National News
കായംകുളം കൊച്ചുണ്ണിക്കു ബിഹാർ മോഡൽ
കായംകുളം കൊച്ചുണ്ണിക്കു ബിഹാർ മോഡൽ
Monday, July 17, 2017 12:48 PM IST
ന്യൂ​ഡ​ൽ​ഹി: ക​വ​ർ​ന്നെ​ടു​ത്ത തൊ​ണ്ടി മു​ത​ലി​ൽ നി​ന്നും ന​ല്ലൊ​രു പ​ങ്ക് കൈ​യ​യ​ച്ചു ദാ​നം ചെ​യ്യും. അ​ങ്ങ​നെ​യാ​ണ് ക​ഥ​യ​റി​യാ​തെ ഇ​ർ​ഫാ​ൻ എ​ന്ന ന​ല്ല ക​ള്ള​ന്‍റെ ന​ന്മ​ക​ൾ​ക്ക് ഒ​രു ഗ്രാ​മം മു​ഴു​വ​ൻ ദൃ​ക്സാ​ക്ഷി​ക​ളാ​യ​ത്. ബി​ഹാ​റി​ൽ ഒ​രു കാ​യം​കു​ളം ഉ​ണ്ടെ​ങ്കി​ൽ അ​വി​ടു​ത്തെ കൊ​ച്ചു​ണ്ണി​യാ​ണ് ഇ​ർ​ഫാ​ൻ.

ബി​ഹാ​റി​ലെ പു​പ്രി ഗ്രാ​മ​ത്തി​ൽ ഇ​ർ​ഫാ​ൻ എ​ന്ന ഇരുപത്തി യേഴുകാ​ര​ൻ അ​റി​യ​പ്പെ​ടു​ന്ന​ത് നി​ല​യും വി​ല​യു​മു​ള്ള ഒ​രു സാ​മൂ​ഹ്യ പ്ര​വ​ർ​ത്ത​ക​നാ​യി​ട്ടാ​ണ്. പാ​വ​പ്പെ​ട്ട​വ​ർ​ക്ക് വേ​ണ്ടി സ്വ​ന്തം പോ​ക്ക​റ്റി​ൽനി​ന്നു പ​ണം ചെ​ല​വാ​ക്കി ആ​രോ​ഗ്യ ക്യാ​ന്പു​ക​ൾ സം​ഘ​ടി​പ്പി​ക്കു​ന്നു. പ​ട്ടി​ണി കി​ട​ക്കു​ന്ന​വ​ർ​ക്കു ഭ​ക്ഷ​ണം ന​ൽ​കു​ന്നു. ഈ ​ചെ​റു​പ്പ​ക്കാ​ര​ന്‍റെ കാ​രു​ണ്യം ഒ​ന്നു കൊ​ണ്ടു മാ​ത്ര​മാ​ണ് ഗ്രാ​മ​ത്തി​ലെ എ​ട്ടു ദ​രി​ദ്ര കു​ടും​ബ​ങ്ങ​ളി​ലെ പെ​ണ്‍കു​ട്ടി​ക​ളു​ടെ വി​വാ​ഹം ന​ട​ന്ന​ത്.

മോ​ഷ​ണ​ത്തി​ൽ ത​ന്നെ ഇ​ർ​ഫാ​ൻ ഏ​റെ​യും കൈവ​ച്ചി​രി​ക്കു​ന്ന​ത് വി​ല കൂ​ടി​യ വാ​ച്ചു​ക​ളി​ലാ​ണ്. അ​ഞ്ചാം ക്ലാ​സി​ൽ പ​ഠി​പ്പു നി​ർ​ത്തി​യ ഇ​ർ​ഫാ​ന് ആ​ഡം​ബ​ര കാ​റു​ക​ളോ​ടും വ​ലി​യ ക​ന്പ​മാ​ണ്. ഈ ​ആ​ഡം​ബ​ര മോ​ഹ​ങ്ങ​ളി​ലൂ​ടെ ഇ​ർ​ഫാ​ൻ ഡ​ൽ​ഹി​യി​ൽ മാ​ത്രം പ​ന്ത്ര​ണ്ടു മോ​ഷ​ണ​ക്കേ​സു​ക​ളി​ലെ പ്ര​തി​യാ​ണ്. ഒ​രി​ക്ക​ൽ ഡ​ൽ​ഹി​യി​ലെ ഒ​രു ബാ​റി​ൽ ത​ന്‍റെ ഇ​ഷ്ട​ഗാ​നം ഒ​രു വ​ട്ടം കൂ​ടി കേ​ൾ​ക്കാ​ൻ മാ​ത്രം ഇ​ർ​ഫാ​ൻ ബാ​ർ മാ​നേ​ജ​ർ​ക്കു നേ​രെ എ​ടു​ത്തു വീ​ശി​യ​ത് പ​തി​നാ​യി​രം രൂ​പ​യാ​ണ്.


