നേപ്പാളി കേണലിനെ ബ്രിട്ടീഷ് കോടതി റിമാന്‍ഡ് ചെയ്തു
ലണ്ടന്‍: നേപ്പാളിലെ ആഭ്യന്തരയുദ്ധത്തിനിടെ നടന്ന ശാരീരിക പീഡനങ്ങളുടെ പേരില്‍ ബ്രിട്ടീഷ് പോലീസ് അറസ്റ് ചെയ്ത നേപ്പാളി കേണല്‍ കുമാര്‍ ലാമയെ വെസ്റ്മിനിസ്റര്‍ മജിസ്ട്രേറ്റ് കോടതി കസ്റഡിയില്‍ റിമാന്‍ഡ് ചെയ്തു. 2005ല്‍ രണ്ടു നേപ്പാള്‍ പൌരന്‍മാരെ പീഡിപ്പിച്ചുവെന്ന കുറ്റമാണ് കേണലിനെതിരേ ചുമത്തിയിരിക്കുന്നത്.

ലണ്ടന്‍ മെട്രോപോലിറ്റന്‍ പോലീസ് വ്യാഴാഴ്ചയാണ് കുമാര്‍ ലാമയെ അറസ്റ് ചെയ്തത്. സുഡാനിലെ യുഎന്‍ ദൌത്യത്തിലായിരു ന്ന കേണല്‍ അവധിയാഘോഷിക്കാനെത്തിയപ്പോഴായിരുന്നു അറസ്റ്.

ലോകത്തിലെവിടെ യുദ്ധക്കുറ്റം നടത്തുന്നവരെയും സ്വന്തം രാജ്യത്തു വിചാരണ ചെയ്യാനുള്ള നിയമം ബ്രിട്ടനിലുണ്ട്. പീഡനത്തിനെതിരായ യുഎന്‍ കണ്‍വെന്‍ഷന്‍ പ്രകാരമാണ് ഈ നിയമം പ്രാബല്യത്തിലായത്.


അതേസമയം കേണലിനെ അറസ്റ് ചെയ്ത നടപടി നേപ്പാളിനെ ചൊടിപ്പിച്ചു. കഴിഞ്ഞദിവസം കാട്മണ്ഡുവില്‍ ബ്രിട്ടീഷ് അംബാസഡറെ വിളിച്ചുവരുത്തി പ്രതിഷേധം അറിയിച്ച നേപ്പാള്‍ സര്‍ക്കാര്‍, കേണലിനെ ഉടന്‍ വിട്ടടയ്ക്കണമെന്ന് ആവശ്യപ്പെട്ടു.

മാവോയിസ്റ് വിമതരും നേപ്പാള്‍ സുരക്ഷാസേനയും തമ്മില്‍ നടന്ന അഭ്യന്തര യുദ്ധത്തിനിടെ വ്യാപകമായി മനുഷ്യാവകാശ ലംഘനങ്ങള്‍ നടന്നതായി ആരോപിക്കപ്പെടുന്നു. 16000 പേരുടെ ജീവനെടുത്ത യുദ്ധം 2006ല്‍ സമാധാനക്കരാറിനെത്തുടര്‍ന്നാണ് അവസാനിച്ചത്. നാലുവര്‍ഷത്തിനുശേഷം തെരഞ്ഞെടുപ്പിലൂടെ അധികാരത്തിലേറിയ മാവോയിസ്റുകള്‍ ആരോപണങ്ങളൊന്നും അന്വേഷിക്കാന്‍ തയാറായില്ല.