International News
കുമ്പസാരക്കൂട് കരുണയുടെ പരമോന്നത കോടതി: മാർപാപ്പ
കുമ്പസാരക്കൂട് കരുണയുടെ പരമോന്നത കോടതി: മാർപാപ്പ
Saturday, March 18, 2017 11:16 AM IST
വ​ത്തി​ക്കാ​ൻ​സി​റ്റി: മ​നു​ഷ്യാ​ത്മാ​വി​നു ദൈ​വക​രു​ണ​യു​ടെ അ​ന​ന്യ​മാ​യ ലേ​പ​നം പ​ക​ർ​ന്നുന​ൽ​കു​ന്ന പ​ര​മോ​ന്ന​ത കോ​ട​തി​യാ​ണ് കു​മ്പസാ​ര​ക്കൂ​ടെ​ന്ന് ഫ്രാ​ൻ​സി​സ് മാ​ർ​പാ​പ്പ. അ​നു​ര​ഞ്ജ​ന ശു​ശ്രൂ​ഷ​യു​ടെ വാ​ർ​ഷി​ക പ​രി​ശീ​ല​ന​ത്തി​ന് റോ​മി​ൽ​നി​ന്നും ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്നും എ​ത്തി​യ വൈ​ദി​ക​രോ​ടും ഡീ​ക്ക​ന്മാ​രോ​ടും സ​ന്യ​സ്ത വൈ​ദി​ക പ​രി​ശീ​ല​ന​ത്തി​ലൂ​ടെ ക​ട​ന്നു​പോ​കു​ന്ന​വ​രോ​ടുമാണ് കുന്പസാ രത്തിന്‍റെ മഹത്വം മാർപാപ്പ പ​ങ്കു​വ​ച്ചത്.

അ​നു​ര​ഞ്ജ​ന ശു​ശ്രൂ​ഷാ വേ​ള​ക​ൾ അ​നു​ഗ്ര​ഹ പ്ര​ദ​മാ​ക്കു​ന്ന​തി​നു മൂ​ന്ന് കാ​ര്യ​ങ്ങ​ൾ ആ​വ​ശ്യ​മാ​ണെ​ന്നു മാ​ർ​പാ​പ്പ ഓ​ർ​മ​പ്പെ​ടു​ത്തി. ന​ല്ലി​ട​യ​നാ​യ ക്രി​സ്തു​വി​ന്‍റെ ഏ​റ്റ​വും വി​ശ്വ​സ്ത​നാ​യ സു​ഹൃ​ത്ത് ആ​യി ഓ​രോ വൈ​ദി​ക​നും മാ​റു​ക എ​ന്ന​താ​ണ് ഒ​ന്നാ​മ​ത്തെ കാ​ര്യം. പ്രാ​ർ​ഥ​ന​യി​ലൂ​ടെ​യാ​ണ് ഈ ​സൗ​ഹൃ​ദം ആ​ഴ​പ്പെ​ടേ​ണ്ട​ത്. സ​ത്യ​സ​ന്ധ​മാ​യ പ്രാ​ർ​ഥ​ന​യി​ലൂ​ടെ ത​ന്നെ​ത്ത​ന്നെ ക​ണ്ടെ​ത്താ​നും അ​ങ്ങ​നെ താ​നും പാ​പി​ക​ളി​ൽ ഒ​രു​വ​നാ​ണെ​ന്നും ആ​ദ്യ​മാ​യി ദൈ​വം ത​ന്നോ​ടാ​ണ് ക​രു​ണ കാ​ട്ടി​യ​തെ​ന്നും തി​രി​ച്ച​റി​യാ​ൻ പ്രാ​ർ​ഥ​ന ഉ​പ​ക​രി​ക്കു​മെ​ന്നും മാർപാ​പ്പാ പ​റ​ഞ്ഞു.

