ഷി വീണ്ടും പ്രസിഡന്‍റ്; വാംഗ് വൈസ് പ്രസിഡന്‍റ്
Sunday, March 18, 2018 1:05 AM IST
ബെ​യ്ജിം​ഗ്: ഷി ​ചി​ൻ​പിം​ഗി​നെ ചൈ​ന​യു​ടെ പ്ര​സി​ഡ​ന്‍റാ​യി ചൈ​നീ​സ് പാ​ർ​ല​മെ​ന്‍റ് തെ​ര​ഞ്ഞെ​ടു​ത്തു. അ​ഞ്ചു വ​ർ​ഷം നീ​ളു​ന്ന ര​ണ്ടാ​മ​ത്തെ കാ​ലാ​വ​ധി​യി​ലേ​ക്കാ​ണു തെ​ര​ഞ്ഞെ​ടു​പ്പ്. ഒ​രാ​ഴ്ച മു​ന്പു പാ​സാ​ക്കി​യ ഭ​ര​ണ​ഘ​ട​നാ ​ഭേ​ദ​ഗ​തി വ​ഴി പ്ര​സി​ഡ​ന്‍റി​നും വൈ​സ് പ്ര​സി​ഡ​ന്‍റി​നും ര​ണ്ടു​ടേം എ​ന്ന വ്യ​വ​സ്ഥ നീ​ക്കി​യി​രു​ന്നു. അ​ത​നു​സ​രി​ച്ചു ഷി​ക്ക് ആ​ജീ​വ​നാ​ന്തം പ്ര​സി​ഡ​ന്‍റാ​യി തു​ട​രാം. പാ​ർ​ല​മെ​ന്‍റി​ലെ 2970 പേ​രും ഷി​ക്ക് വോ​ട്ട് ചെ​യ്തു.

ഷി​യു​ടെ വി​ശ്വ​സ്ത​ൻ വാം​ഗ് ചി​ഷാ​നെ വൈ​സ് പ്ര​സി​ഡ​ന്‍റാ​യും തെ​ര​ഞ്ഞെ​ടു​ത്തു. ക​മ്യൂ​ണി​സ്റ്റ് പാ​ർ​ട്ടി​യു​ടെ ഉ​ന്ന​തസ​മി​തി​ക​ളി​ലൊ​ന്നും അം​ഗ​മ​ല്ല വാം​ഗ്. 2012 മു​ത​ൽ പാ​ർ​ട്ടി പോ​ളി​റ്റ് ബ്യൂ​റോ സ്റ്റാ​ൻ​ഡിം​ഗ് ക​മ്മി​റ്റി​യി​ൽ അം​ഗ​മാ​യി​രു​ന്നു. ഒ​ക്‌​ടോ​ബ​റി​ൽ അ​തി​ൽ​നി​ന്നു മാ​റി​യി​രു​ന്നു. ഒ​ന്നി​നെ​തി​രേ 2969 വോ​ട്ടി​നാ​ണ് വാം​ഗി​നെ തെ​ര​ഞ്ഞെ​ടു​ത്ത​ത്.

