Business News
ആഗോളതലത്തില്‍ രൂപ പരുങ്ങലില്‍
ആഗോളതലത്തില്‍ രൂപ പരുങ്ങലില്‍
Monday, November 19, 2012 10:32 PM IST
ന്യൂഡല്‍ഹി: കഴിഞ്ഞ ഒരുമാസത്തിനിടെ ആഗോളതലത്തില്‍ യുഎസ് ഡോളറിനെതിരെ വിനിമയ മൂല്യത്തില്‍ ഏറ്റവും പരുങ്ങലിലായത് ഇന്ത്യന്‍ രൂപയായിരുന്നു. ഡോളറിനെതിരെ 55 എന്ന നിലവാരത്തിലും താഴെ പോകുകയുണ്ടായി.

30 ദിവസം മുമ്പ് രൂപയുടെ വിനിമയ മൂല്യം 52.88 ആയിരുന്നത് കഴിഞ്ഞ വെള്ളിയാഴ്ച 55.16ലെത്തി. വിനിമയ മൂല്യത്തില്‍ രൂപ 4.2 ശതമാനത്തിന്റെ ഇടിവാണ് രേഖപ്പെടുത്തിയത്. ഏഷ്യ, അമേരിക്ക, യൂറോപ്പ്, മിഡില്‍ ഈസ്റ്, ആഫ്രിക്ക എന്നിവിടങ്ങളിലെ കറന്‍സികളുമായി താരതമ്യം ചെയ്യുമ്പോള്‍ ഡോളറിനെതിരെ വിനിമയ മൂല്യം കഴിഞ്ഞ മാസം ഏറ്റവും പരുങ്ങലിലായത് ഇന്ത്യന്‍ രൂപയ്ക്കാണ്. കഴിഞ്ഞ ജൂണ്‍ 22നാണ് രൂപ എക്കാലത്തെയും താഴ്ന്ന മൂല്യമായ 57.12ലെത്തിയത്. ഫെബ്രുവരിയില്‍ കരുത്താര്‍ ജിച്ച് 49ലുമെത്തിയിരുന്നു.


രാജ്യത്ത് കയറ്റുമതി, ