അനുപമനായ സുവിശേഷ പ്രഭാഷകൻ
Thursday, February 22, 2018 1:24 AM IST
ദൈ​വ​വു​മാ​യി സ​മാ​ധാ​നം (പീ​സ് വി​ത്ത് ഗോ​ഡ്) ആ​യി​രു​ന്നു ഒ​ന്നാ​മ​ത്തെ പു​സ്ത​കം. എ​ഴു​തി​യ​ത് 1953-ൽ. ​അ​വ​സാ​ന​ത്തേ​ത് “വീ​ട്ടി​ലേ​ക്ക് അ​ടു​ക്കു​ന്നു’’ (നി​യ​റിം​ഗ് ഹോം). ​അ​ത് 2011-ൽ ​എ​ഴു​തി പ്ര​സി​ദ്ധീ​ക​രി​ച്ചു. വീ​ണ്ടും ഏ​ഴു വ​ർ​ഷം ക​ഴി​ഞ്ഞാ​ണു വി​ല്യം ഫ്രാ​ങ്ക്ളി​ൻ ഗ്ര​ഹാം ജൂ​ണി​യ​ർ എ​ന്ന ബി​ല്ലി ഗ്ര​ഹാം ഭൂ​മി​യി​ലെ യാ​ത്ര പൂ​ർ​ത്തി​യാ​ക്കി നി​ത്യ​വ​സ​തി​യി​ലേ​ക്കു പോ​യ​ത്.

ക്രി​സ്തു​വി​നു​വേ​ണ്ടി പോ​രാ​ട്ടം (ക്രൂ​സേ​ഡ് ഫോ​ർ ക്രൈ​സ്റ്റ്) ന​ട​ത്തി​യ ആ ​പ്ര​ഭാ​ഷ​ക​ന്‍റെ വാ​ക്കു​ക​ൾ കേ​ട്ട​വ​രു​ടെ സം​ഖ്യ ശ​ത​കോ​ടി​ക്ക​പ്പു​റ​മാ​ണ്. ശീ​ത​യു​ദ്ധ​ത്തി​ന്‍റെ ന​ടു​വി​ലും ബി​ല്ലി ഗ്ര​ഹാം ഉ​ത്ത​ര​കൊ​റി​യ​യി​ലും ചൈ​ന​യി​ലും സു​വി​ശേ​ഷം പ്ര​ഘോ​ഷി​ച്ചു. ത​ന്‍റെ കാ​ല​ഘ​ട്ട​ത്തി​ലെ ഏ​റ്റ​വും വ​ലി​യ അ​മേ​രി​ക്ക​ൻ ഇ​വാ​ഞ്ച​ലി​സ്റ്റ് ആ​യി മാ​റി​യ ബി​ല്ലി ഗ്ര​ഹാം കേ​ര​ള​ത്തി​ലും പ​ല​ത​വ​ണ വ​ന്നി​ട്ടു​ണ്ട്. അ​ദ്ദേ​ഹ​ത്തി​ന്‍റെ പ്ര​സം​ഗ​ങ്ങ​ൾ കേ​ര​ള​ത്തി​ൽ എ​വി​ടെ​യും നി​റ​ഞ്ഞു​ക​വി​ഞ്ഞ സ​ദ​സു​ക​ളി​ലാ​ണു ന​ട​ന്നി​ട്ടു​ള്ള​ത്.