പാ​ർ​ല​മെ​ന്‍റ് ചെ​യ​ർ​മാ​നാ​യി ഷി​യു​ടെ ഉ​റ്റ അ​നു​യാ​യി ലി ​ചാ​ൻ​ഷു​വി​നെ തെ​ര​ഞ്ഞെ​ടു​ത്തു.
പ്ര​സി​ഡ​ന്‍റ് പ​ദ​വി​ക്കു പു​റ​മേ കേ​ന്ദ്ര മി​ലിട്ട​റി ക​മ്മീ​ഷ​ൻ ചെ​യ​ർ​മാ​ൻ പ​ദ​വി​യി​ലേ​ക്കും ഷി​യെ തെ​ര​ഞ്ഞെ​ടു​ത്തു. ക​ഴി​ഞ്ഞ ഒ​ക്‌​ടോ​ബ​റി​ൽ ക​മ്യൂ​ണി​സ്റ്റ് പാ​ർ​ട്ടി ജ​ന​റ​ൽ സെ​ക്ര​ട്ട​റിപ​ദ​ത്തി​ലേ​ക്കു ര​ണ്ടാം വ​ട്ട​വും ഷി​യെ തെ​ര​ഞ്ഞെ​ടു​ത്തി​രു​ന്നു. 64 വ​യ​സു​ള്ള ഷി ​ഇ​ന്നു പു​തി​യ മ​ന്ത്രി​മാ​രെ​യും കേ​ന്ദ്ര ബാ​ങ്ക് ഗ​വ​ർ​ണ​റെ​യും പ്ര​ഖ്യാ​പി​ക്കും. പ്ര​ധാ​ന​മ​ന്ത്രി ലി ​കെ​ചി​യാം​ഗി​നു മാ​റ്റ​മു​ണ്ടാ​കി​ല്ല. എ​ന്നാ​ൽ ഒ​ട്ടു​മി​ക്ക മ​ന്ത്രി​മാ​ർ​ക്കും മാ​റ്റം പ്ര​തീ​ക്ഷി​ക്കാം.

ഇ​ന്ത്യ - ചൈ​ന ച​ർ​ച്ച​ക​ൾ​ക്കു​ള്ള പ്ര​ത്യേ​ക പ്ര​തി​നി​ധി​യും സ്റ്റേ​റ്റ് കൗ​ൺ​സി​ല​റു​മാ​യ യാം​ഗ് ജി​യേ​ചി പോ​ളി​റ്റ് ബ്യൂ​റോ​യി​ലേ​ക്ക് ഉ​യ​ർ​ത്ത​പ്പെ​ട്ടി​ട്ടു​ണ്ട്. യാം​ഗി​നു പ​ക​രം വി​ദേ​ശ​കാ​ര്യ​മ​ന്ത്രി വാം​ഗ് ചി ​സ്റ്റേ​റ്റ് കൗ​ൺ​സി​ല​റും പ്ര​ത്യേ​ക പ്ര​തി​നി​ധി​യു​മാ​കും.


എട്ടാമൻ, പക്ഷേ രണ്ടാമൻ

പ്ര​സി​ഡ​ന്‍റ് ഷി ​ചി​ൻ​പിം​ഗി​ന്‍റെ വ​ലംകൈ. ​അ​താ​ണു പു​തി​യ ചൈ​നീ​സ് വൈ​സ് പ്ര​സി​ഡ​ന്‍റ് വാം​ഗ് ചി​ഷാ​നെ​പ്പ​റ്റി​യു​ള്ള വി​ല​യി​രു​ത്ത​ൽ. ചി​ല​ർ ഷി​യു​ടെ ആ​രാ​ച്ചാ​രാ​യാ​ണ് ഈ ​പ​ഴ​യ ച​രി​ത്ര പ്ര​ഫ​സ​റെ കാ​ണു​ന്ന​ത്. ക​ഴി​ഞ്ഞ അ​ഞ്ചു​വ​ർ​ഷം വാം​ഗ്, ഷി​യു​ടെ ശ​ത്രു​ക്ക​ളെ ഒ​തു​ക്കി​യ​താ​ണ് ആ ​വി​ശേ​ഷ​ണ​ത്തി​നു​ കാ​ര​ണം. ര​ണ്ടു ജ​ന​റ​ൽ​മാ​ർ, പോ​ളി​റ്റ് ബ്യൂ​റോ സ്റ്റാ​ൻ​ഡിം​ഗ് ക​മ്മി​റ്റി​യി​ലെ ഒ​രു മു​ൻ അം​ഗം എ​ന്നി​വ​ർ തു​ട​ങ്ങി നൂ​റു​ക​ണ​ക്കി​ന് ഉ​ന്ന​ത​ർ അ​ഴി​മ​തി​യു​ടെ പേ​രി​ൽ പി​ടി​യി​ലാ​യി. ചി​ല​ർ ത​ട​വി​ൽ, മ​റ്റു​ ചി​ല​ർ പ​ദ​വി​ക​ൾ ന​ഷ്‌​ട​പ്പെ​ട്ട നി​ല​യി​ൽ.

