ഉത്തരകൊറിയൻ മിസൈൽ പരീക്ഷണം പരാജയപ്പെട്ടു
Thursday, April 28, 2016 11:07 AM IST
സിയൂൾ: ഉത്തരകൊറിയ ഇന്നലെ വിക്ഷേപിച്ച ബാലിസ്റ്റിക് മിസൈൽ നിമിഷങ്ങൾക്കകം പൊട്ടിത്തെറിച്ചെന്നു ദക്ഷിണകൊറിയൻ വാർത്താ ഏജൻസി യോൺഹാപ് അറിയിച്ചു. രണ്ടാഴ്ചയ്ക്കുള്ളിൽ രണ്ടാംതവണയാണ് ഉത്തരകൊറിയൻ മിസൈൽ തകരുന്നത്.

അമേരിക്കയിൽവരെ ചെന്നെത്താൻ ശേഷിയുള്ള മുസുദാൻ മിസൈൽ പരീക്ഷണമാണു രണ്ടാംവട്ടവും പരാജയപ്പെട്ടത്. ഏപ്രിൽ 15ന് ഉത്തരകൊറിയൻ സ്‌ഥാപകൻ കിം ഇൽ സുംഗിന്റെ 104–ാം ജന്മദിനത്തിൽ വിക്ഷേപിച്ച മുസുദാൻ ബാലിസ്റ്റിക് മിസൈലും തകർന്നു ജപ്പാൻ സമുദ്രത്തിൽ പതിക്കുകയായിരുന്നു. നാലായിരം കിലോമീറ്റർ വരെയാണു മുസുദാന്റെ ദൂരപരിധി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.