പാരീസ് വിമാനത്താവളത്തിൽ അക്രമിയെ വെടിവച്ചുകൊന്നു : Deepika.com International News |

Click here for detailed news of all items

പാരീസ് വിമാനത്താവളത്തിൽ അക്രമിയെ വെടിവച്ചുകൊന്നു

Saturday, March 18, 2017 11:16 AM IST

പാരീസ് :പട്ടാളക്കാരിയുടെ കൈയിൽനിന്നു തോക്കു പിടിച്ചുവാങ്ങാൻ ശ്രമിച്ച അക്രമിയെ പാരീസിലെ ഓർലി വിമാനത്താവളത്തിൽ ഇന്നലെ മറ്റു സൈനികർ വെടിവച്ചുകൊന്നു.
വെടിവയ്പിനെത്തുടർന്നു ഓർലി വിമാനത്താവളത്തിൽനിന്നു യാത്രക്കാരെ ഒഴിപ്പിച്ചു. വിമാനത്താവളം കുറേസമയത്തേക്ക് അടച്ചിട്ടു. നിരവധി വിമാനങ്ങൾ ചാൾസ് ഡി ഗാൾ വിമാനത്താവളത്തിലേക്കു റൂട്ടുമാറ്റി വിടേണ്ടിവന്നു. പ്രാദേശിക സമയം ഉച്ചകഴിഞ്ഞ് ഒന്നരയോടെ ഓർലിയിൽനിന്നുള്ള സർവീസുകൾ ഭാഗികമായി പുനരാരംഭിച്ചു.

39കാരനായ അക്രമിയുടെ ഭീകരബന്ധത്തെക്കുറിച്ച് അന്വേഷണം ആരംഭിച്ചിട്ടുണ്ട്. പ്രതിയുടെ സഹോദരനെയും പിതാവിനെയും കസ്റ്റഡിയിലെടുത്തു. വെടിയേറ്റു മരിച്ച അക്രമി ഇസ്ലാമിസ്റ്റ് തീവ്രവാദത്തിൽ ആകൃഷ്ടനായിരുന്നുവെന്നും ഇയാളുടെ പേരിൽ സായുധ കൊള്ള ഉൾപ്പെടെ നിരവധി കേസുകളുണ്ടായിരുന്നുവെന്നും ഫ്രഞ്ച് മാധ്യമങ്ങൾ പറഞ്ഞു.
ഓർലി വിമാനത്താവളത്തിലെത്തുന്നതിനുമുന്പ് ഇന്നലെ രാവിലെ ഒരു ട്രാഫിക് കേസിൽ കുടുങ്ങിയ ഇയാൾ മൂന്നു പോലീസുകാർക്കു നേരെ വെടിയുതിർത്തശേഷം തട്ടിയെടുത്ത കാറിൽ കടന്നുകളയുകയായിരുന്നുവെന്ന് ആഭ്യന്തര മന്ത്രി ബ്രൂണോ ലെ റെക്സ് റിപ്പോർട്ടർമാരോടു പറഞ്ഞു. ഒരു പോലീസുകാരനു നിസാര പരിക്കേറ്റു. ഓർലിയിൽ എത്തിയ അക്രമി പട്ടാളക്കാരിയുമായി മൽപ്പിടിത്തം നടത്തി. ഈ സമയം പട്രോളിംഗ് ഡ്യൂട്ടിയിലുണ്ടായിരുന്ന മറ്റു സൈനികർ അക്രമിയെ വെടിവച്ചുകൊല്ലുകയായിരുന്നു.
അടുത്തമാസം നടക്കുന്ന ഫ്രഞ്ച് പ്രസിഡന്‍റ് തെരഞ്ഞെടുപ്പുമായി ഓർലിയിലെ അക്രമത്തിനു ബന്ധമുണ്ടെന്നു കരുതുന്നില്ലെന്നു ഫ്രഞ്ച് പ്രസിഡന്‍റ് ഒളാന്ദ പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.