ആ​ജീ​വ​നാ​ന്ത​ പ്ര​സി​ഡ​ന്‍റാ​യി തു​ട​രാ​നാ​ണു ശ​നി​യാ​ഴ്ച ചൈ​നീ​സ് പാ​ർ​ല​മെ​ന്‍റ് (നാ​ഷ​ണ​ൽ പീ​പ്പി​ൾ​സ് കോ​ൺ​ഗ്ര​സ്) ഷി​യെ വീ​ണ്ടും പ്ര​സി​ഡ​ന്‍റാ​യി തെ​ര​ഞ്ഞെ​ടു​ത്ത​ത്. ഒ​രാ​ഴ്ച മു​ന്പ് രാ​ജ്യ​ത്തി​ന്‍റെ ഭ​ര​ണ​ഘ​ട​ന ഭേ​ദ​ഗ​തി ചെ​യ്ത​പ്പോ​ൾ ഷി​ക്ക് എ​ത്ര കാ​ലാ​വ​ധി വേ​ണ​മെ​ങ്കി​ലും തു​ട​രാം എ​ന്നാ​യി.

ഉ​ന്ന​ത പ​ദ​വി​ക​ളി​ൽ 68 വ​യ​സി​ലെ റി​ട്ട​യ​ർ​മെ​ന്‍റ് എ​ന്ന വ്യ​വ​സ്ഥ ത​ള്ളി​ക്ക​ള​ഞ്ഞാ​ണു വാം​ഗി​നെ ഇ​ന്ന​ലെ വൈ​സ് പ്ര​സി​ഡ​ന്‍റാ​ക്കി​യ​ത്. ഇ​തു​വ​രെ അ​ല​ങ്കാ​രപ​ദ​വി​യാ​യി​രു​ന്നു വൈ​സ് പ്ര​സി​ഡ​ന്‍റി​ന്‍റേ​ത്. 69 വ​യ​സു​ള്ള വാം​ഗ് ഇ​രി​ക്കു​ന്ന​തോ​ടെ ആ ​പ​ദ​വി ശ​ക്ത​മാ​കും. ഷി​ക്ക് എ​ന്തെ​ങ്കി​ലും സം​ഭ​വി​ച്ചാ​ൽ പ്ര​സി​ഡ​ന്‍റ് സ്ഥാ​നം വാം​ഗി​നാ​കും.


ക​ഴി​ഞ്ഞ ഒ​ക്‌​ടോ​ബ​റി​ലാ​ണു പ്രാ​യനി​ബ​ന്ധ​ന​ വ​ച്ച് വാം​ഗിനെ പോ​ളി​റ്റ് ബ്യൂ​റോ സ്റ്റാ​ൻ​ഡിം​ഗ് ക​മ്മി​റ്റി​യി​ൽ​നി​ന്നു മാ​റി​യ​ത്. എ​ങ്കി​ലും, സു​പ്ര​ധാ​ന സ​മി​തി​ക​ളി​ലെ​ല്ലാം വാം​ഗ് പ​ങ്കെ​ടു​ത്തു പോ​ന്നു. ഇ​ന്ന​ലെ പു​തി​യ നേ​തൃ​നി​ര​യെ അ​വ​ത​രി​പ്പി​ച്ച​പ്പോ​ൾ എ​ട്ടാം സ്ഥാ​ന​ത്താ​യി വാം​ഗ്. ഷി​യും സ്റ്റാ​ൻ​ഡിം​ഗ് ക​മ്മി​റ്റി അം​ഗ​ങ്ങ​ളും ക​ഴി​ഞ്ഞു​ള്ള സ്ഥാ​നം.

