National News
അമിത് ഷായ്ക്കു പാളി; പട്ടേൽ നേടി
അമിത് ഷായ്ക്കു പാളി; പട്ടേൽ നേടി
Wednesday, August 9, 2017 12:42 PM IST
ന്യൂ​ഡ​ൽ​ഹി: ബി​ജെ​പി അ​ധ്യ​ക്ഷ​ൻ അ​മി​ത് ഷാ​യും എ​ഐ​സി​സി രാഷ്‌ട്രീയ​കാ​ര്യ സെ​ക്ര​ട്ട​റി അ​ഹ​മ്മ​ദ് പ​ട്ടേ​ലും ത​മ്മി​ലു​ണ്ടാ​യ പ്ര​സ്റ്റീ​ജ് പോ​രാ​ട്ട​ത്തി​ന് അ​പ്പു​റ​മാ​ണ് പ​ട്ടേ​ലി​ന്‍റെ വി​ജ​യം. രാ​ഷ്‌ട്രീയ ശ​ത്രു​വാ​യ പ​ട്ടേ​ലി​നെ ഏ​തു വി​ധേ​ന​യും മു​ട്ടു​കു​ത്തി​ക്കാ​നു​ള്ള അ​മി​ത് ഷാ​യു​ടെ ത​ന്ത്രം പാ​ളി​യ​തി​ന്‍റെ പ്ര​ത്യാ​ഘാ​തം ഗു​ജ​റാ​ത്തി​ലും ദേ​ശീ​യ രാ​ഷ്‌്ട്രീയ​ത്തി​ലും മാ​ത്ര​മാ​യി ഒ​തു​ങ്ങി​ല്ല.

ന​രേ​ന്ദ്ര മോ​ദി- അ​മി​ത് ഷാ ​കൂ​ട്ടു​കെ​ട്ടി​ന്‍റെ അ​പ്ര​മാ​ദി​ത്വത്തി​നും പണ-കായിക ശേഷി രാ​ഷ്‌ട്രീ​യ​ത്തി​നു​മേ​റ്റ തി​രി​ച്ച​ടി കൂ​ടി​യാ​യി ഗു​ജ​റാ​ത്തി​ലെ രാ​ജ്യ​സ​ഭാ തെ​ര​ഞ്ഞെ​ടു​പ്പു ഫ​ലം. അ​മി​ത് ഷാ​യു​ടെ വ്യ​ക്തി​പ​ര​മാ​യ വി​ജ​യ​ത്തി​ലും അ​ദ്ദേ​ഹ​ത്തി​ന്‍റെ സ​മീ​പ​കാ​ല രാ​ഷ്‌ട്രീയ​ത്തി​ലേ​റ്റ ഏ​റ്റ​വും ക​ന​ത്ത തോ​ൽ​വി​യാ​യി പ​ട്ടേ​ലി​ന്‍റെ വി​ജ​യം. അ​ധി​കാ​ര​വും പ​ണ​വും ഉ​പ​യോ​ഗി​ച്ച് ജ​ന​വി​ധി​യെ അ​ട്ടി​മ​റി​ക്കാ​നും രാ​ഷ്‌ട്രീയ എ​തി​രാ​ളി​ക​ളെ ത​ക​ർ​ക്കാ​നും ശ്ര​മി​ക്കു​ന്ന ബി​ജെ​പി​യു​ടെ കു​ത​ന്ത്ര​ങ്ങ​ൾ​ക്കേ​റ്റ വ​ലി​യ പ്ര​ഹ​ര​മാ​ണ് ത​ന്‍റെ വി​ജ​യ​മെ​ന്ന പ​ട്ടേ​ലി​ന്‍റെ ത​ന്നെ പ്ര​തി​ക​ര​ണ​ത്തി​ൽ എ​ല്ലാ​മു​ണ്ട്.

ബി​ജെ​പി​ക്കെ​തി​രാ​യ സം​യു​ക്ത പ്ര​തി​പ​ക്ഷ കൂ​ട്ടാ​യ്മ​യ്ക്കും ത​ക​ർ​ച്ച​യി​ലേ​ക്ക് നീ​ങ്ങി​ക്കൊ​ണ്ടി​ക്കു​ന്ന കോ​ണ്‍ഗ്ര​സി​നും പു​തി​യ ഉൗ​ർ​ജ​വും ആ​വേ​ശ​വും പ്ര​തീ​ക്ഷ​യും ന​ൽ​കാ​നും ഗു​ജ​റാ​ത്തി​ലെ ഈ ​പ്ര​സ്റ്റീ​ജ് വി​ജ​യം വ​ഴി​യൊ​രു​ക്കും. പ​ട്ടേ​ലി​ന്‍റെ വി​ജ​യ​ത്തി​നാ​യി കോ​ണ്‍ഗ്ര​സ് നേ​താ​ക്ക​ൾ ഒ​റ്റ​ക്കെ​ട്ടാ​യി ന​ട​ത്തി​യ നീ​ക്ക​ങ്ങ​ളും ആ​വേ​ശ​വും ഉ​ണ്ടാ​യി​രു​ന്നെ​ങ്കി​ൽ ഗോ​വ​യി​ലും മ​ണി​പ്പൂ​രി​ലും ഏ​റ്റ​വും വ​ലി​യ ഒ​റ്റ​ക്ക​ക്ഷി​യാ​യി മാ​റി​യി​ട്ടും ബി​ജെ​പി ഭ​ര​ണം റാ​ഞ്ചു​ക​യി​ല്ലാ​യി​രു​ന്നു​വെ​ന്ന് പാ​ർ​ട്ടി നേ​താ​ക്ക​ൾ ത​ന്നെ സ​മ്മ​തി​ക്കു​ന്നു​ണ്ട്. കോ​ണ്‍ഗ്ര​സ് അ​ധ്യ​ക്ഷ സോ​ണി​യാ ഗാ​ന്ധി​യു​ടെ ത​ന്ത്ര​പ​ര​വും ച​ടു​ല​മാ​യ നി​ർ​ദേ​ശ​ങ്ങ​ളാ​ണ് കോ​ണ്‍ഗ്ര​സി​ന്‍റെ വി​ജ​യ​ത്തി​ലേ​ക്കും തെ​ര​ഞ്ഞെ​ടു​പ്പു ക​മ്മീ​ഷ​നു മു​ന്നി​ൽ ശ​ക്ത​മാ​യ നി​ല​പാ​ട് സ്വീ​ക​രി​ക്കു​ന്ന​തി​ലും എത്തിയത്. പ​ട്ടേ​ലി​ന്‍റെ വി​ജ​യ​ത്തി​ന്‍റെ ആ​ദ്യ അ​ല​യൊ​ലി ബി​ഹാ​റി​ലെ ജെ​ഡി​-യു നേ​താ​ക്ക​ളാ​യ നി​തീ​ഷ് കു​മാ​റും ശ​ര​ത് യാ​ദ​വും വേ​ർ​പി​രി​യു​ന്ന​താ​കും. നി​തീ​ഷ് കു​മാ​റി​ന്‍റെ ജെ​ഡി​-യു​വു​മാ​യി പി​ള​രു​ന്ന​തി​ലേ​ക്കു വ​ഴി​തെ​ളി​ച്ച തു​റ​ന്ന നി​ല​പാ​ടാ​ണ് പാ​ർ​ട്ടി​യു​ടെ മു​ൻ ദേ​ശീ​യ അ​ധ്യ​ക്ഷ​നും മു​തി​ർ​ന്ന നേ​താ​വു​മാ​യ ശ​ര​ത് യാ​ദ​വ് സ്വീ​ക​രി​ച്ച​ത്. എം.​പി. വീ​രേ​ന്ദ്ര​കു​മാ​റി​ന്‍റെ നേ​തൃ​ത്വ​ത്തി​ലു​ള്ള കേ​ര​ള​ത്തി​ലെ ജെ​ഡി-​യു​വി​നു പി​ന്നാ​ലെ​യാ​ണ് ശ​ര​ത് യാ​ദ​വി​ന്‍റെ ന​ട​പ​ടി. നി​തീ​ഷി​നെ പ​ര​സ്യ​മാ​യി വെ​ല്ലു​വി​ളി​ച്ചാ​ണ് അ​ഹ​മ്മ​ദ് പ​ട്ടേ​ലി​നെ യാ​ദ​വ് അ​ഭി​ന​ന്ദി​ക്കു​ക​യും ട്വി​റ്റ​റി​ൽ പ​ര​സ്യ​മാ​യി അ​ഭി​ന​ന്ദ​ന സ​ന്ദേ​ശം കു​റി​ക്കു​ക​യും ചെ​യ്ത​ത്.

