വൈറ്റ് ഹൗസിനു ബോംബ് ഭീഷണി, കാർ ഡ്രൈവർ കസ്റ്റഡിയിൽ : Deepika.com International News |

Click here for detailed news of all items

വൈറ്റ് ഹൗസിനു ബോംബ് ഭീഷണി, കാർ ഡ്രൈവർ കസ്റ്റഡിയിൽ

Sunday, March 19, 2017 11:10 AM IST

വാഷിംഗ്ടൺ ഡിസി: വൈറ്റ്ഹൗസ് ചെക്ക്പോയിന്‍റിലേക്കു കാർ ഓടിച്ചെത്തിയ ഡ്രൈവറെ സീക്രട്ട് സർവീസ് കസ്റ്റഡിയിലെടുത്തു. കാറിൽ ബോംബുണ്ടെന്ന് ഇയാൾ ഭീഷണി മുഴക്കി. ശനിയാഴ്ചയാണു സംഭവം. തത്സമയം പ്രസിഡന്‍റ് ട്രംപ് ഫ്ളോറിഡയിലെ റിസോർട്ടിലായിരുന്നു.

സുരക്ഷാഭീഷണിയുയർത്തിയ അജ്ഞാതനെ കസ്റ്റഡിയിലെടുത്ത സീക്രട്ട് സർവീസ് ഉദ്യോഗസ്ഥരെ വൈറ്റ്ഹൗസ് വക്താവ് സീൻ സ്പൈസർ ട്വിറ്ററിൽ പ്രശംസിച്ചു. കാർ വൈറ്റ്ഹൗസ് വളപ്പിൽ കടന്നില്ലെന്നും സംഭവത്തെത്തുടർന്നു വൈറ്റ്ഹൗസിലെ സുരക്ഷശക്തമാക്കിയെന്നും അധികൃതർ പറഞ്ഞു.

വൈറ്റ്ഹൗസിൽ അടുത്തയിടെ ഉണ്ടാവുന്ന രണ്ടാമത്തെ സുരക്ഷാ പിഴവാണിത്. ഈ മാസം പത്തിന് സുരക്ഷാവേലി ചാടിക്കടന്ന് വൈറ്റ്ഹൗസ് മന്ദിരത്തിന് അടുത്തെത്തിയ 26കാരനെ സീക്രട്ട് സർവീസ് ഉദ്യോഗസ്ഥർ അറസ്റ്റ് ചെയ്തിരുന്നു. ജോനാഥൻ ട്രാൻ എന്ന പ്രതിക്ക് എതിരേ കേസ് ഫയൽ ചെയ്തിട്ടുണ്ട്. പത്തുവർഷം വരെ തടവുശിക്ഷ കിട്ടാവുന്ന കുറ്റമാണു ചുമത്തിയിരിക്കുന്നത്. അതിനിടെ പ്രസിഡന്‍റ് ട്രംപ് വൈറ്റ്ഹൗസിൽ സുരക്ഷിതനല്ലെന്ന് മുൻ സീക്രട്ട് സർവീസ് ഏജന്‍റ് മാധ്യമങ്ങളോടു പറഞ്ഞത് വിവാദമായി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.