National News
സ്വകാര്യത മൗലികാവകാശം; പരമമല്ലെന്നു കേന്ദ്രം
Wednesday, July 26, 2017 12:24 PM IST
ന്യൂ​ഡ​ൽ​ഹി: സ്വ​കാ​ര്യ​ത മൗ​ലി​കാ​വ​കാ​ശ​മാ​യി ത​ന്നെ​യാ​ണ് പ​രി​ഗ​ണി​ക്കു​ന്ന​തെ​ന്ന് കേ​ന്ദ്ര സ​ർ​ക്കാ​ർ സു​പ്രീം കോ​ട​തി​യി​ൽ. എ​ന്നാ​ൽ, എ​ല്ലാ നി​ല​യി​ലും അതി നെ പ​ര​മ​മാ​യി പ​രി​ഗ​ണി​ക്കാ​റി​ല്ലെ​ന്നും അ​റ്റോ​ർ​ണി ജ​ന​റ​ൽ കെ.​കെ. വേ​ണു​ഗോ​പാ​ൽ ഒ​ന്പ​തം​ഗ ഭ​ര​ണ​ഘ​ട​നാ ബെ​ഞ്ചി​നു മു​ന്പാ​കെ പറഞ്ഞു. സ്വ​കാ​ര്യ​ത​യു​ടെ ലം​ഘ​ന​മെന്ന പേ​രി​ൽ ആ​ധാ​ർ വി​വ​ര​ങ്ങ​ൾ ശേഖരിക്കുന്ന തിനും ഉ​പ​യോ​ഗി​ക്കു​ന്ന​തി​നു​മു​ള്ള സ​ർ​ക്കാ​ർ ന​ട​പ​ടി​ക​ളെ ത​ട​യാ​നാ​കി​ല്ലെ​ന്നും അ​ദ്ദേ​ഹം വാദിച്ചു.

സ്വ​കാ​ര്യ​ത മൗ​ലി​കാ​വ​കാ​ശ​മാ​ണോ എ​ന്ന​തു പ​രി​ശോ​ധി​ക്കാ​നാ​ണ് ഒ​ന്പ​തം​ഗ ഭ​ര​ണ​ഘ​ട​ന ബെ​ഞ്ച് രൂ​പീ​ക​രി​ച്ച​തെ​ന്നും അ​ത് കേ​ന്ദ്ര സ​ർ​ക്കാ​ർ അം​ഗീ​ക​രി​ച്ച സാ​ഹ​ച​ര്യ​ത്തി​ൽ വി​ഷ​യ​ത്തി​ലു​ള്ള ന​ട​പ​ടി​ക​ൾ അ​വ​സാ​നി​പ്പി​ക്കാ​മെ​ന്നും വാ​ദ​ത്തി​നി​ടെ ചീ​ഫ് ജ​സ്റ്റീ​സ് നി​ല​പാ​ടെ​ടു​ത്തു. എന്നാൽ, സ്വ​കാ​ര്യ​ത പൂ​ർ​ണ​തോ​തി​ലു​ള്ള പ​ര​മ​മാ​യ അ​വ​കാ​ശ​മ​ല്ലെ​ന്ന വാ​ദം കേ​ന്ദ്രം ഉ​ന്ന​യി​ച്ചു. മ​റ്റ് മൗ​ലി​കാ​വ​കാ​ശ​ങ്ങ​ൾ നി​ർ​വ​ചി​ച്ചി​രി​ക്കു​ന്ന​തു പോ​ലെ​യു​ള്ള പൂ​ർ​ണ യോ​ഗ്യ​ത സ്വ​കാ​ര്യ​ത​യ്ക്കി​ല്ല. അ​ത് വ്യ​ക്തി സ്വാ​ത​ന്ത്ര്യ​ത്തി​നു​ള്ള അ​വ​കാ​ശ​ത്തി​ലെ ചില വ​ശ​ങ്ങ​ളു​മാ​യി ബ​ന്ധ​പ്പെ​ട്ട​താ​ണ്. അ​തി​നാ​ൽ, ഈ ​അ​വ​കാ​ശ​ത്തി​ലെ എ​ല്ലാ വ​ശ​ങ്ങ​ളെ​യും മൗ​ലി​കാ​വ​കാ​ശ​മാ​യി പ​രി​ഗ​ണി​ക്കാ​നാ​കി​ല്ലെ​ന്നും വേ​ണു​ഗോ​പാ​ൽ വാ​ദി​ച്ചു.

