National News
ആൾക്കൂട്ട കൊലപാതകം തടയേണ്ടതു സംസ്ഥാനങ്ങളുടെ ഉത്തരവാദിത്വം: രാജ്നാഥ് സിംഗ്
ആൾക്കൂട്ട കൊലപാതകം തടയേണ്ടതു സംസ്ഥാനങ്ങളുടെ ഉത്തരവാദിത്വം: രാജ്നാഥ് സിംഗ്
Friday, July 20, 2018 1:03 AM IST
ന്യൂ​ഡ​ൽ​ഹി: ആ​ൾ​ക്കൂ​ട്ട കൊ​ല​പാ​ത​കങ്ങ​ളെ​ച്ചൊ​ല്ലി ലോ​ക്സ​ഭ​യി​ൽ പ്ര​തി​പ​ക്ഷം പ്ര​തി​ഷേ​ധം ഉ​യ​ർ​ത്തു​ന്നതിനി​ടെ ഉ​ത്ത​ര​വാ​ദി​ത്വം സം​സ്ഥാ​ന സ​ർ​ക്കാ​രു​ക​ളു​ടെ ചു​മ​ലി​ൽ കെ​ട്ടി​വ​ച്ച് ആ​ഭ്യ​ന്ത​രമ​ന്ത്രി രാ​ജ്നാ​ഥ് സിം​ഗ്. സോ​ഷ്യ​ൽ മീ​ഡി​യ​യി​ലൂ​ടെ​യു​ള്ള വ്യാജ സ​ന്ദേ​ശ​ങ്ങ​ളാ​ണ് ആ​ൾ​ക്കൂ​ട്ട അ​ക്ര​മ​ങ്ങ​ൾ​ക്കും കൊ​ല​പാ​ത​ക​ങ്ങ​ൾ​ക്കും പി​ന്നി​ൽ. ഇ​ത്ത​രം സം​ഭ​വ​ങ്ങ​ൾ ആ​വ​ർ​ത്തി​ക്കാ​തി​രി​ക്കാ​ൻ സം​സ്ഥാ​ന സ​ർ​ക്കാ​രു​ക​ൾ ജാ​ഗ്ര​ത പാ​ലി​ക്ക​ണം.

ക്ര​മ​സ​മാ​ധാ​നം സം​സ്ഥാ​ന​ങ്ങ​ളു​ടെ ചു​മ​ത​ല​യാ​ണ്. ആ​ൾ​ക്കൂ​ട്ട അ​ക്ര​മ​ങ്ങ​ൾ ത​ട​യാ​ൻ 2016, 2018 വ​ർ​ഷ​ങ്ങ​ളി​ൽ കേ​ന്ദ്രം സം​സ്ഥാ​ന​ങ്ങ​ൾ​ക്കു മാ​ർ​ഗ​നി​ർ​ദേ​ശ​ങ്ങ​ൾ ന​ൽ​കി​യി​രു​ന്നെ​ന്നും മ​ന്ത്രി പ​റ​ഞ്ഞു. വ്യാ​ജവാ​ർ​ത്ത​ക​ൾ പ​ട​രു​ന്ന​തു ത​ട​യാ​ൻ സോ​ഷ്യ​ൽ മീ​ഡി​യ​യോടു സ​ർ​ക്കാ​ർ ആ​വ​ശ്യ​പ്പെ​ട്ടി​ട്ടു​ണ്ടെ​ന്നും മ​ന്ത്രി പ​റ​ഞ്ഞ​ു .

എ​ന്നാ​ൽ, മ​ന്ത്രി​യു​ടെ മ​റു​പ​ടി​യി​ൽ തൃ​പ്തി വ​രാ​തെ കോ​ണ്‍ഗ്ര​സും സി​പി​എ​മ്മും ഉ​ൾ​പ്പെടെ​യു​ള്ള പ്ര​തി​പ​ക്ഷ അം​ഗ​ങ്ങ​ൾ സ​ഭ​യി​ൽ നി​ന്നി​റ​ങ്ങി​പ്പോ​യി. കേ​ന്ദ്ര​വും സം​സ്ഥാ​ന​വും പ​ര​സ്പ​രം ഉ​ത്ത​ര​വാ​ദി​ത്വം വ​ച്ചു​മാ​റു​ന്ന ക​ളി​യ​ല്ലി​തെ​ന്നു ശ​ശി ത​രൂ​ർ പ്ര​തി​ക​രി​ച്ചു. ശൂ​ന്യ​വേ​ള​യി​ൽ കോ​ണ്‍ഗ്ര​സിലെ കെ.​സി. വേ​ണു​ഗോ​പാ​ലാണ് ആ​ൾ​ക്കൂ​ട്ട ആ​ക്ര​മ​ണങ്ങ​ളി​ൽ സ​ർ​ക്കാ​ർ മ​റു​പ​ടി പ​റ​യ​ണ​മെ​ന്നാ​വ​ശ്യ​പ്പെ​ട്ട​ത്. സ്വാ​മി അ​ഗ്നി​വേ​ശി​നെ​തി​രേ ന​ട​ന്ന അ​ക്ര​മ​ത്തി​ൽ ആ​രെ​യും അ​റ​സ്റ്റ് ചെ​യ്യാ​ത്ത​തി​ൽ സ​ർ​ക്കാ​ർ വി​ശ​ദീ​ക​ര​ണം ന​ൽ​ക​ണ​മെ​ന്നും വേ​ണു​ഗോ​പാ​ൽ ആ​വ​ശ്യ​പ്പെ​ട്ടു.

അ​തി​നി​ടെ, ചോ​ദ്യോ​ത്ത​ര വേ​ള​യി​ൽ വ്യോ​മ​യാ​ന മ​ന്ത്രി ജ​യ​ന്ത് സി​ൻ​ഹ മ​റു​പ​ടി പ​റ​യാ​ൻ എ​ഴു​ന്നേ​റ്റ​പ്പോ​ൾ കോ​ണ്‍ഗ്ര​സും സി​പി​എ​മ്മും തൃ​ണ​മൂ​ൽ കോ​ണ്‍ഗ്ര​സും ന​ടു​ത്ത​ള​ത്തി​ലി​റ​ങ്ങി. ജാ​ർ​ഖ​ണ്ഡി​ൽ മാം​സവ്യാ​പാ​രി​യെ അ​ടി​ച്ചുകൊ​ന്ന കേ​സി​ലെ പ്ര​തി​ക​ളെ മാ​ല​യി​ട്ടു സ്വീ​ക​രി​ക്കു​ക​യും അ​വ​രോ​ടൊ​പ്പം​ നി​ന്നു ഫോ​ട്ടോ​യെ​ടു​ക്കു​ക​യും ചെ​യ്ത മ​ന്ത്രി മാ​പ്പു പ​റ​യ​ണ​മെ​ന്നാ​യി​രു​ന്നു പ്ര​തി​പ​ക്ഷ​ത്തി​ന്‍റെ ആ​വ​ശ്യം. മ​ന്ത്രി ഇ​തു വ​ക​വ​യ്ക്കാ​തെ മ​റു​പ​ടി തു​ട​ർ​ന്നു. സി​ൻ​ഹ മ​റു​പ​ടി പൂ​ർ​ത്തി​യാ​ക്കു​ന്ന​ത് വ​രെ പ്ര​തി​പ​ക്ഷം മു​ദ്രാ​വാ​ക്യം വിളി യും തുടർന്നു. പി​ന്നീ​ട് മ​ന്ത്രി എ​ഴു​ന്നേ​റ്റ​പ്പോ​ഴെ​ല്ലാം പ്ര​തി​പ​ക്ഷ നി​ര​യി​ൽനി​ന്ന് ഉ​ച്ച​ത്തി​ൽ മു​ദ്രാ​വാ​ക്യം വി​ളി​ക​ൾ ഉ​യ​ർ​ന്നു.


