എല്ലാം ശരിയാവും: ബറാക് ഒബാമ : Deepika.com International News |

Click here for detailed news of all items

എല്ലാം ശരിയാവും: ബറാക് ഒബാമ

Thursday, January 19, 2017 2:02 PM IST

വാഷിംഗ്ടൺ ഡിസി: ട്രംപ് ഭരണത്തെക്കുറിച്ച് അധികം വേവലാതി വേണ്ടെന്നും എല്ലാം ശരിയാവുമെന്നും യുഎസ് പ്രസിഡന്‍റ് ബറാക് ഒബാമ. ഇന്നു സ്ഥാനമൊഴിയുന്ന ഒബാമ വൈറ്റ്ഹൗസിൽ നടത്തിയ അവസാനത്തെ പത്രസമ്മേളനത്തിലാണു ശുഭാപ്തി വിശ്വാസം പ്രകടിപ്പിച്ചത്.

യുഎസ് പുലർത്തുന്ന മൂല്യങ്ങൾക്കു ഭീഷണി നേരിട്ടാൽ പ്രതികരിക്കുമെന്നും അദ്ദേഹം ഉറപ്പുനൽകി. മൂല്യങ്ങൾ സംരക്ഷിക്കാൻ യത്നിക്കുകയും അതിനായി പോരാടുകയും ചെയ്യണം. കൈയുംകെട്ടിയിരുന്നാൽ പോരാ.

ട്രംപുമായി താൻ നടത്തിയ സംഭാഷണം ഹൃദ്യമായിരുന്നെന്നും അദ്ദേഹത്തിനു നല്ല ഉപദേശം നൽകിയെന്നും ഒബാമ അറിയിച്ചു. പ്രസിഡന്‍റ് പദവി എന്നത് തന്നത്താൻ ഒന്നും ചെയ്യാനാവാത്ത പദവിയാണ്. എല്ലാക്കാര്യങ്ങളിലും കാബിനറ്റിന്‍റെയോ ഉപദേഷ്ടാക്കളുടെയോ ഉപദേശം അനിവാര്യമാണെന്നു ട്രംപിനെ താൻ ഓർമിപ്പിച്ചെന്ന് ഒബാമ വ്യക്തമാക്കി. ട്രംപിന് ഇക്കാര്യം എത്രമാത്രം ബോധ്യമായെന്ന് അറിയില്ല.

കുറച്ചു വല്ലതും എഴുതണം. മക്കളോടൊപ്പം കുറച്ചുകൂടി സമയം ചെലവഴിക്കണം-ഭാവി പരിപാടികളെക്കുറിച്ച് ഒബാമ സൂചിപ്പിച്ചു. വിവേചനം, വോട്ടവകാശത്തിന്മേലുള്ള കൈയേറ്റം, പത്രസ്വാതന്ത്ര്യധ്വംസനം, കുടിയേറ്റക്കാരോടുള്ള മോശമായ പെരുമാറ്റം എന്നിവ ഉണ്ടായാൽ തുറന്നെതിർക്കുമെന്നും ഒബാമ വ്യക്തമാക്കി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.