മെഡിക്കൽ കോളജിനു കോഴ: റിട്ട. ജഡ്ജിയുൾപ്പെടെ അഞ്ചു പേർ അറസ്റ്റിൽ
Thursday, September 21, 2017 10:30 PM IST
ന്യൂ​ഡ​ൽ​ഹി: മെ​ഡി​ക്ക​ൽ കോ​ള​ജി​ന് അം​ഗീ​കാ​രം ന​ൽ​കു​ന്ന​തി​നാ​യി കൈ​ക്കൂ​ലി വാ​ങ്ങി​യ കേ​സി​ൽ ഒ​ഡീ​ഷ ഹൈ​ക്കോ​ട​തി​യി​ൽനി​ന്നു വി​ര​മി​ച്ച ജ​ഡ്ജി ഇ​സ്ര​ത്ത് മ​സ്രൂ​ർ ഖു​ദേ​സി അ​ട​ക്കം അ​ഞ്ചു പേ​രെ സി​ബി​ഐ അ​റ​സ്റ്റ് ചെ​യ്തു.

സ്വ​കാ​ര്യ മെ​ഡി​ക്ക​ൽ കോ​ള​ജ് ഉ​ട​മ​ക​ളാ​യ ബി.​പി. യാ​ദ​വ്, പ​ലാ​ഷ് യാ​ദ​വ്, ഇ​ട​നി​ല​ക്കാ​രാ​യ ബി​ശ്വ​നാ​ഥ് അ​ഗ്ര​വാ​ലാ, ഹ​വാ​ല ഇ​ട​പാ​ടു​കാ​ര​ൻ രാം​ദേ​വ് സ​ര​സ്വ​ത് എ​ന്നി​വ​രാ​ണ് അ​റ​സ്റ്റി​ലാ​യ മ​റ്റു​ള്ള​വ​ർ. ഡ​ൽ​ഹി ഗ്രേ​റ്റ​ർ കൈ​ലാ​ഷി​ൽ ജ​ഡ്ജി​യു​ടെ വ​സ​തി​യി​ൽ അ​ട​ക്കം എ​ട്ടി​ട​ത്ത് ന​ട​ത്തി​യ റെ​യ്ഡി​നെ തു​ട​ർ​ന്നാ​ണ് അ​റ​സ്റ്റ് ന​ട​ത്തി​യ​ത്. ജ​ഡ്ജി​ക്കു ന​ൽ​കു​ന്ന​തി​നാ​യി ഹവാ​ല ഇ​ട​പാ​ടു​കാ​ര​ൻ കൊ​ണ്ടു​വ​ന്ന ഒ​രു കോ​ടി അ​ട​ക്കം ര​ണ്ടു കോ​ടി രൂ​പ​യും നി​ര​വ​ധി രേ​ഖ​ക​ളും സി​ബി​ഐ ക​ണ്ടെ​ടു​ത്തു.

ല​ക്നോ​യി​ലു​ള്ള പ്ര​സാ​ദ് എ​ഡ്യു​ക്കേ​ഷ​ൻ ട്ര​സ്റ്റി​നു മെ​ഡി​ക്ക​ൽ കൗ​ണ്‍സി​ൽ ഏ​ർ​പ്പെ​ടു​ത്തി​യി​രു​ന്ന വി​ല​ക്ക് സു​പ്രീംകോ​ട​തി​യി​ൽനി​ന്നു നീ​ക്കു​ന്ന​തി​നാ​യി ഇ​ട​പെ​ടാ​മെ​ന്ന് വി​ര​മി​ച്ച ജ​ഡ്ജി ഉ​റ​പ്പു ന​ൽ​കി​യെ​ന്നാ​ണ് സി​ബി​ഐ ക​ണ്ടെ​ത്തി​യ​ത്. കേ​സി​ൽ ജ​സ്റ്റീ​സ് ഖു​ദേ​സി​യെ ഒ​ന്നാം പ്ര​തി​യാ​ക്കി​യി​ട്ടു​മു​ണ്ട്.


മ​തി​യാ​യ അ​ടി​സ്ഥാ​ന സൗ​ക​ര്യ​മി​ല്ലാ​ത്ത​തും എം​സി​ഐ​യു​ടെ മാ​ന​ദ​ണ്ഡ​ങ്ങ​ൾ പാ​ലി​ക്കാ​ത്ത​തു​മാ​യ 46 മെ​ഡി​ക്ക​ൽ കോ​ള​ജു​ക​ളു​ടെ അം​ഗീ​കാ​രം റ​ദ്ദാ​ക്കി​യി​രു​ന്നു. ഇ​തി​നെ​തി​രേ​യു​ള്ള കേ​സി​ൽ സു​പ്രീംകോ​ട​തി​യി​ൽനി​ന്ന് അ​നു​കൂ​ല​ വി​ധി ല​ഭ്യ​മാ​ക്കി ന​ൽ​കാ​മെ​ന്നാ​ണ് വി​ര​മി​ച്ച ജ​ഡ്ജി ഉ​റ​പ്പു ന​ൽ​കി​യി​രു​ന്ന​ത്. മെ​ഡി​ക്ക​ൽ കോ​ള​ജു​ക​ളു​ടെ അം​ഗീ​കാ​ര​ത്തി​നാ​യി വ​ഴി​വി​ട്ട പ്ര​വ​ർ​ത്ത​ന​ങ്ങ​ൾ ന​ട​ക്കു​ന്നെ​ന്ന നി​ര​വ​ധി പ​രാ​തി​ക​ൾ പ​രി​ശോ​ധി​ച്ച് സു​പ്രീംകോ​ട​തി​യും അ​ലാ​ഹാ​ബാ​ദ് ഹൈ​ക്കോ​ട​തി​യും സി​ബി​ഐ അ​ന്വേ​ഷ​ണ​ത്തി​ന് ഉ​ത്ത​ര​വി​ട്ടി​രു​ന്നു. ഇ​തി​ന്‍റെ ഭാ​ഗ​മാ​യി ന​ട​ത്തി​യ അ​ന്വേ​ഷ​ണ​ത്തി​ലാ​ണ് മെ​ഡി​ക്ക​ൽ കോ​ള​ജ് അം​ഗീ​കാ​ര​ത്തി​നാ​യി ഹ​വാ​ല ഇ​ട​പാ​ടു​ക​ൾ ന​ട​ക്കു​ന്ന​തും വി​ര​മി​ച്ച ഹൈ​ക്കോ​ട​തി ജ​ഡ്ജി​യു​ടെ ഇ​ട​പാ​ടു​ക​ളും സി​ബി​ഐ ക​ണ്ടെ​ത്തി​യ​ത്.