യാത്രാവിലക്ക്: ഡോണൾഡ് ട്രംപിനു വീണ്ടും തിരിച്ചടി : Deepika.com International News |

വാഷിംഗ്ടൺ ഡിസി: ആറു മുസ്‌ലിം രാജ്യങ്ങളിൽനിന്നുള്ള യാത്രക്കാർക്ക് യുഎസിൽ പ്രവേശനവിലക്ക് ഏർപ്പെടുത്തിക്കൊണ്ടു പുറപ്പെടുവിച്ച ഉത്തരവിലെ ഏതാനും നിബന്ധനകൾ ഹവായ് കോടതി റദ്ദാക്കിയത് ട്രംപ് ഭരണകൂടത്തിനു തിരിച്ചടിയായി. സുപ്രീംകോടതി ഉത്തരവിന്‍റെ പിൻബലത്തിൽ പ്രാബല്യത്തിൽ കൊണ്ടുവന്ന യാത്രാവിലക്ക് ഉത്തരവിൽ യുഎസിൽ അടുത്ത ബന്ധുക്കളുള്ളവർക്ക് പ്രവേശനം അനുവദിച്ചിരുന്നു.

അടുത്ത ബന്ധുക്കളുടെ നിർവചനത്തിൽനിന്നു വല്യപ്പൻ, വല്യമ്മ, അമ്മാവൻ, അമ്മാവി തുടങ്ങിയവരെ ഒഴിവാക്കിയതിനെ ചോദ്യം ചെയ്തു സമർപ്പിച്ച ഹർജിയിലാണു ഹാവായ് കോടതി വിധി പറഞ്ഞത്.

വല്യമ്മയും വല്യപ്പനും മറ്റും അടുത്ത ബന്ധുക്കളാണെന്നു സാമാന്യബോധമുള്ളവർക്കെല്ലാം മനസിലാവുമെന്നു ജഡ്ജി വാട്സൺ ചൂണ്ടിക്കാട്ടി.

നിലവിലുള്ള ഉത്തരവിലെ അനാവശ്യ നിയന്ത്രണങ്ങൾ ഉടൻ ഒഴിവാക്കാൻ ജഡ്ജി ഉത്തരവിട്ടു. പുതിയ ഉത്തരവ് യുഎസിൽ വീസയ്ക്ക് അപേക്ഷിക്കുന്ന ഒട്ടേറെപ്പേർക്കു ഗുണകരമാവും. ജസ്റ്റീസ് വാട്സന്‍റെ ഉത്തരവിനു രാജ്യവ്യാപകമായി പ്രാബല്യമുണ്ട്.