International News
വാണിജ്യയുദ്ധത്തിൽ ക്ഷീണം യുഎസ് കന്പനികൾക്ക്: ചൈന
വാണിജ്യയുദ്ധത്തിൽ ക്ഷീണം യുഎസ് കന്പനികൾക്ക്: ചൈന
Wednesday, March 15, 2017 12:05 PM IST
ബെ​യ്ജിം​ഗ്: ചൈ​ന​യു​മാ​യി വാ​ണി​ജ്യ യു​ദ്ധ​ത്തി​നു മു​തി​ർ​ന്നാ​ൽ അ​മേ​രി​ക്ക​ൻ ക​ന്പ​നി​ക​ൾ​ക്കാ​കും ക്ഷീ​ണ​മെ​ന്ന് ചൈ​ന. പാ​ർ​ല​മെ​ന്‍റി​ന്‍റെ വാ​ർ​ഷി​ക സ​മ്മേ​ള​ന​ത്തി​നു​ശേ​ഷം മാ​ധ്യ​മ​പ്ര​തി​നി​ധി​ക​ളെ ക​ണ്ട പ്ര​ധാ​ന​മ​ന്ത്രി ലി ​കെ​ചി​യാം​ഗ് ആ​ണ് മു​ന്ന​റി​യി​പ്പ് ന​ല്കി​യ​ത്. യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് ചൈ​ന​യി​ൽ നി​ന്നു​ള്ള ഇ​റ​ക്കു​മ​തി നി​രു​ത്സാ​ഹ​പ്പെ​ടു​ത്താ​ൻ ചു​ങ്കം ചു​മ​ത്തു​മെ​ന്നും മ​റ്റും പ​ല​വ​ട്ടം പ​റ​ഞ്ഞ സാ​ഹ​ച​ര്യ​ത്തി​ലാ​ണി​ത്.

വാ​ണി​ജ്യ​പോ​ര് വാ​ണി​ജ്യ​ത്തി​നു ചേ​ർ​ന്ന​ത​ല്ല. അ​തു​ണ്ടാ​യാ​ൽ ചൈ​ന​യി​ലെ വി​ദേ​ശ ക​ന്പ​നി​ക​ളാ​കും ആ​ദ്യം വി​ഷ​മ​ത്തി​ലാ​കു​ക. അ​തി​ൽ​ത്ത​ന്നെ അ​മേ​രി​ക്ക​ൻ ക​ന്പ​നി​ക​ൾ കൂ​ടു​ത​ൽ വി​ഷ​മ​ത്തി​ലാ​കും: ലി ​പ​റ​ഞ്ഞു. ചൈ​ന​യി​ലെ കു​റ​ഞ്ഞ കൂ​ലി​യും അ​യ​ഞ്ഞ മ​ലി​നീ​ക​ര​ണ നി​യ​ന്ത്ര​ണ നി​യ​മ​ങ്ങ​ളു​മാ​ണ് പ​ല അ​മേ​രി​ക്ക​ൻ ക​ന്പ​നി​ക​ളെ​യും അ​ങ്ങോ​ട്ടാ​ക​ർ​ഷി​ച്ച​ത്. അ​വ​രു​ടെ ഉ​ത്പ​ന്ന​ങ്ങ​ൾ മു​ഖ്യ​മാ​യും അ​മേ​രി​ക്ക​യി​ലേ​ക്കാ​ണു പോ​കു​ന്ന​ത്. ഇ​താ​ണു ലി ​ചൂ​ണ്ടി​ക്കാ​ട്ടി​യ​ത്.


ദ​ക്ഷി​ണ ചൈ​നാ​സ​മു​ദ്ര​ത്തി​ലെ ത​ർ​ക്ക​ങ്ങ​ൾ ച​ർ​ച്ച​യി​ലൂ​ടെ പ​രി​ഹ​രി​ക്ക​ണ​മെ​ന്ന് ലി ​നി​ർ​ദേ​ശി​ച്ചു. ചൈ​നീ​സ് സ​ന്പ​ദ്ഘ​ട​ന അ​പ​ക​ട​സ​ന്ധി​യി​ലാ​ണെ​ന്ന വ്യാ​ഖ്യാ​ന​ങ്ങ​ൾ ലി ​ത​ള്ളി​ക്ക​ള​ഞ്ഞു. ഈ ​വ​ർ​ഷം 6.5 ശ​ത​മാ​നം വ​ള​ർ​ച്ച ഉ​ണ്ടാ​കും. ക​ഴി​ഞ്ഞ​വ​ർ​ഷം 6.7 ശ​ത​മാ​ന​മു​ണ്ടാ​യി​രു​ന്നു. ഈ ​വ​ള​ർ​ച്ച 1.1 കോ​ടി പു​തി​യ തൊ​ഴി​ലു​ക​ൾ സൃ​ഷ്ടി​ക്കാ​ൻ പ​ര്യാ​പ്ത​മാ​ണ്. ബാ​ങ്കു​ക​ൾ പ്ര​ശ്ന​ത്തി​ലാ​കു​മെ​ന്ന പ്ര​ചാ​ര​ണ​വും ലി ​നി​ഷേ​ധി​ച്ചു. 13 ശ​ത​മാ​ന​മു​ണ്ട് മൂ​ല​ധ​ന​പ​ര്യാ​പ്ത​ത. പ്ര​ശ്ന​ക​ട​ങ്ങ​ൾ​ക്കു 176 ശ​ത​മാ​നം വ​ക​യി​രു​ത്ത​ലു​മു​ണ്ട്. ഇ​ത് ആ​ഗോ​ള നി​ര​ക്കി​നേ​ക്കാ​ൾ കൂ​ടു​ത​ലാ​ണ്.

ചൈ​നീ​സ് ക​ന്പ​നി​ക​ൾ​ക്കു 15,000 കോ​ടി ഡോ​ള​റി​ന്‍റെ നി​കു​തി​യി​ള​വ് ഇ​ക്കൊ​ല്ലം ന​ല്കു​മെ​ന്നു ലി ​പ​റ​ഞ്ഞു. ചൈ​നീ​സ് ക​റ​ൻ​സി​യാ​യ യു​വാ​ന്‍റെ വി​ല കു​റ​യ്ക്കാ​ൻ ഉ​ദ്ദേ​ശി​ക്കു​ന്നി​ല്ല. ക​യ​റ്റു​മ​തി വ​ർ​ധി​പ്പി​ക്കാ​ൻ യു​വാ​നെ താ​ഴ്ത്തി നി​ർ​ത്തും എ​ന്ന് അ​മേ​രി​ക്ക​യും മ​റ്റും ആ​രോ​പി​ച്ചി​രു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.