ആ​ൾ​ക്കൂ​ട്ട കൊ​ല​പാ​ത​ക​ങ്ങ​ളും അ​സ​ഹി​ഷ്ണു​ത​യും സം​ബ​ന്ധി​ച്ചു കെ.​സി. വേ​ണു​ഗോ​പാ​ൽ ന​ല്കി​യ അ​ടി​യ​ന്ത​രപ്ര​മേ​യ​ത്തി​ന് അ​നു​മ​തി നി​ഷേ​ധി​ച്ച സ്പീ​ക്ക​ർ ഇ​ക്കാ​ര്യം ശൂ​ന്യ​വേ​ള​യി​ൽ ഉ​ന്ന​യി​ക്കാ​ൻ അ​നു​മ​തി ന​ൽ​കു​ക​യാ​യി​രു​ന്നു.

ആ​ൾ​ക്കൂ​ട്ട കൊ​ല​പാ​ത​ക​ങ്ങ​ൾ ത​ട​യ​ലും നി​യ​മ വാ​ഴ്ച ഉ​റ​പ്പു വ​രു​ത്ത​ലും സം​സ്ഥാ​ന സ​ർ​ക്കാ​രു​ക​ളു​ടെ ഉ​ത്ത​ര​വാ​ദി​ത്വ​മാ​ണെ​ന്നു പ​റ​ഞ്ഞു കേ​ന്ദ്ര​സ​ർ​ക്കാ​രി​ന് കൈ ​ക​ഴു​കാ​ൻ സാ​ധി​ക്കി​ല്ലെ​ന്നു വേ​ണു​ഗോ​പാ​ൽ പ​റ​ഞ്ഞു. ആ​ൾ​ക്കൂ​ട്ട അ​തി​ക്ര​മ​ത്തി​ൽ അ​റ​സ്റ്റി​ലാ​യി ജാ​മ്യ​ത്തി​ലി​റ​ങ്ങി​യ​വ​രെ പൂ​മാ​ല​യി​ട്ടു സ്വീ​ക​രി​ക്കാ​ൻ കേ​ന്ദ്ര വ്യോ​മ​യാ​ന മ​ന്ത്രി ജ​യ​ന്ത് സി​ൻ​ഹ ത​യാ​റാ​യ​തും, ദാ​ദ്രി കൊ​ല​പാ​ത​ക​ത്തി​ൽ അ​റ​സ്റ്റി​ലാ​യി ക​സ്റ്റ​ഡി​യി​ൽ മ​രി​ച്ച വ്യ​ക്തി​യു​ടെ ശ​രീ​ര​ത്തി​ൽ ദേ​ശീ​യപ​താ​ക പു​ത​പ്പി​ച്ച കേ​ന്ദ്ര -സം​സ്കാ​രി​ക മ​ന്ത്രി മ​ഹേ​ഷ് ശ​ർ​മ​യു​ടെ നി​ല​പാ​ടും സ്വാ​മി അ​ഗ്നി​വേ​ശി​നെ​തി​രെ ന​ട​ന്ന അ​തി​ക്ര​മ​ത്തെ ന്യാ​യീ​ക​രി​ക്കു​ന്ന​തും ആ​ൾ​ക്കൂ​ട്ട കൊ​ല​പാ​ത​ക​ത്തി​ൽ ബി​ജെ​പി​യു​ടെ നി​ല​പാ​ട് എ​ന്തെ​ന്ന് വ്യ​ക്ത​മാ​ക്കു​ന്ന​താ​ണ്. സ്വാ​മി അ​ഗ്നി​വേ​ശി​നെ​തി​രേ ന​ട​ന്ന ആ​ക്ര​മ​ങ്ങ​ളെ സി​പി​എം അം​ഗം ടി.​കെ. രം​ഗ​രാ​ജ​ൻ, ആം​ആ​ദ്മി പാ​ർ​ട്ടി അം​ഗം സ​ഞ്ജ​യ് സിം​ഗ് എ​ന്നി​വ​ർ രാ​ജ്യ​സ​ഭ​യി​ൽ അ​പ​ല​പി​ച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.