ഏ​റ്റ​വും ക​ടു​ത്ത ത​ട​സങ്ങ​ളെ അ​തി​ജീ​വി​ച്ച് നേ​ടി​യ വി​ജ​യ​ത്തി​ന് ഹൃ​ദ​യം​ഗ​മ​മാ​യ അ​ഭി​ന​ന്ദ​ന​ങ്ങ​ൾ നേ​രാ​നും പ​ട്ടേ​ലു​മാ​യി ഒ​രു​മി​ച്ചി​രി​ക്കു​ന്ന ഫോ​ട്ടോ​യോ​ടൊ​പ്പം ന​ൽ​കി​യ സ​ന്ദേ​ശ​ത്തി​ൽ യാ​ദ​വ് ചൂ​ണ്ടി​ക്കാ​ട്ടി​യ​തും ശ്ര​ദ്ധേ​യ​മാ​യി. ഗു​ജ​റാ​ത്തി​ലെ ഏ​ക ജെ​ഡി​-യു എം​എ​ൽ​എ​യും ത​ന്‍റെ വി​ശ്വ​സ്ത​നു​മാ​യ ഛോട്ടു​ഭാ​യി വാ​സ​വ​യു​ടെ വോ​ട്ട് അ​ഹ​മ്മ​ദ് പ​ട്ടേ​ലി​ന്‍റെ വി​ജ​യ​ത്തി​ൽ ഏ​റെ നി​ർ​ണാ​യ​ക​വു​മാ​യി​രു​ന്നു. ബി​ജെ​പി​യു​മാ​യി ചേ​രാ​നു​ള്ള നി​തീ​ഷി​ന്‍റെ തീ​രു​മാ​ന​ത്തോ​ട് വി​യോ​ജി​പ്പു​ള്ള ശ​ര​ത് യാ​ദ​വി​ന്‍റെ പു​തി​യ നീ​ക്കം നി​തീ​ഷി​നെ വെ​ട്ടി​ലാ​ക്കി​യി​ട്ടു​ണ്ട്. പാ​ർ​ട്ടി​യി​ൽനി​ന്നു പു​റ​ത്താ​ക്കി​യാ​ലും യാ​ദ​വി​ന്‍റെ രാ​ജ്യ​സ​ഭാം​ഗ​ത്വം ന​ഷ്ട​മാ​കി​ല്ല.

ഒ​രൊ​റ്റ രാ​ജ്യ​സ​ഭാ സീ​റ്റു പി​ടി​ക്കാ​ൻ കേ​ന്ദ്ര​ത്തി​ലെ​യും ഗു​ജ​റാ​ത്തി​ലെ​യും സ​ർ​ക്കാ​രുകളെയും കോ​ർ​പ​റേ​റ്റ് ശ​ക്തി​ക​ളെ​യും ഉപയോഗിച്ച് കോ​ടി​ക്ക​ണ​ക്കി​നു രൂ​പ​യും ഭീ​ഷ​ണി​ക​ളും പ്ര​ലോ​ഭ​ന​ങ്ങ​ളും അ​ട​ക്കം സ​ർ​വ​ത​ന്ത്ര​ങ്ങ​ളു​മാ​യി അ​മി​ത് ഷാ ​നേ​രി​ട്ട് പ​ട ന​യി​ച്ചി​ട്ടും പ​ട്ടേ​ൽ ജ​യി​ച്ച​ത്് അ​മി​ത് ഷായ്ക്ക് ഏറ്റ പ്ര​ഹ​ര​മാ​ണെ​ന്നാ​ണ് മു​തി​ർ​ന്ന ഒ​രു കോ​ണ്‍ഗ്ര​സ് നേ​താ​വ് ഇ​ന്ന​ലെ അ​ഭി​പ്രാ​യ​പ്പെ​ട്ട​ത്. ജ​നാ​ധി​പ​ത്യ​പ​ര​മാ​യി മൂ​ന്ന​ാമതൊ​രു സീ​റ്റ് ജ​യി​ക്കാ​ൻ വേ​ണ്ട വോ​ട്ടു​ക​ൾ ഇ​ല്ലെ​ന്ന് അ​റി​യാ​മാ​യി​രു​ന്നി​ട്ടും കോ​ണ്‍ഗ്ര​സി​ലെ പ്ര​ബ​ല​നെ മ​ല​ർ​ത്തി​യ​ടി​ക്കാ​മെ​ന്ന ധാ​ർഷ്ട്യ​ത്തി​നേ​റ്റ തി​രി​ച്ച​ടി കൂ​ടി​യാ​ണി​തെ​ന്നാ​ണ് പ്ര​തി​പ​ക്ഷ​ത്തെ പ്ര​മു​ഖ​ർ പ​റ​യു​ന്നു.