വാം​ഗി​ന്‍റെ ഈ ​പ​ദ​വി​യി​ലെ പ്ര​ധാ​ന ചു​മ​ത​ല വി​ദേ​ശ​രാ​ജ്യ​ങ്ങ​ളു​മാ​യു​ള്ള സാ​ന്പ​ത്തി​ക -വാ​ണി​ജ്യ ബ​ന്ധ​ങ്ങ​ളാ​ണ്. അ​മേ​രി​ക്ക​യു​മാ​യാ​ണു കൂ​ടു​ത​ൽ ത​ർ​ക്ക​ങ്ങ​ൾ ഉ​ള്ള​ത്. കു​റേ​ക്കാ​ല​മാ​യി അ​മേ​രി​ക്ക​ൻ നേ​താ​ക്ക​ളു​മാ​യി ഇ​ട​പ​ഴ​കി​പ്പോ​രു​ന്ന വാം​ഗ് ഇ​നി കൂ​ടു​ത​ൽ ആ​ധി​കാ​രി​ക​മാ​യി അ​വ​രോ​ട് ഇ​ട​പെ​ടും. ചൈ​ന​യെ വ​ൻ ശ​ക്തി​യാ​യി അം​ഗീ​ക​രി​പ്പി​ക്കു​ക എ​ന്ന ല​ക്ഷ്യ​ത്തോ​ടെ​യാ​ണു ഷി​യും വാം​ഗും സാ​ന്പ​ത്തി​ക - വാ​ണി​ജ്യ ന​യ​ത​ന്ത്രം ന​ട​പ്പാ​ക്കു​ക.

വാം​ഗി​ന്‍റെ ഉ​യ​ർ​ച്ച സ്വ​ഭാ​വി​ക​മാ​യും പ്ര​ധാ​ന​മ​ന്ത്രി ലി​ കെ​ചിയാം​ഗി​ന്‍റെ പ്രാ​ധാ​ന്യം കു​റ​യ്ക്കും. ഷി​യു​മാ​യി പ​ല കാ​ര്യ​ങ്ങ​ളി​ലും യോ​ജി​പ്പി​ല്ലാ​ത്ത​യാ​ളാ​ണു ലി.

​സാം​സ്കാ​രി​ക വി​പ്ല​വകാ​ല​ത്ത് (1966-69) ബെ​യ്ജിം​ഗി​ൽ​നി​ന്നു ഷാ​ൻ​സി എ​ന്ന ദ​രി​ദ്ര പ്ര​വി​ശ്യ​യി​ലേ​ക്ക് അ​യ​യ്ക്ക​പ്പെ​ട്ട​വ​രാ​ണു ഷി​യും വാം​ഗും. അ​വി​ടെ തു​ട​ങ്ങി​യ സൗ​ഹൃ​ദം അ​ഞ്ചു​ ദ​ശ​കം പി​ന്നി​ട്ടി​ട്ടും തു​ട​രു​ന്നു. ഷി​യേ​ക്കാ​ൾ അ​ഞ്ചു​ വ​യ​സ് കൂ​ടു​ത​ലു​ള്ള വാം​ഗ് മു​ൻ ഒ​ന്നാം ഉ​പ​പ്ര​ധാ​ന​മ​ന്ത്രി യാ​വോ യി​ലി​ന്‍റെ മ​ക​ളു​ടെ ഭ​ർ​ത്താ​വാ​ണ്. ടി​യ​നാ​ൻ​മെ​ൻ കൂ​ട്ട​ക്കു​രു​തി​യെ ശ​ക്ത​മാ​യി ന്യാ​യീ​ക​രി​ച്ച​യാ​ളാ​ണു യാ​വോ. അ​തേ ക​ർ​ക്ക​ശ​നി​ല​പാ​ടാ​ണു വാം​ഗി​നു​മുള്ള​ത്.

