National News
ജസ്റ്റീസ് കെ.എം. ജോസഫ് സുപ്രീംകോടതി ജഡ്ജി, ജസ്റ്റീസ് ആന്‍റണി ഡൊമിനിക് കേരള ഹൈക്കോടതി ചീഫ് ജസ്റ്റീസ്
ജസ്റ്റീസ് കെ.എം. ജോസഫ് സുപ്രീംകോടതി ജഡ്ജി, ജസ്റ്റീസ് ആന്‍റണി ഡൊമിനിക് കേരള ഹൈക്കോടതി ചീഫ് ജസ്റ്റീസ്
Friday, January 12, 2018 1:41 AM IST
ന്യൂ​ഡ​ൽ​ഹി: ഉ​ത്ത​രാ​ഖ​ണ്ഡ് ഹൈ​ക്കോ​ട​തി ചീ​ഫ് ജ​സ്റ്റീ​സ് കെ.​എം. ജോ​സ​ഫി​നെ സു​പ്രീംകോ​ട​തി ജ​ഡ്ജി​യാ​യും ജ​സ്റ്റീ​സ് ആ​ന്‍റ​ണി ഡൊ​മി​നി​ക്കി​നെ കേ​ര​ള ഹൈ​ക്കോ​ട​തി ചീ​ഫ് ജ​സ്റ്റീ​സാ​യും നി​യ​മി​ക്കാ​ൻ സു​പ്രീംകോ​ട​തി കൊ​ളീ​ജി​യം തീ​രു​മാ​നി​ച്ചു. ഇ​തോ​ടൊ​പ്പം മു​തി​ർ​ന്ന അ​ഭി​ഭാ​ഷ​ക ഇ​ന്ദു മ​ൽ​ഹോ​ത്ര​യെ​യും സു​പ്രീംകോ​ട​തി ജ​ഡ്ജി​യാ​യി നി​യ​മി​ക്കാ​ൻ തീ​രു​മാ​നി​ച്ചു.

ജ​സ്റ്റീ​സ് കു​ര്യ​ൻ ജോ​സ​ഫി​നു പി​ന്നാ​ലെ സു​പ്രീംകോ​ട​തി​യി​ലെ ര​ണ്ടാ​മ​ത്തെ മ​ല​യാ​ളി സി​റ്റിം​ഗ് ജ​ഡ്ജി​യാ​വു​ക​യാ​ണ് ജ​സ്റ്റീ​സ് കെ.​എം. ജോ​സ​ഫ്. ഉ​ത്ത​രാ​ഖ​ണ്ഡി​ലെ രാ​ഷ്‌​ട്ര​പ​തി ഭ​ര​ണം റ​ദ്ദാ​ക്കി​യ 2016ലെ ​ശ്ര​ദ്ധേ​യ വി​ധി ന​ട​ത്തി​യ​ത് ജ​സ്റ്റീ​സ് കെ.​എം. ജോ​സ​ഫ് അ​ധ്യ​ക്ഷ​നാ​യ ബെ​ഞ്ചാ​യി​രു​ന്നു. കേ​ര​ള ഹൈ​ക്കോ​ട​തി​യി​ൽ ആ​ക്ടിം​ഗ് ചീ​ഫ് ജ​സ്റ്റീ​സാ​ണ് ഇ​പ്പോ​ൾ ജ​സ്റ്റീ​സ് ആ​ന്‍റ​ണി ഡൊ​മി​നി​ക്.

ചീ​ഫ് ജ​സ്റ്റീ​സ് ദീ​പ​ക് മി​ശ്ര, ജ​സ്റ്റീ​സു​മാ​രാ​യ കു​ര്യ​ൻ ജോ​സ​ഫ്, ജെ. ​ചെ​ല​മേ​ശ്വ​ർ, ര​ഞ്ജ​ൻ ഗോ​ഗോ​യി, മ​ദ​ൻ ബി. ​ലോ​ക്കൂ​ർ എ​ന്നി​വ​ര​ട​ങ്ങു​ന്ന കോ​ളീ​ജി​യ​മാ​ണ് പു​തി​യ ജ​ഡ്ജി​മാ​രെ നി​യ​മി​ക്കാ​ൻ തീ​രു​മാ​നി​ച്ച​ത്. ആ​റ് ഒ​ഴി​വു​ക​ളി​ലേ​ക്കാ​ണ് കൊ​ളീ​ജി​യം ഇ​പ്പോ​ൾ ര​ണ്ടു​പേ​രെ നി​യ​മി​ച്ച​ത്. ഛത്തീസ്ഗഡ് ഹൈക്കോ ടതി ജഡ്ജി തോട്ടത്തിൽ ബി. രാധാകൃഷ്ണനെ ആന്ധ്രപ്ര ദേശ് ഹൈക്കോടതി ചീഫ് ജ സ്റ്റീസായും നിയമിച്ചു.

