തെരുവുനായ്ക്കളെ കൂട്ടത്തോടെ കൊന്നൊടുക്കരുത്: സുപ്രീംകോടതി
Monday, July 17, 2017 1:10 PM IST
ന്യൂ​ഡ​ൽ​ഹി: തെ​രു​വുനാ​യ്ക്ക​ളെ കൂ​ട്ട​ത്തോ​ടെ കൊ​ന്നൊ​ടു​ക്കു​ന്ന​ത് ആ​വ​ർ​ത്തി​ക്ക​രു​തെ​ന്ന് തി​രു​വ​ന​ന്ത​പു​രം കി​ഴു​വി​ല്ലം ഗ്രാ​മ​പ​ഞ്ചാ​യ​ത്തി​നു സു​പ്രീംകോ​ട​തി​യു​ടെ നി​ർ​ദേ​ശം. കോ​ട​തി ഉ​ത്ത​ര​വ് മ​റി​ക​ട​ന്ന് തെ​രു​വുനാ​യ്ക്ക​ളെ കൂ​ട്ട​ത്തോ​ടെ കൊ​ല​പ്പെ​ടു​ത്തി​യ​തു​മാ​യി ബ​ന്ധ​പ്പെ​ട്ട് പ​ഞ്ചാ​യ​ത്തി​നെ​തി​രേ​യു​ള്ള കോ​ട​തി​യ​ല​ക്ഷ്യ​ക്കേ​സ് പ​രി​ഗ​ണി​ക്കു​ന്നതി​ടെ​യാ​ണു കോ​ട​തി മു​ന്ന​റി​യി​പ്പ് ന​ൽ​കി​യ​ത്.

പ​ഞ്ചാ​യ​ത്ത് പ്ര​സി​ഡ​ന്‍റ് അ​ട​ക്കം നി​രു​പാ​ധി​കം മാ​പ്പ് പ​റ​ഞ്ഞ​തി​നെ​ത്തു​ട​ർ​ന്ന് ജ​സ്റ്റീ​സ് ദീ​പ​ക് മി​ശ്ര അ​ധ്യ​ക്ഷ​നാ​യ മൂ​ന്നം​ഗ ബെ​ഞ്ച് കോ​ട​തി​യ​ല​ക്ഷ്യ കേ​സ് അ​വ​സാ​നി​പ്പി​ച്ചു. നാ​യ്ക്ക​ളെ കൊ​ല​പ്പെ​ടു​ത്തി​യ​തു​മാ​യി ബ​ന്ധ​പ്പെ​ട്ട് ഹ​രി​യാ​ന സ്വ​ദേ​ശി നി​കി​ത ആ​ന​ന്ദ് ന​ൽ​കി​യ ഹ​ർ​ജി​യി​ലാ​ണ് കോ​ട​തി​യ​ല​ക്ഷ്യ കേ​സി​ൽ കി​ഴു​വി​ല്ലം പ​ഞ്ചാ​യ​ത്തി​നു നോ​ട്ടീ​സ് അ​യ​ച്ച​ത്.


അ​തേ​സ​മ​യം, കേ​സി​ലേ​ക്ക് അ​നാ​വ​ശ്യ​മാ​യി വ​ലി​ച്ചി​ഴ​ച്ചെ​ന്ന ആ​റ്റി​ങ്ങ​ൽ ന​ഗ​ര​സ​ഭ​യു​ടെ പ​രാ​തി​യി​ൽ ഹ​ർ​ജി​ക്കാ​രി​യാ​യ നി​കി​ത ആ​ന​ന്ദി​നു നോ​ട്ടീ​സ് അ​യ​ച്ച കോ​ട​തി, വി​ശ​ദീ​ക​ര​ണം ന​ൽ​കാ​ൻ ആ​വ​ശ്യ​പ്പെ​ട്ടു.

യാ​തൊ​രു ബ​ന്ധ​വു​മി​ല്ലാ​ത്ത കേ​സി​ൽ ത​ങ്ങ​ളെ പ്ര​തി​യാ​ക്കു​ക​യാ​യി​രു​ന്നെ​ന്നും ഹ​ർ​ജി​ക്കാ​രി​യി​ൽ നി​ന്നു ചെ​ല​വ​ട​ക്കം ഈ​ടാ​ക്കാ​ൻ ഉ​ത്ത​ര​വി​ട​ണ​മെ​ന്നും ആ​റ്റി​ങ്ങ​ൽ ന​ഗ​ര​സ​ഭ​യ്ക്കു വേ​ണ്ടി ഹാ​ജ​രാ​യ അ​ഭി​ഭാ​ഷ​ക​ൻ പി.​വി. ദി​നേ​ശ് ആ​വ​ശ്യ​പ്പെ​ട്ടു. കേ​സ് വീ​ണ്ടും മൂ​ന്നാ​ഴ്ച​യ്ക്ക​കം പ​രി​ഗ​ണി​ക്കും.