രാ​ജ്യ​സ​ഭാം​ഗ​മാ​യി താ​ൻ പാ​ർ​ല​മെ​ന്‍റി​ലെ​ത്തു​ന്ന സ​ഭ​യി​ൽ അ​ഹ​മ്മ​ദ് പ​ട്ടേ​ൽ ഉ​ണ്ടാ​വ​രു​തെ​ന്ന പി​ടി​വാ​ശി​യോ​ടെ​യാ​യി​രു​ന്നു അ​മി​ത് ഷാ ​വ​ഴി​വി​ട്ട ശ്ര​മ​ങ്ങ​ൾ ന​ട​ത്തി​യ​ത്. 2002-ലെ ​ഗു​ജ​റാ​ത്ത് ക​ലാ​പ​ത്തി​ന്‍റെ പേ​രി​ൽ അ​ന്നു സം​സ്ഥാ​ന ആ​ഭ്യ​ന്ത​ര മ​ന്ത്രി​യാ​യി​രു​ന്ന അ​മി​ത് ഷാ​യെ ജ​യി​ലി​ൽ അ​ട​പ്പി​ച്ച​തി​നു പി​ന്നി​ൽ പ​ട്ടേ​ലി​നും കൈ​യു​ണ്ടെ​ന്ന ക​രു​ത​ലാ​കും ഷാ​യു​ടെ വ്യ​ക്തി​വൈ​രാ​ഗ്യ​ത്തി​നു കാ​ര​ണ​മെ​ന്നാ​ണ് മു​തി​ർ​ന്ന കോ​ണ്‍ഗ്ര​സ് നേ​താ​വ് അ​ഭി​പ്രാ​യ​പ്പെ​ട്ട​ത്. ഏ​തു മാ​ർ​ഗ​ത്തി​ലൂ​ടെ​യും പ​ട്ടേ​ലി​നെ പ​രാ​ജ​യ​പ്പെ​ടു​ത്തി​യാ​ൽ കോ​ണ്‍ഗ്ര​സി​നെ മാ​ന​സി​ക​മാ​യി ത​ള​ർ​ത്താ​നാ​കു​മെ​ന്നും മോ​ദി​യും ഷാ​യും ക​ണ​ക്കു​കൂ​ട്ടി. അ​ടു​ത്ത വ​ർ​ഷം ന​ട​ക്കു​ന്ന ഗു​ജ​റാ​ത്ത്, ക​ർ​ണാ​ട​ക തു​ട​ങ്ങി​യ നി​യ​മ​സ​ഭാ തെ​ര​ഞ്ഞെ​ടു​പ്പു​ക​ളി​ലും 2019ലെ ​ലോ​ക്സ​ഭാ തെ​ര​ഞ്ഞെ​ടു​പ്പി​ലും മോ​ദി- ഷാ ​കൂ​ട്ടു​കെ​ട്ടി​ന്‍റെ ജൈ​ത്ര​യാ​ത്ര​ മേ​ൽ​ക്കൈ​ ഉ​റ​പ്പാ​ക്കു​മെ​ന്നും ഇ​രു​വ​രും ക​രു​തി​യ​തും സ്വാ​ഭാ​വി​കം.

പ​ക്ഷേ പ​ല ത​ര​ത്തി​ലാ​ണ് ക​ണ​ക്കു​കൂ​ട്ട​ലു​ക​ൾ പി​ഴ​ച്ച​ത്. കോ​ണ്‍ഗ്ര​സ് നേ​താ​ക്ക​ളു​ടെ പ​രാ​തി സ്വീ​ക​രി​ച്ച് മോ​ദി ത​ന്നെ നി​യ​മി​ച്ച കേ​ന്ദ്ര തെ​ര​ഞ്ഞെ​ടു​പ്പു ക​മ്മീ​ഷ​ൻ ര​ണ്ടു വി​മ​ത എം​എ​ൽ​എ​മാ​രു​ടെ വോ​ട്ട് അ​സാ​ധു​വാ​ക്കി​യ​താ​കും ഇ​തി​ൽ ഏ​റ്റ​വും അ​പ്ര​തീ​ക്ഷി​തം. കേ​ന്ദ്ര ധ​ന, നി​യ​മ മ​ന്ത്രി​മാ​ർ അ​ട​ക്ക​മു​ള്ള ഉ​ന്ന​ത​രു​ടെ സ​മ്മ​ർദം അ​വ​ഗ​ണി​ച്ചാ​ണ് കോ​ണ്‍ഗ്ര​സ് നേ​താ​ക്ക​ളു​ടെ വാ​ദം ച​ട്ട​പ്ര​കാ​ര​മാ​ണെ​ന്ന് വി​ല​യി​രു​ത്തി സം​സ്ഥാ​ന റി​ട്ടേ​ണിം​ഗ് ഓ​ഫീ​സ​റു​ടെ തീ​രു​മാ​നം റ​ദ്ദാ​ക്കി​യ​ത്. ജ​നാ​ധി​പ​ത്യ​ത്തി​ന്‍റെ വ​ലി​യ വി​ജ​യം കൂ​ടി​യാ​യി തെ​ര​ഞ്ഞെ​ടു​പ്പു ക​മ്മീ​ഷ​ന്‍റെ സ്വ​ത​ന്ത്ര​മാ​യ തീ​രു​മാ​നം.

