ഇന്ത്യക്കാരിയും മകനും യുഎസിൽ കൊല്ലപ്പെട്ടു : Deepika.com International News |

Click here for detailed news of all items

ഇന്ത്യക്കാരിയും മകനും യുഎസിൽ കൊല്ലപ്പെട്ടു

Friday, March 24, 2017 12:11 PM IST

ന്യൂയോർക്ക്: ഇന്ത്യൻവംശജയായ ഐടി പ്രഫഷണൽ ശശികല നാരായെയും(38) പുത്രൻ ആറുവയസുള്ള അനീഷിനെയും യുഎസിലെ ന്യൂജേഴ്സിയിലെ മാപ്പിൾ ഷേഡിലെ വസതിയിൽ കൊല്ലപ്പെട്ട നിലയിൽ കണ്ടെത്തി.

ഇതു വംശീയ വിദ്വേഷംമൂലമുള്ള കൊലപാതകമാണെന്നതിനു തെളിവില്ലെന്ന് ബർലിംഗ്ടൺ പ്രോസിക്യൂട്ടറുടെ ഓഫീസ് പുറപ്പെടുവിച്ച പ്രസ്താവനയിൽ പറഞ്ഞു.
ശശികലയുടെ ഭർത്താവ് ഹനുമന്തറാവുവാണ് പോലീ സിൽ വിവരമറിയിച്ചത്. അമ്മയുടെയും മകന്‍റെയും ശരീരത്തിൽ നിരവധി കുത്തുകളേറ്റിട്ടുണ്ട്.

പോലീസ് അന്വേഷണം ആരംഭിച്ചു. ഇതുവരെ ആരെയും അറസ്റ്റു ചെയ്തിട്ടില്ല. മൃതദേഹങ്ങൾ പോസ്റ്റുമോർ്ട്ടത്തിന് അയച്ചു.ആന്ധ്രാ സ്വദേശികളായ ശശികലയും ഭർത്താവും 12 വർഷമായി യുഎസിൽ താമസിച്ചുവരികയായിരുന്നു.

കാൻസാസിൽ ഹൈദരാബാദ് സ്വദേശിയായ ശ്രീനിവാസ് എന്ന എൻജിനിയർ കൊല്ലപ്പെട്ട് ആഴ്ചകൾക്കകമാണ് വീണ്ടും ഇന്ത്യക്കാർ കൊല്ലപ്പെടുന്നത്. ശ്രീനിവാസിനെ കൊലപ്പെടുത്തിയ മുൻ അമേരിക്കൻ നാവിക ഓഫീസറെ അറസ്റ്റ് ചെയ്തു. ഇത് വംശീയ വിദ്വേഷം മൂലമുള്ള കൊലപാതകമായതിനാൽ ലോക്കൽ പോലീസിനു പുറമേ എഫ്ബിഐയും അന്വേഷണം നടത്തി. എന്‍റെ രാജ്യത്തുനിന്നു പുറത്തുപോകൂ എന്ന് ആക്രോശിച്ചുകൊണ്ടാണ് നാവിക ഓഫീസർ ആഡം പുരിന്‍റോൺ കാൻസാസിലെ ബാറിൽ ശ്രീനിവാസിനു നേർക്കു വെടിയുതിർത്തത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.