ക്യാപ്റ്റന്‍ കുക്കിന്റെ തോക്കിന് വില ഒന്നേകാല്‍കോടി രൂപ
സിഡ്നി: ഓസ്ട്രേലിയ കണ്ടുപിടിച്ച ബ്രിട്ടീഷ് നാവിക പര്യവേഷകന്‍ ക്യാപ്റ്റന്‍ ജെയിംസ് കുക്കിന്റെ തോക്ക് 2,27,100 ഡോളറിന് (1,22,63,400 രൂപ) ലേലത്തില്‍ പോയി. 18-ാം നൂറ്റാണ്ടിലെ ഡച്ച് നിര്‍മിതമായ ഈ തോക്കിന് രണ്ടു ലക്ഷം ഡോളര്‍വരെ വിലയാണു പ്രതീക്ഷിച്ചിരുന്നത്. ഓസ്ട്രേലിയയിലെ വിക്ടോറിയന്‍ സ്വദേശിയാണ് ലേലം കൊണ്ടിരിക്കുന്നത്. ന്യൂസിലന്‍ഡില്‍നിന്നുള്ളവരും തോക്ക് സ്വന്തമാക്കാന്‍ ശ്രമിച്ചിരുന്നു.
ഓസ്ട്രേലിയന്‍ ഭൂഖണ്ഡത്തിന്റെ കിഴക്കന്‍ തീരത്തിറങ്ങിയ ആദ്യ യൂറോപ്യനാണ് ക്യാപ്റ്റന്‍ കുക്ക്. 1770 ഏപ്രിലിലായിരുന്നു ഇത്. ഓഗസ്റില്‍ ക്യൂന്‍സ്ലാന്‍ഡിലെ പൊസഷന്‍ ദ്വീപില്‍ ബ്രിട്ടീഷ് പതാക ഉയര്‍ത്തിയ കുക്ക്, ഓസ്ട്രേലിയ ബ്രിട്ടന്റേതെന്നു പ്രഖ്യാപിച്ചു. ഓസ്ട്രേലിയയിലെത്തുന്നതിനുമുമ്പ് അദ്ദേഹം ന്യൂസിലന്‍ഡിനു ചുറ്റും കപ്പലില്‍ സഞ്ചരിച്ചിരുന്നു.

ഓസ്ട്രേലിയയിലിറങ്ങുമ്പോള്‍ കുക്കിന്റെ പക്കല്‍ ഈ തോക്കുണ്ടായിരുന്നോ എന്നു വ്യക്തമല്ല. രണ്ടു നൂറ്റാണ്േടാളം അദ്ദേഹത്തിന്റെ കുടുംബത്തിന്റെ ഉടമസ്ഥതയിലായിരുന്ന തോക്ക് 2003ല്‍ എഡിന്‍ബറോയില്‍ നടന്ന ലേലത്തിലാണ് ആദ്യം വിറ്റുത്.

ഓസ്ട്രേലിയ കണ്െടത്തിയതിനുശേഷം കുക്ക് രണ്ടു പര്യവേക്ഷണ യാത്രകള്‍കൂടി പസഫിക് സമുദ്രത്തില്‍ നടത്തി.1779ല്‍ ഹവായിയില്‍വച്ച് കൊല്ലപ്പെട്ടു.