വിമാനത്തിലെ ഓവർലോഡ്: പാക് ക്യാപ്റ്റനു ഷോകോസ് നോട്ടീസ് : Deepika.com International News |

Click here for detailed news of all items

വിമാനത്തിലെ ഓവർലോഡ്: പാക് ക്യാപ്റ്റനു ഷോകോസ് നോട്ടീസ്

Monday, February 27, 2017 1:57 PM IST

ഇസ്‌ലാമാബാദ് : സീറ്റില്ലാത്തതിനാൽ സൗദിക്കുള്ള വിമാനത്തിൽ ഏഴു യാത്രക്കാരെ നിർത്തി യാത്രചെയ്യിപ്പിച്ചുവെന്ന കേസിൽ പാക് എയർലൈൻസ് വിമാനത്തിന്‍റെ പൈലറ്റിനും മറ്റു രണ്ട് ഉദ്യോഗസ്ഥർക്കും അധികൃതർ കാരണം കാണിക്കൽ നോട്ടീസ് നൽകി.

കൂടുതൽ യാത്രക്കാരെ വിമാനത്തിൽ കയറ്റിയതിന് ക്യാപ്റ്റൻ അൻവർ അദിൽ, എയർഹോസ്റ്റസ് ഹിനാ തുരാബ്, ടെർമിനൽ മാനേജർ അക്ബർ അലി ഷാ എന്നിവർക്കാണ് നോട്ടീസ് നൽകിയത്. ബോയിംഗ് 777 വിമാനത്തിൽ 409 പേർക്കുള്ള സീറ്റുകളെ ഉള്ളു. എന്നാൽ ജനുവരി 20ന് കറാച്ചിയിൽനിന്നു സൗദിയിലെ മദീനയ്ക്കു പോയ വിമാനത്തിൽ 416പേരാണു സഞ്ചരിച്ചത്. വിമാനത്തിൽ ഓവർലോഡുണ്ടെങ്കിൽ അധികമുള്ളവരെ പുറത്താക്കിയിട്ടേ യാത്ര പാടുള്ളു എന്നാണു സുരക്ഷാ ചട്ടങ്ങളിൽ അനുശാസിക്കുന്നത്.
സുരക്ഷാചട്ടങ്ങളിൽ വന്ന പിഴവിനെക്കുറിച്ച് സിവിൽ വ്യോമയാന അഥോറിട്ടിയും അന്വേഷണം ആരംഭിച്ചിട്ടുണ്ട്. വിമാനത്തിൽ അധികമായി ക‍യറിയ ഏഴു പേരും മൂന്നു മണിക്കൂർ സമയം മുഴുവനും നിന്നുകൊണ്ടാണു യാത്ര ചെയ്തത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.