ഏ​റ്റ​വും ആ​ദ​രി​ക്ക​പ്പെ​ടു​ന്ന വ്യ​ക്തി​ക​ളു​ടെ പ​ട്ടി​ക ഗാ​ല​പ് ത​യാ​റാ​ക്കി​യ​തി​ൽ 1955 മു​ത​ൽ 60 വ​ർ​ഷം അ​ദ്ദേ​ഹം ഉ​ണ്ടാ​യി​രു​ന്നു. മ​റ്റൊ​രാ​ളും ഇ​ത്ര​കാ​ലം ആ ​പ​ട്ടി​ക​യി​ൽ സ്ഥാ​നം​പി​ടി​ച്ചി​ട്ടി​ല്ല.
സ​തേ​ൺ ബാ​പ്റ്റി​സ്റ്റ് ക​ൺ​വ​ൻ​ഷ​ൻ സ​ഭാം​ഗ​മാ​യി​രു​ന്നു. ഫ്ളോ​റി​ഡ ബൈ​ബി​ൾ ഇ​ൻ​സ്റ്റി​റ്റ്യൂ​ട്ടി​ലും ഇ​ല്ലി​നോ​യി​യി​ലെ വീ​റ്റ​ൺ കോ​ള​ജി​ലു​മാ​യി​രു​ന്നു വി​ദ്യാ​ഭ്യാ​സം. ന​ര​വം​ശ​ശാ​സ്ത്ര​ത്തി​ലാ​യി​രു​ന്നു ബി​രു​ദം. വീ​റ്റ​ണി​ലെ പ​ഠ​ന​കാ​ല​ത്താ​ണ് ബൈ​ബി​ളി​നെ തെ​റ്റു​വ​രാ​ത്ത ദൈ​വ​വ​ച​ന​മാ​യി ഗ്ര​ഹാം സ്വീ​ക​രി​ച്ച​ത്. കോ​ള​ജ് വി​ദ്യാ​ർ​ഥി​യാ​യി​രി​ക്കു​ന്പോ​ൾ ത​ന്നെ പാ​സ്റ്റ​റാ​യി പ്ര​വ​ർ​ത്തി​ച്ചി​രു​ന്നു. 1949-ൽ ​ലോ​സ് ആ​ഞ്ച​ല​സി​ൽ ഗ്ര​ഹാം ഒ​രു പു​ന​രു​ജ്ജീ​വ​ന ക്യാ​ന്പ് സം​ഘ​ടി​പ്പി​ച്ചു. മൂ​ന്ന് ആ​ഴ്ച​ത്തേ​ക്കു പ​രി​പാ​ടി​യി​ട്ട ആ ​ബൈ​ബി​ൾ ക്യാ​ന്പ് എ​ട്ടാ​ഴ്ച നീ​ണ്ടു. പ​ത്ര​ങ്ങ​ളും റേ​ഡി​യോ​ക​ളും അ​ന്ന് 31 വ​യ​സു​ള്ള ഗ്ര​ഹാ​മി​ന്‍റെ പ്ര​ഭാ​ഷ​ണ​ത്തെ പ്ര​ശം​സി​ച്ചു. ദി​വ​സം ചെ​ല്ലും​തോ​റും ക്യാ​ന്പി​ൽ ആ​ളു​ക​ൾ വ​ർ​ധി​ച്ചു​വ​ന്നു.

ന​ല്ല ഉ​യ​ര​വും അരോ​ഗ​ദൃ​ഢ​ഗാ​ത്ര​വു​മു​ള്ള സു​മു​ഖ​നും വാ​ചാ​ല​നു​മാ​യ പ്ര​ഭാ​ഷ​ക​ൻ പെ​ട്ടെ​ന്നു​ത​ന്നെ അ​മേ​രി​ക്ക​യി​ൽ പ്ര​ശ​സ്ത​നാ​യി. അ​തി​നു​മു​ന്പ് ഷി​ക്കാ​ഗോ​യി​ലെ ഒ​രു റേ​ഡി​യോ സ്റ്റേ​ഷ​നി​ൽ മാ​ത്രം സു​വി​ശേ​ഷ പ്ര​ഭാ​ഷ​ണം ന​ട​ത്തി​യി​രു​ന്ന ഗ്ര​ഹാ​മി​നു​വേ​ണ്ടി റേ​ഡി​യോ നി​ല​യ​ങ്ങ​ൾ ക്യൂ​നി​ന്നു.


ക്രൂ​സേ​ഡ് ഫോ​ർ ക്രൈ​സ്റ്റ് പ​രി​പാ​ടി നാ​നൂ​റി​ലേ​റെ​ത്ത​വ​ണ ന​ട​ത്തി​യ ഗ്ര​ഹാം 185 രാ​ജ്യ​ങ്ങ​ളി​ൽ സു​വി​ശേ​ഷം പ്ര​സം​ഗി​ച്ചു. ല​ണ്ട​നി​ൽ 12 ആ​ഴ്ച​യും ന്യൂ​യോ​ർ​ക്കി​ൽ 16 ആ​ഴ്ച​യും നീ​ണ്ടു അ​ദ്ദേ​ഹ​ത്തി​ന്‍റെ ക്രൂ​സേ​ഡു​ക​ൾ. 1992-ൽ ​മോ​സ്കോ​യി​ൽ അ​ദ്ദേ​ഹ​ത്തി​ന്‍റെ പ്ര​ഭാ​ഷ​ണം കേ​ൾ​ക്കാ​ൻ എ​ത്തി​യ​ത് 1.55 ല​ക്ഷം പേ​രാ​ണ്.