ജോ​ർ​ജ് ക​ള്ളി​വ​യ​ലി​ൽ


പാതിരാവിലെ വിജയം

ൊ​ചൊവ്വാ​ഴ്ച രാ​ത്രി 11:35, ന്യൂ​ഡ​ൽ​ഹി: ബാ​ല​റ്റ് പേ​പ്പ​ർ അ​മി​ത് ഷാ​യെ കാ​ണി​ച്ച ര​ണ്ടു വി​മ​ത കോ​ൺ​ഗ്ര​സു​കാ​രു​ടെ വോ​ട്ട് ത​ള്ളി​ക്ക​ള​യ​ണ​മെ​ന്ന കോ​ൺ​ഗ്ര​സി​ന്‍റെ ആ​വ​ശ്യം തെ​ര​ഞ്ഞെ​ടു​പ്പു ക​മ്മീ​ഷ​ൻ അ​നു​വ​ദി​ച്ചു.

ബു​ധ​നാ​ഴ്ച പു​ല​ർ​ച്ചെ 00:15, അ​ഹ​മ്മ​ദാ​ബാ​ദ്: കോ​ൺ​ഗ്ര​സ് ക്യാ​ന്പി​ൽ ആ​ഹ്ലാ​ദ​പ്ര​ക​ട​നം. ബാ​ല​റ്റ് പേ​പ്പ​ർ ഉ​യ​ർ​ത്തി​ക്കാ​ണി​ച്ച ഒ​രു കോ​ൺ​ഗ്ര​സ് എം​എ​ൽ​എ​യു​ടെ വോ​ട്ടു​കൂ​ടി റ​ദ്ദാ​ക്കാ​തെ വോ​ട്ട് എ​ണ്ണ​രു​തെ​ന്നു ബി​ജെ​പി.

00:43: ബി​ജെ​പി എം​എ​ൽ​എ ന​ളി​ൻ കോ​ട്ടാ​ഡി​യ താ​ൻ അ​ഹ​മ്മ​ദ് പ​ട്ടേ​ലി​നു വോ​ട്ടു​ചെ​യ്തെ​ന്നു ഫേ​സ്ബു​ക്ക് പോ​സ്റ്റി​ലൂ​ടെ അ​റി​യി​ച്ചു. പ​ട്ടേ​ൽ സ​മു​ദാ​യ​ത്തെ ബി​ജെ​പി വ​ഞ്ചി​ച്ചെ​ന്നും കൊ​ട്ടാ​ഡി​യ.

00:56: ത​ന്നെ പി​ന്തു​ണ​ച്ച കോ​ൺ​ഗ്ര​സ് നേ​താ​ക്ക​ൾ​ക്കു ന​ന്ദി​പ​റ​ഞ്ഞ് അ​ഹ​മ്മ​ദ് പ​ട്ടേ​ലി​ന്‍റെ സ​ന്ദേ​ശം.

01:45: അ​ഹ​മ്മ​ദ് പ​ട്ടേ​ലും അ​മി​ത്ഷാ​യും സ്മൃ​തി ഇ​റാ​നി​യും വി​ജ​യി​ച്ച​താ​യി പ്ര​ഖ്യാ​പ​നം.
02:17: ബി​ജെ​പി നേ​തൃ​ത്വ​ത്തി​ന്‍റെ വ്യ​ക്തി​വി​രോ​ധ​വും രാ​ഷ്‌​ട്രീ​യ ഭീ​ക​ര​ത​യും തു​റ​ന്നു​കാ​ണി​ച്ച തെ​ര​ഞ്ഞെ​ടു​പ്പ് എ​ന്നു പ​ട്ടേ​ൽ. സ​ത്യം ജ​യി​ച്ചെ​ന്നും പ​ട്ടേ​ൽ ട്വീ​റ്റ് ചെ​യ്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.