ഗ്രാമി 2017 : മിന്നിത്തിളങ്ങി അഡെൽ : Deepika.com International News |

Click here for detailed news of all items

ഗ്രാമി 2017 : മിന്നിത്തിളങ്ങി അഡെൽ

Monday, February 13, 2017 10:59 AM IST

ലോസ് ആഞ്ചലസ് : 2017 ഗ്രാമി അവാർഡ് വേദിയിൽ പുരസ്കാരങ്ങൾ വാരിക്കൂട്ടി അഡെൽ. ആറു പ്രധാന പുരസ്കാരങ്ങളാണ് അഡെലിന്‍റെ ഹലോ എന്ന ഗാനവും 25 എന്ന ആൽബവും സ്വന്തമാക്കിയത്. റെക്കോർഡ് ഒാഫ് ദി ഇയർ, സോംങ് ഒാഫ് ദി ഇയർ എന്നീ പുരസ്കാരങ്ങൾ ഹലോ സ്വന്തമാക്കി. ഹലോ എന്ന ഗാനത്തിന്‍റെയും 25 എന്ന ആൽബത്തിന്‍റെയും മികവിൽ ബെസ്റ്റ് പോപ് സോളോ പെർഫോർമൻസ്, ബെസ്റ്റ് പോപ് വോക്കൽ ആൽബം എന്നീ കാറ്റഗറികളിലും അഡെൽ ജേതാവായി. മികച്ച പോപ് വോക്കൽ ആൽബം, ആൽബം ഒാഫ് ദി ഇയർ എന്നീ പുരസ്കാരങ്ങൾ ഹലോ ഉൾപ്പെട്ട ആൽബം25 നേടി.

അഡെലിന്‍റെ പ്രധാന എതിരാളിയായി കരുതിയിരുന്ന ബിയോൺസിനു ബെസ്റ്റ് അർബൻ കണ്ടംപററി ആൽബം, ബെസ്റ്റ് മ്യൂസിക് വീഡിയോ എന്നിവയിൽ മാത്രമേ പുരസ്കാരങ്ങൾ നേടാനായുള്ളു. എന്നാൽ പുരസ്കാര സ്വീകരണവേളയിൽ ബിയോൺസിനെ പുകഴ്ത്താൻ അഡെൽ മറന്നില്ല. മികച്ച മ്യൂസിക്കൽ ആൽബത്തിനുള്ള ഗ്രാമി പുരസ്കാരം സിങ് മീ ഹോം സ്വന്തമാക്കി. സിങ് മീ ഹോമിൽ പ്രവർത്തിച്ച ഇന്ത്യൻ തബലിസ്റ്റ് സന്ദീപ് ദാസിന് ഇത് അംഗീകാരമായി. അഞ്ചു പുരസ്കാരങ്ങൾ നേടിയ ബ്ലാക്ക് സ്റ്റാർ എന്ന ആൽബവും പുരസ്കാരനേട്ടം കൊണ്ട് ശ്രദ്ധേയമായി. 70 വിഭാഗങ്ങളിലാണ് പുരസ്കാരങ്ങൾ സമ്മാനിക്കുന്നത്.ഇൻഫിനിറ്റി പ്ലസ് വൺ മികച്ച ചിൽഡ്രൻസ് ആൽബം പുരസ്കാരം സ്വന്തമാക്കി. ടോക്കിംഗ് ഫോർ ക്ലാപ്പിംഗാണ് മികച്ച കോമഡി ആൽബം. മികച്ച മ്യൂസിക് വീഡിയോയ്ക്കുള്ള പുരസ്കാരം ഫോർമേഷനു ലഭിച്ചു. ചാൻസ് ദി റാപ്പറിനാണ് മികച്ച പുതുമുഖ പ്രതിഭയ്ക്കുള്ള പുരസ്കാരം. മികച്ച റാപ്പ് പെർഫോർമൻസിനുള്ള പുരസ്കാരവും റാപ്പറിനു തന്നെ. മികച്ച കണ്ടംപററി ഇൻസ്ട്രുമെന്‍റൽ ആൽബത്തിനുള്ള പുരസ്കാരം കൾച്ചാ വൾച്ച സ്വന്തമാക്കി. മികച്ച റോക്ക് ആൽബത്തിനുള്ള പുരസ്കാരം ടെൽ മി ഐയാം പ്രെറ്റി നേടി. ബെസ്റ്റ് ആർ ആൻഡ് ബി പെർഫോമൻസ് പുരസ്കാരം ക്രെയിൻസ് ഇൻ ദി സ്കെെ സ്വന്തമാക്കി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.