മാഡ്രിഡിന്‍റെ ഉത്തരവ് അനുസരിക്കില്ലെന്നു കാറ്റലോണിയ : Deepika.com International News |

Click here for detailed news of all items

മാഡ്രിഡിന്‍റെ ഉത്തരവ് അനുസരിക്കില്ലെന്നു കാറ്റലോണിയ

Monday, October 23, 2017 12:02 PM IST

മാഡ്രിഡ്: കാറ്റലോണിയൻ ഭരണം ഏറ്റെടുത്തുകൊണ്ടു മാഡ്രിഡ് പുറപ്പെടുവിക്കുന്ന ഉത്തരവ് കാറ്റലോണിയയിലെ പോലീസും മറ്റ് ഉദ്യോഗസ്ഥരും നടപ്പാക്കില്ലെന്നു കറ്റാലൻ നേതാക്കൾ മുന്നറിയിപ്പു നൽകി. കാറ്റലോണിയയിൽ കേന്ദ്രസർക്കാരിന്‍റെ നേരിട്ടുള്ള ഭരണം ഏർപ്പെടുത്തുന്നതു സംബന്ധിച്ച ബില്ലിന്മേൽ വെള്ളിയാഴ്ച സെനറ്റിൽ വോട്ടെടുപ്പു നടക്കും. സ്പെയിനിൽ നിന്നു വേർപെട്ടു സ്വതന്ത്ര രാജ്യമാവുന്നതിന് ഒക്ടോബർ ഒന്നിലെ ഹിതപരിശോധനാ ഫലം തങ്ങൾക്ക് അനുമതി നൽകുന്നുണ്ടെന്നാണു കറ്റാലൻ നേതാക്കളുടെ നിലപാട്.

കാറ്റലോണിയയിലെ എല്ലാ സിവിൽ, പോലീസ് ഉദ്യോഗസ്ഥരും കറ്റാലൻ സർക്കാരിന്‍റെ ഉത്തരവുകൾ മാത്രമേ അനുസരിക്കുകയുള്ളുവെന്നു കാറ്റലോണിയയുടെ വിദേശകാര്യ ചീഫ് റാവുൽ റോമേവ ബിബിസി റേഡിയോയോടു പറഞ്ഞു.
കറ്റാലൻ പാർലമെന്‍റ് വ്യാഴാഴ്ച ചേർന്നു മാഡ്രിഡിന്‍റെ നിലപാടിന് ഉചിതമായ പ്രതികരണം നൽകുമെന്നു കറ്റാലൻ പ്രസിഡന്‍റ് കാർലസ് പ്യൂജിമോണ്ട് വ്യക്തമാക്കി. കാറ്റലോണിയയിൽ നേരിട്ടുള്ള ഭരണം ഏർപ്പെടുത്തിക്കഴിഞ്ഞാൽ പ്യൂജിമോണ്ടിനു പിന്നെ അധികാരമില്ലെന്നു സ് പാനിഷ് ഭരണകൂടം ചൂണ്ടിക്കാട്ടി. ആറുമാസത്തിനകം പുതിയ തെരഞ്ഞെടുപ്പു നടത്താനാണു സ്പാനിഷ് കേന്ദ്ര സർക്കാരിന്‍റെ പദ്ധതി

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.