വി​വേ​ച​ന​ത്തി​ന്‍റെ​യും സ​ഹാ​നു​ഭൂ​തി​യു​ടെ​യും ആ​ത്മാ​വി​നെ വി​ളി​ച്ചു​ണ​ർ​ത്തി ആ ​പ​രി​ശു​ദ്ധാ​ത്മാ​വി​ന്‍റെ സ​ഹാ​യ​ത്താ​ൽ പാ​പ​ത്തി​ന്‍റെ സ​ങ്ക​ട​ങ്ങ​ളി​ൽ​പ്പെട്ടു ഉ​ഴ​ലു​ന്ന​വ​ർ​ക്കു കൃ​ത്യ​വും വ്യ​ക്ത​വും ആ​യ പ​രി​ഹാ​രം നി​ർ​ദേ​ശി​ക്കാ​ൻ പ്രാ​ർ​ഥ​ന വ​ഴി ക​ഴി​യു​മെ​ന്ന് പാ​പ്പാ ഓ​ർ​മ​പ്പെ​ടു​ത്തി.

വി​വേ​ച​ന​ത്തി​ന്‍റെ ആ​ത്മാ​വി​നാ​ൽ പൂ​രി​ത​നാ​യ വ്യ​ക്തി ആ​കു​ക എ​ന്ന​താ​ണ് ര​ണ്ടാ​മ​ത്തെ കാ​ര്യം. ത​ന്‍റെ പാ​ണ്ഡ്യ​ത്യ​മോ മ​ന​സോ പ​ങ്കു​വ​യ്ക്കാ​ന​ല്ല ഒ​രു ദാ​സ​നും ശു​ശ്രൂ​ഷ​ക​നും എ​ന്ന നി​ല​യി​ൽ സ​ഭ​യോ​ട് ചേ​ർ​ന്ന് ദൈ​വ​ത്തി​ന്‍റെ ഇ​ഷ്ടം അ​നു​വ​ർ​ത്തി​ക്കാ​നു​ള്ള വേ​ദി​യാ​ണ് അ​നു​താ​പ ശു​ശ്രൂ​ഷ. വി​വി​ധ സാ​ഹ​ച​ര്യ​ങ്ങ​ളി​ൽ​നി​ന്നും ത​ന്‍റെ അ​ടു​ത്തേ​ക്കു വ​രു​ന്ന ആ​ളു​ക​ളെ വി​വേ​ച​ന​ത്തി​ന്‍റെ ആ​ത്മാ​വി​നാ​ൽ തി​രി​ച്ച​റി​യു​ക​യും ആ​ത്മീ​യ​ത​യി​ൽ ക്ര​മ​മ​ല്ലാ​ത്ത കേ​സു​ക​ൾ, പ്രത്യേക​മാ​യി മാ​ന​സി​ക പ്ര​ശ്ന​ങ്ങ​ളി​ലൂ​ടെ ക​ട​ന്നു​പോ​കു​ന്ന​വ​രു​ടെ കാ​ര്യ​ങ്ങ​ൾ, നി​ല​വി​ലു​ള്ള ശാ​സ്ത്രീ​യ മാ​ന​ദ​ണ്ഡ​ങ്ങ​ൾ​ക്കു അ​നു​സൃ​ത​മാ​യും സ​ഭ​യു​ടെ ഔ​ദ്യോ​ഗി​ക പ​ഠ​ന​ത്തി​നും മാ​ർ​ഗ​ങ്ങ​ൾ​ക്കും അ​നു​സ​രി​ച്ചും തു​ട​ർ ചി​കി​ത്സ​യ്ക്കാ​യി രൂ​പ​താ അ​ധി​കാ​രി​ക​ളു​ടെ അ​റി​വോ​ടെ പ​റ​ഞ്ഞു​വി​ട​ണ​മെ​ന്നും മാ​ർ​പാ​പ്പ പ​റ​ഞ്ഞു.


