സഹപാഠിയുടെ വിക്രിയ ഇന്ത്യൻ വിദ്യാർഥിയുടെ ജീവൻ അപഹരിച്ചു : Deepika.com International News |

Click here for detailed news of all items

സഹപാഠിയുടെ വിക്രിയ ഇന്ത്യൻ വിദ്യാർഥിയുടെ ജീവൻ അപഹരിച്ചു

Wednesday, July 12, 2017 1:00 PM IST

ലണ്ടൻ: ലഞ്ച് ബോക്സിലെ സാൻഡ് വിച്ചിനുള്ളിൽ സഹപാഠി രഹസ്യമായി തിരുകിവച്ച പാൽക്കട്ടി(ചീസ്) അറിയാതെ കഴിച്ച് ഇന്ത്യൻ വംശജനായ സ്കൂൾ വിദ്യാർഥി കരൻബീർ കീമാ(13) മരിച്ചു. വെസ്റ്റ് ലണ്ടനിലെ ഗ്രീൻഫോർഡിലെ സ്കൂളിലാണു സംഭവം. സഹപാഠിയെ പോലീസ് കസ്റ്റഡിയിലെടുത്തു ചോദ്യം ചെയ്തശേഷം ജാമ്യത്തിൽ വിട്ടു.

കരൻ എന്നു വിളിക്കുന്ന കരൻബീറിനു ക്ഷീരോത്പന്നങ്ങളോട് അലർജിയുണ്ടായിരുന്നു. അതിനാൽത്തന്നെ എല്ലാ പാൽ ഉത്പന്നങ്ങളും ഒഴിവാക്കിയിരുന്നു. തന്‍റെ ലഞ്ച് ബോക്സിലെ സാൻഡ്‌വിച്ചിൽ സഹപാഠി ചീസ് ഒളിപ്പിച്ചുവയ്ക്കുമെന്നു കരൻ സ്വപ്നേപി ചിന്തിച്ചില്ല.

ഭക്ഷണം അകത്തുചെന്നയുടൻ അസ്വസ്ഥത തോന്നിയ കരൻ സ്കൂൾ അധികൃതരുടെ അടുത്തെത്തി. അവർ ആംബുലൻസ് വിളിച്ച് കുട്ടിയെ ആശുപത്രിയിലെത്തിച്ചു. രണ്ടാഴ്ച ആശുപത്രിയിൽ കഴിഞ്ഞ കരൻ കഴിഞ്ഞ ഞാ‍യറാഴ്ച മരിച്ചു. മരണസമയത്ത് കുടുംബാംഗങ്ങൾ എല്ലാവരും കിടക്കയ്ക്കരികിലുണ്ടായിരുന്നു. എല്ലാവരോടും സൗഹൃദത്തോടെ പെരുമാറിയിരുന്ന കരന്‍റെ ജീവിതം തല്ലിക്കെടുത്തിയ സംഭവം തന്നെ തകർത്തുകളഞ്ഞെന്നു പിതാവ് അമർജീത് പറഞ്ഞു. ഇക്കാര്യത്തിൽ സ്കൂൾ അധികൃതർ സമഗ്ര അന്വേഷണം നടത്തി നടപടിയെടുക്കണം.

ഇനി ഒരു കുടുംബത്തിനും ഇത്തരം ദുരന്തം ഉണ്ടാവരുത്- അദ്ദേഹം പറഞ്ഞു. അലർജിബാധയാണെന്ന് അറിഞ്ഞയുടൻ കരനു തങ്ങൾ മരുന്നു നൽകിയെന്നും ഉടൻ തന്നെ ആശുപത്രിയിലെത്തിച്ചെന്നും വില്യം പെർകിൻ ഹൈ ചർച്ച് ഓഫ് ഇംഗ്ളണ്ട് ഹൈസ്കൂളിന്‍റെ പ്രധാനാധ്യാപിക ആലീസ് ഹഡ്സൺ വ്യക്തമാക്കി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.