ക​മ്യൂ​ണി​സ്റ്റ് പാ​ർ​ട്ടി പോ​ളി​റ്റ് ബ്യൂ​റോ​യി​ൽ അം​ഗ​മ​ല്ലാ​തെ​യാ​ണു വാം​ഗ് രാ​ജ്യ​ത്തി​ന്‍റെ വൈ​സ് പ്ര​സി​ഡ​ന്‍റാ​കു​ന്ന​ത്. 1990ക​ളു​ടെ തു​ട​ക്ക​ത്തി​ൽ റോം​ഗ്‌​ യി​റ​ൻ എ​ന്ന കോ​ടീ​ശ്വ​ര​നാ​യ വ്യ​വ​സാ​യി മാ​ത്ര​മേ ഉ​ന്ന​ത പാ​ർ​ട്ടി സ​മി​തി​ക​ളി​ൽ അംഗമല്ലാ​തെ വൈ​സ് പ്ര​സി​ഡ​ന്‍റാ​യി​ട്ടു​ള്ളൂ. 19-ാം നൂ​റ്റാ​ണ്ടി​ലെ ചൈ​നീ​സ് ച​രി​ത്രം പ​ഠി​ച്ച് പ്ര​ഫ​സ​റാ​യ വാം​ഗ് ചി​ഷാ​ൻ വൈ​സ് പ്ര​സി​ഡ​ന്‍റ് പ​ദ​വി​യി​ൽ പു​തി​യ ച​രി​ത്ര​മാ​കും കു​റി​ക്കു​ക.

സം​ഘാ​ട​നം, ധ​ന​കാ​ര്യ മാ​നേ​ജ്മെ​ന്‍റ്, ന​യ​ത​ന്ത്രം, പാ​ർ​ട്ടി അ​ച്ച​ട​ക്കം തു​ട​ങ്ങി​യ മേ​ഖ​ല​ക​ളി​ലെ​ല്ലാം പ്ര​വ​ർ​ത്തി​ച്ചു വി​ജ​യി​ച്ചി​ട്ടു​ള്ളയാളാ​ണു വാം​ഗ്. ബെ​യ്ജിം​ഗ് മേ​യ​ർ ആ​യി​രു​ന്ന​പ്പോ​ഴാ​ണ് 2008 ഒ​ളി​ന്പി​ക്സി​ന്‍റെ ഒ​രു​ക്ക​വും ന​ട​ത്തി​പ്പും. ഷാ​ങ്‌​ഹാ​യി​ലെ 2010 എ​ക്‌​സ്പോ വാം​ഗ് അ​വി​ടെ പാ​ർ​ട്ടി മേ​ധാ​വി ആ​യി​രു​ന്ന​പ്പോ​ഴാ​ണ്. 1997ലെ ​ഏ​ഷ്യ​ൻ ധ​ന​കാ​ര്യ പ്ര​തി​സ​ന്ധി​കാ​ല​ത്തു ചൈ​നീ​സ് ധ​ന​കാ​ര്യ മേ​ഖ​ല​യു​ടെ നി​യ​ന്ത്ര​ണ സ​മി​തി​യി​ൽ വാം​ഗ് ഉ​ണ്ടാ​യി​രു​ന്നു.

കീ​ഴ്‌​വ​ഴ​ക്ക​ങ്ങ​ൾ മാ​റ്റി​മ​റി​ക്കു​ന്ന ഷി​യു​ടെ വൈ​സ് പ്ര​സി​ഡ​ന്‍റ് ആ​യ​തോ​ടെ വാം​ഗി​ന്‍റെ പ്ര​വ​ർ​ത്ത​ന​മേ​ഖ​ല​കൾ ഏ​തെ​ന്നു വ്യ​ക്ത​മാ​യി​ട്ടി​ല്ല. ഉ​റ​പ്പാ​യ കാ​ര്യ​ങ്ങ​ൾ ര​ണ്ടാ​ണ്. ഒ​ന്ന്: പ്ര​ധാ​ന​മ​ന്ത്രി ലി​ കെ​ചിം​യാ​ഗി​ന്‍റെ പ്രാ​ധാ​ന്യം കു​റ​യും. ര​ണ്ട്: അ​മേ​രി​ക്ക​യു​മാ​യു​ള്ള ബ​ന്ധം കൈ​കാ​ര്യം ചെ​യ്യു​ന്ന​തി​ൽ വാം​ഗി​നാ​കും കൂ​ടു​ത​ൽ പ​ങ്ക്.