ക​ഴി​ഞ്ഞ ജൂ​ലൈ ആ​റി​നു ഡ​ൽ​ഹി പോ​ലീ​സ് ബിഹാ​റി​ലെ ഗ്രാ​മ​ത്തി​ൽനി​ന്ന് അ​റ​സ്റ്റ് ചെ​യ്യു​ന്പോ​ൾ ഒ​രു പു​തു​പു​ത്ത​ൻ റോ​ള​ക്സ് വാ​ച്ച് കൈ​യി​ൽ വെ​ട്ടി​ത്തി​ള​ങ്ങു​ന്നു​ണ്ടാ​യി​രു​ന്നു. ഡ​ൽ​ഹി ന്യൂ ​ഫ്ര​ണ്ട്സ് കോ​ള​നി​യി​ലെ ഒ​രു ബം​ഗ്ലാ​വി​ൽനി​ന്നു മോ​ഷ്ടി​ച്ച​താ​ണി​ത്. ഇ​തു​വ​രെ മോ​ഷ്ടി​ച്ച​തി​ൽനി​ന്നു വി​ല​കൂ​ടി​യ വാ​ച്ചു​ക​ളും ആ​ഭ​ര​ണ​ങ്ങ​ളും വി​റ്റ് അ​ടു​ത്ത​യി​ടെ​യാ​ണ് ഒ​രു ഹോ​ണ്ട സി​വി​ക് കാ​ർ വാ​ങ്ങി​യ​ത്. ഇ​ർ​ഫാ​ന്‍റെ കൈ​യി​ൽനി​ന്നു വി​ല​പി​ടി​പ്പു​ള്ള സാ​ധ​ന​ങ്ങ​ൾ വാ​ങ്ങ​ിയി​രു​ന്ന ധ​ർ​മേ​ന്ദ​ർ എ​ന്ന വ്യാ​പാ​രി​യും പോ​ലീ​സ് പി​ടി​യി​ലാ​യി​ട്ടു​ണ്ട്.
ഇ​ർ​ഫാ​നെ അ​ന്വേ​ഷി​ച്ച് ഡ​ൽ​ഹി പോ​ലീ​സ് വന്ന​പ്പോ​ൾ ഗ്രാ​മ​വാ​സി​ക​ൾ​ക്ക് അ​ന്പ​ര​പ്പാ​യി​രു​ന്നു. ഇ​ർ​ഫാ​ൻ അ​വ​രു​ടെ​യി​ട​യി​ൽ ഉ​ജാ​ല ബാ​ബു എ​ന്ന പേ​രി​ലാ​ണ് അ​റി​യ​പ്പെ​ട്ടി​രു​ന്ന​ത്. അ​വ​രെ സം​ബ​ന്ധി​ച്ച് ഏ​തു നേ​ര​ത്തും ഏ​തു സ​ഹാ​യ​ത്തി​നും ഓ​ടി​ച്ചെ​ന്ന് കൈ​നീ​ട്ടാ​വു​ന്ന ക​രു​ണാ​മ​യ​നാ​യി​രു​ന്നു ഉ​ജാ​ല ബാ​ബു.

തെ​ക്ക് കി​ഴ​ക്ക​ൻ ഡ​ൽ​ഹി​യി​ലെ സ​ന്പ​ന്ന വ​സ​തി​ക​ൾ കേ​ന്ദ്രീ​ക​രി​ച്ചാ​യി​രു​ന്നു ഇ​ർ​ഫാ​ന്‍റെ ത​സ്ക​ര കൃ​ത്യ​ങ്ങ​ൾ. ഡ​ൽ​ഹി​യി​ലെ ബാ​റു​ക​ളി​ലും ക്ല​ബു​ക​ളി​ലും പ​തി​വ് സ​ന്ദ​ർ​ശ​ക​നാ​യി​രു​ന്നു.


സെ​ബി മാ​ത്യു
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.