സു​പ്രീംകോ​ട​തി മു​ൻ ജ​ഡ്ജി​യും അ​ഡ്വ​ക്ക​റ്റ് ജ​ന​റ​ലു​മാ​യി​രു​ന്ന ജ​സ്റ്റീ​സ് കെ.​കെ. മാ​ത്യു​വി​ന്‍റെ മ​ക​നാ​ണ് അ​മ്പ​ത്തൊ​മ്പ​തു​കാ​ര​നാ​യ ജ​സ്റ്റീ​സ് കെ.​എം. ജോ​സ​ഫ്. കോ​ട്ട​യം അ​തി​ര​ന്പു​ഴ കു​റ്റി​യി​ൽ കു​ടും​ബാം​ഗ​മാ​ണ്. 2014 ജൂ​ലൈ 31നാ​ണ് ജ​സ്റ്റീ​സ് ജോ​സ​ഫി​നെ ഉ​ത്ത​രാ​ഖ​ണ്ഡ് ചീ​ഫ് ജ​സ്റ്റീ​സാ​യി നി​യ​മി​ച്ച​ത്. 2004 ഒ​ക്ടോ​ബ​റി​ൽ കേ​ര​ള ഹൈ​ക്കോ​ട​തി​യി​ൽ ജ​ഡ്ജി​യാ​യി നി​യ​മി​ക്ക​പ്പെ​ട്ട ഇ​ദ്ദേ​ഹം ഒ​ൻ​പ​തു വ​ർ​ഷ​ക്കാ​ലം കേ​ര​ള​ത്തി​ൽ തു​ട​ർ​ന്നു.

ല​ളി​തജീ​വി​ത​വും സ​ത്യ​സ​ന്ധ​ത​യും ന്യാ​യാ​ധി​പ മി​ക​വും കൊ​ണ്ട് ഏ​റെ ശ്ര​ദ്ധി​ക്ക​പ്പെ​ട്ട ന്യാ​യാ​ധി​പ​നാ​ണ് ജ​സ്റ്റീ​സ് കെ.​എം ജോ​സ​ഫ്. ഒ​രു​വി​ധ സ​മ്മ​ർദങ്ങ​ൾ​ക്കും വ​ഴ​ങ്ങാ​തെ ധീ​ര​ത​യോ​ടെ നി​യ​മ​വും നീ​തി​യും ഉ​റ​പ്പാ​ക്കു​ന്ന​തി​ൽ ജോ​സ​ഫ് ശ്ര​ദ്ധി​ച്ചു. ര​ണ്ടു വ​ർ​ഷം മു​ൻ​പ് ഒ​റ്റ​മു​ണ്ടും ഷ​ർ​ട്ടും ധ​രി​ച്ച് കേ​ര​ള ഹൈ​ക്കോ​ട​തി​യു​ടെ മൂ​ന്നാം നി​ല​യി​ലെ ലൈ​ബ്ര​റി​യി​ൽ പു​സ്ത​കം തെ​ര​ഞ്ഞെ​ത്തി​യ ഇ​ദ്ദേ​ഹ​ത്തെ കാ​വ​ൽ​ക്കാ​രാ​യ പോ​ലീ​സു​കാ​ർ പോ​ലും തി​രി​ച്ച​റി​ഞ്ഞി​ല്ല.


ഉ​ത്ത​രാ​ഖ​ണ്ഡ് ചീ​ഫ് ജ​സ്റ്റീ​സാ​യി​രു​ന്ന കാ​ല​ത്തു ത​ന്നെ​യാ​യി​രു​ന്നു ഇ​ത്. കൊ​ച്ചി​യി​ലെ നി​ര​ത്തു​ക​ളി​ൽ ഒൗ​ദ്യോ​ഗി​ക പ​രി​വാ​ര​ങ്ങ​ളി​ല്ലാ​തെ ന​ട​ക്കാ​നി​റ​ങ്ങു​ന്ന ഇ​ദ്ദേ​ഹം ന​ഗ​ര​ത്തി​ലെ സാ​യാ​ഹ്ന സ​വാ​രി​ക്കാ​ർ​ക്കും സു​പ​രി​ച​ത​നാ​ണ്.

എ​റ​ണാ​കു​ള​ത്ത് കേ​ന്ദ്രീ​യ വി​ദ്യാ​ല​യ​ത്തി​ലും ചെ​ന്നൈ ല​യോ​ള കോ​ള​ജി​ലും എ​റ​ണാ​കു​ളം ലോ ​കോ​ള​ജി​ലും വി​ദ്യാ​ഭ്യാ​സ​ത്തി​ന് ശേ​ഷം 1982ൽ ​ഡ​ൽ​ഹി ഹൈ​ക്കോ​ട​തി​യി​ൽ അ​ഭി​ഭാ​ഷ​ക​നാ​യി ജോ​സ​ഫ് പ്രാ​ക്ടീ​സ് തു​ട​ങ്ങി. 1983ൽ ​കേ​ര​ള ഹൈ​ക്കോ​ട​തി​യി​ലേ​ക്കു മാ​റി. സി​വി​ൽ, ഭ​ര​ണ​ഘ​ട​ന, ക​ന്പ​നി കേ​സു​ക​ളി​ൽ വൈ​ദ​ഗ്ധ്യം തെ​ളി​യി​ച്ചു.