അ​നു​താ​പ ശു​ശ്രൂ​ഷ സു​വി​ശേ​ഷ​വ​ത്ക്ക​ര​ണ​ത്തി​നു​ള്ള യ​ഥാ​ർ​ഥ അ​വ​സ​രം കൂ​ടി​യാ​ണെ​ന്നു​ള്ള തി​രി​ച്ച​റി​വാ​ണ് മൂ​ന്നാ​മ​ത്തേ​ത്. ഉ​ചി​ത​മാ​യ ചെ​റി​യ സം​ഭാ​ഷ​ണ​ങ്ങ​ളി​ലൂ​ടെ ആ​ത്മീ​യ​ത​യു​ടെ പാ​ത അ​നു​താ​പി​ക്കു കാ​ണി​ച്ചു​കൊ​ടു​ക്കാ​ൻ, ക​രു​ണ​യു​ടെ സ​ന്ദേ​ശം ധാ​ർ​മി​ക​ത​യു​ടെ പി​ൻ​ബ​ല​ത്തി​ൽ സ​ത്യ​ത്തി​ന്‍റെ കൂ​ട്ടു​പി​ടി​ച്ചു പ​ങ്കു​വ​യ്ക്കാ​ൻ, ന​ന്മ​യാ​യി​ട്ടു​ള്ള​തും ദൈ​വ​ഹി​ത​വും പ​ക​ർ​ന്നു ന​ൽ​കാ​ൻ വൈ​ദി​ക​ന് ല​ഭി​ക്കു​ന്ന അ​സു​ല​ഭ മു​ഹൂ​ർ​ത്ത​മാ​ണ് അ​നു​താ​പ ശു​ശ്ര​ൂഷ. അ​നു​ദി​നം അ​ജ​പാ​ല​ന​പ​ര​മാ​യ മു​ൻ​ഗ​ണ​ന​യു​മാ​യി തി​ന്മ​യു​ടെ​യും പാ​പ​ത്തി​ന്‍റെ​യും വി​ളു​ന്പു​ക​ളി​ൽ യാ​ത്ര ചെ​യ്യേ​ണ്ട​വ​രാ​ണ് അ​നു​ര​ഞ്ജ​ന ശു​ശ്രൂ​ഷ​യു​ടെ ദാ​സ​രാ​യ യാ​ഥാ​ർ​ഥ വൈ​ദി​ക​ർ എ​ന്ന് മാ​ർ​പാ​പ്പ കൂ​ട്ടി​ച്ചേ​ർ​ത്തു.

ന​ല്ല കു​ന്പ​സാ​ര​ക്കാ​രാ​കാ​ൻ എ​ല്ലാ​വ​രെ​യും ആ​ഹ്വാ​നം ചെ​യ്തും അ​തി​നു​ള്ള അ​നു​ഗ്ര​ഹം പ​ക​ർ​ന്നും അ​നു​താ​പ ശു​ശ്രൂ​ഷ​യ്ക്ക് അ​ണ​യു​ന്ന​വ​ർ​ക്കു​വേ​ണ്ടി​യും ത​നി​ക്കു​വേ​ണ്ടി​യും പ്രാ​ർ​ഥി​ക്ക​ണ​മെ​ന്നു ഓ​ർ​മ​പ്പെ​ടു​ത്തി​യും ഫ്രാ​ൻ​സി​സ് മാ​ർ​പാ​പ്പ ത​ന്‍റെ സ​ന്ദേ​ശം അ​വ​സാ​നി​പ്പി​ച്ചു. വൈ​ദി​ക​രും സ​ന്യ​സ്ത​രും പ​രി​ശീ​ല​ന​ത്തി​ലൂ​ടെ ക​ട​ന്നു​പോ​കു​ന്ന അ​ർ​ഥി​ക​ളും അ​ട​ക്കം നൂ​റു​ക​ണ​ക്കി​ന് പേ​രാ​ണ് പാ​പ്പ​യു​ടെ വ​ച​ന​ങ്ങ​ൾ​ക്കു കാ​തോ​ർത്ത​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.