അ​തി​നാ​ൽ, സ്വ​കാ​ര്യ​ത​യി​ൽ ചി​ല കാ​ര​ണ​ങ്ങ​ൾ കൊ​ണ്ട് നി​യ​ന്ത്ര​ണ​ങ്ങ​ൾ കൊ​ണ്ടു​വ​രാ​നാ​കും. ആ​ധാ​റി​ന്‍റെ കാ​ര്യ​ം ഇ​ക്കാ​ര​ണ​ങ്ങ​ൾ കൊ​ണ്ട് പൗ​ര​ന്മാ​ർ​ക്ക് എ​തി​ർ​ക്കാ​നു​മാ​കി​ല്ല. സ​ർ​ക്കാ​ർ ആ​നു​കൂ​ല്യ​ങ്ങ​ൾ ജ​ന​ങ്ങ​ളി​ലേ​ക്കു നേ​രി​ട്ട് എ​ത്തി​ക്കാ​നാ​ണ് ആ​ധാ​ർ കാ​ർ​ഡ് ഏ​ർ​പ്പെ​ടു​ത്തി​യ​ത്. പാ​വ​പ്പെട്ട ജ​ന​ങ്ങ​ൾ​ക്ക് അ​ടി​സ്ഥാ​ന മ​നു​ഷ്യാ​വ​കാ​ശ​വും സാ​മൂ​ഹ്യ​ക്ഷേ​മ​വും ഉ​റ​പ്പാ​ക്കു​ന്ന​തി​നു​ള്ള പ​ദ്ധ​തി​യെ ചു​രു​ക്കം ചി​ല​രു​ടെ ശാ​രീ​രി​ക അ​ന്ത​സി​ന്‍റെ പേ​രി​ൽ ഇ​ല്ലാ​താ​ക്കാ​നാ​കി​ല്ലെ​ന്നും കേ​ന്ദ്രം വാ​ദി​ച്ചു. എ​ന്നാ​ൽ, സാ​ധാ​ര​ണ​ക്കാ​ര​ന്‍റെ സ്വ​കാ​ര്യ​ത​യെ അ​വ​ഗ​ണി​ക്കാ​നാ​വി​ല്ലെ​ന്നു ചൂ​ണ്ടി​ക്കാ​ട്ടി​യ ജ​സ്റ്റീ​സ് റോ​ഹി​ൻ​ട​ണ്‍ ന​രി​മാ​ൻ, സ്വ​കാ​ര്യ​ത​യു​ടെ എ​ല്ലാ വ​ശ​ങ്ങ​ളും ആ​ധാ​റു​മാ​യി ബ​ന്ധ​പ്പെ​ട്ടി​ട്ടി​ല്ലെ​ന്നും ഓ​ർ​മ​പ്പെ​ടു​ത്തി.


അ​തി​നി​ടെ, സ്വ​കാ​ര്യ​ത മൗ​ലി​കാ​വ​കാ​ശ​ങ്ങ​ളി​ൽ ഒ​ന്നാ​യി പ്ര​ഖ്യാ​പി​ക്ക​ണ​മെ​ന്ന് ആ​വ​ശ്യ​പ്പെ​ട്ട് നാ​ല് സം​സ്ഥാ​ന സ​ർ​ക്കാ​രു​ക​ൾ കേ​സി​ൽ ക​ക്ഷി ചേ​രാ​ൻ ഹ​ർ​ജി ന​ൽ​കി. ക​ർ​ണാ​ട​ക, പ​ശ്ചി​മ ബം​ഗാ​ൾ, പ​ഞ്ചാ​ബ്, പു​തു​ച്ചേ​രി എ​ന്നി​വ​യാ​ണ് കേ​ന്ദ്ര സ​ർ​ക്കാ​രി​ന്‍റെ നി​ല​പാ​ടി​നെ​തി​രേ രം​ഗ​ത്തെ​ത്തി​യ​ത്.

സ്വ​കാ​ര്യ​ത പ​ര​മ​മാ​യ അ​വ​കാ​ശ​മ​ല്ല. എ​ന്നാ​ൽ, അ​ത് മൗ​ലി​കാ​വ​കാ​ശ​മാ​ണ്. ഇ​ക്കാ​ര്യ​ത്തി​ൽ ഒ​രു സ​ന്തു​ല​നം കൊ​ണ്ടു​വ​രേ​ണ്ട​തു​ണ്ടെ​ന്നു സം​സ്ഥാ​ന​ങ്ങ​ൾ വാദിക്കുന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.