കേ​ര​ള ഹൈ​ക്കോ​ട​തി ജ​ഡ്ജി​യാ​യി നി​യ​മി​ത​നാ​കു​ന്പോ​ൾ ക്രി​സ്ത്യ​ൻ പി​ന്തു​ട​ർ​ച്ചാ​വ​കാ​ശ നി​യ​മം സം​ബ​ന്ധി​ച്ച കോ​ട​തി​യു​ടെ അ​മി​ക്ക​സ് ക്യൂ​റി​യാ​യി​രു​ന്നു. ഇ​ദ്ദേ​ഹ​ത്തി​ന്‍റെ നേ​തൃ​ത്വ​ത്തി​ലു​ള്ള പ്ര​ത്യേ​ക ഡി​വി​ഷ​ൻ ബെ​ഞ്ചാ​ണു സ്വാ​ശ്ര​യ കേ​സു​ക​ൾ ഏ​റെ​ക്കാ​ലം കൈ​കാ​ര്യം ചെ​യ്ത​ത്. വേ​ന്പ​നാ​ട്ടു​കാ​യ​ൽ തീ​ര​ത്തു​ള്ള അ​ന​ധി​കൃ​ത റി​സോ​ർ​ട്ട് നി​ർ​മാ​ണ​ങ്ങ​ൾ പൊ​ളി​ക്ക​ണ​മെ​ന്ന വി​ധി​യും ഏ​റെ ച​ർ​ച്ച ചെ​യ്യ​പ്പെ​ട്ടു.

കേ​ര​ള ഹൈ​ക്കോ​ട​തി​യി​ലെ മു​തി​ർ​ന്ന ന്യാ​യാ​ധി​പ​നും ആ​ക്ടിം​ഗ് ചീ​ഫ് ജ​സ്റ്റീ​സു​മാ​യ ആ​ന്‍റ​ണി ഡൊ​മി​നി​ക് (61) കോ​ട്ട​യം ജി​ല്ല​യി​ലെ പൊ​ൻ​കു​ന്നം ക​രി​ക്കാ​ട്ടു​കു​ന്നേ​ൽ കു​ടും​ബാം​ഗ​മാ​ണ്.
മം​ഗ​ലാ​പു​രം എ​സ്ഡി​എം ലോ ​കോ​ള​ജി​ൽ നി​ന്ന് നി​യ​മബി​​രു​ദം നേ​ടി​യ ഇ​ദ്ദേ​ഹം 1981ൽ ​കാ​ഞ്ഞി​ര​പ്പ​ള്ളി ജു​ഡീ​ഷ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ് കോ​ട​തി​യി​ലാ​ണ് അ​ഭി​ഭാ​ഷ​ക​നാ​യി പ്രാ​ക്ടീ​സ് തു​ട​ങ്ങി​യ​ത്. 1986ൽ ​കേ​ര​ള ഹൈ​ക്കോ​ട​തി​യി​ലേ​ക്ക് പ്രാ​ക്ടീ​സ് മാ​റി. ക​ന്പ​നി, തൊ​ഴി​ൽ, ഭ​ര​ണ​ഘ​ട​നാ വി​ഷ​യ​ങ്ങ​ളി​ൽ വൈ​ദ​ഗ്ധ്യം നേ​ടി​യ ഇ​ദ്ദേ​ഹ​ത്തെ 2007 ജ​നു​വ​രി​യി​ലാ​ണ് കേ​ര​ള ഹൈ​ക്കോ​ട​തി​യി​ലെ അ​ഡീ​ഷ​ണ​ൽ ജ​ഡ്ജി​യാ​യി നി​യ​മി​ച്ച​ത്. പി​റ്റേ വ​ർ​ഷം ഡി​സം​ബ​റി​ൽ സ്ഥി​രം ജ​ഡ്ജി​യാ​ക്കി.

2017 മാ​ർ​ച്ച് 17 മു​ത​ൽ മാ​ർ​ച്ച് 20 വ​രെ​യും ആ​ദ്യ​വും പി​ന്നീ​ട് ന​വം​ബ​ർ ആ​റി​നും ആ​ന്‍റ​ണി ഡൊ​മി​നി​ക്കി​നെ ആ​ക്ടിം​ഗ് ചീ​ഫ് ജ​സ്റ്റീ​സാ​യി നി​യ​മി​ച്ചു.

ജോ​ർ​ജ് ക​ള്ളി​വ​യ​ലി​ൽ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.