടായി സർക്കാരിനെതിരേ പ്രതിഷേധം ഉയർത്തുമെന്ന് പ്രഖ്യാപിച്ചിട്ടുണ്ട്. കോണ്‍ഗ്രസ് നേതാക്കൾക്കും ലാലു പ്രസാദ് യാദവ് ഉൾപ്പെടെയുള്ള മറ്റു പ്രതിപക്ഷ നേതാക്കൾക്കും എതിരേയുള്ള പകപോക്കൽ നടപടികൾ, രാജ്യത്തിന്‍റെ ഫെഡറൽ സംവിധാനത്തിന് നേർക്കുയരുന്ന ഭീഷണികൾ, വിലക്കയറ്റം തുടങ്ങിയവയും പ്രാദേശിക പ്രശ്നങ്ങളും പ്രതിപക്ഷം സമ്മേളനത്തിൽ ഉന്നയിക്കും. തിങ്കളാഴ്ച തുടങ്ങുന്ന പാർലമെന്‍റ് സമ്മേളനത്തിൽ കൂടുതൽ പ്രതിപക്ഷ ഐക്യവും ഏകോപനവും വേണമെന്ന് കഴിഞ്ഞ ദിവസം 18 പാർട്ടികളുടെ സംയുക്ത യോഗത്തിൽ തീരുമാനിച്ചിട്ടുണ്ട്.

ജോർജ് കള്ളിവയലിൽ

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.