മ​ദ്യം ക​ഴി​ക്കാ​ത്ത, ല​ളി​ത​ജീ​വി​ത​ക്കാ​ര​നാ​യ ഈ ​പ്ര​ഭാ​ഷ​ക​ൻ പ​ണ​മി​ട​പാ​ടു​ക​ളി​ൽ സ​ന്പൂ​ർ​ണ സു​താ​ര്യ​ത ഉ​റ​പ്പു​വ​രു​ത്തി​യി​രു​ന്നു.അ​മേ​രി​ക്ക​യു​ടെ പ​ല പ്ര​സി​ഡ​ന്‍റു​മാ​രും അ​ദ്ദേ​ഹ​ത്തെ വൈ​റ്റ് ഹൗ​സി​ൽ വി​ളി​ച്ചു​വ​രു​ത്തി ആ​ദ​രി​ക്കു​ക​യും പ്ര​ഭാ​ഷ​ണം ന​ട​ത്തി​ക്കു​ക​യും ചെ​യ്തി​ട്ടു​ണ്ട്. ത​ന്‍റെ ദീ​ർ​ഘ​കാ​ല സു​ഹൃ​ത്താ​യി​രു​ന്ന റി​ച്ചാ​ർ​ഡ് നി​ക്സ​നെ 1960-ലെ​യും 1968-ലെ​യും പ്ര​സി​ഡ​ന്‍റ് തെ​ര​ഞ്ഞെ​ടു​പ്പു​ക​ളി​ൽ ഗ്ര​ഹാം പി​ന്താ​ങ്ങി. 1969-ൽ ​നി​ക്സ​ന്‍റെ സ്ഥാ​നാ​രോ​ഹ​ണ വേ​ള​യി​ൽ പ്രാ​ർ​ഥ​നാ ശു​ശ്രൂ​ഷ ന​യി​ച്ച​തും ഗ്ര​ഹാ​മാ​ണ്. ലി​ൻ​ഡ​ൻ ജോ​ൺ​സ​ൺ, റോ​ണാ​ൾ​ഡ് റെ​യ്ഗ​ൻ തു​ട​ങ്ങി​യ പ്ര​സി​ഡ​ന്‍റു​മാ​രു​മാ​യി ഇ​ണ​ക്ക​വും പി​ണ​ക്ക​വും ഉ​ണ്ടാ​യി. എ​ന്നാ​ൽ ഇ​വാ​ഞ്ച​ലി​ക്ക​ൽ പ്രൊ​ട്ട​സ്റ്റ​ന്‍റ് പ്ര​സ്ഥാ​ന​ങ്ങ​ൾ രാ​ഷ്‌​ട്രീ​യ​ത്തി​ൽ കൂ​ടു​ത​ൽ സ​ജീ​വ​മാ​യ​പ്പോ​ൾ ഗ്ര​ഹാം അ​തി​ൽ​നി​ന്നു വി​ട്ടു​നി​ന്നു.

ജ​സ്റ്റ് ആ​സ് ഐ ​ആം എ​ന്ന ആ​ത്മ​ക​ഥ​യി​ൽ ഗ്ര​ഹാം ഇ​ങ്ങ​നെ എ​ഴു​തി: സ്വ​ർ​ഗ​ത്തി​ലെ​ത്തു​ന്പോ​ൾ ഞാ​ൻ ദൈ​വ​ത്തോ​ടു ചോ​ദി​ക്കു​ന്ന ആ​ദ്യ ചോ​ദ്യ​മി​താ​ണ്. “ക​ർ​ത്താ​വേ, എ​ന്തു​കൊ​ണ്ട് എ​ന്നെ (നി​യോ​ഗി​ച്ചു)? നോ​ർ​ത്ത് ക​രോ​ളൈ​ന​യി​ൽ​നി​ന്നു​ള്ള ഒ​രു ക​ർ​ഷ​കപു​ത്ര​നെ ഇ​ത്ര​യേ​റെ ന​ല്ല സ​ഹ​കാ​രി​ക​ളോ​ടു​കൂ​ടി, ഇ​ത്ര​യേ​റെ​പ്പേ​രോ​ടു സു​വി​ശേ​ഷം പ്ര​സം​ഗി​ക്കാ​നും ഇ​രു​പ​താം നൂ​റ്റാ​ണ്ടി​ന്‍റെ ര​ണ്ടാം പ​കു​തി​യി​ൽ അ​ങ്ങു ചെ​യ്തി​രു​ന്ന കാ​ര്യ​ങ്ങ​ളി​ൽ പ​ങ്കാ​ളി​യാ​ക്കാ​നും എ​ന്തു​കൊ​ണ്ട് എ​ന്നെ തെ​ര​ഞ്ഞെ​ടു​ത്തു?”

അ​തി​ന്‍റെ ഉ​ത്ത​രം ദൈ​വ​ത്തി​നേ അ​റി​യാ​വൂ എ​ന്നു ഗ്ര​ഹാം തു​ട​ർ​ന്നെ​ഴു​തി.
ഇ​ന്ന​ലെ ആ ​ഉ​ത്ത​രം കേ​ൾ​ക്കാ​നു​ള്ള സ​മ​യം എ​ത്തി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.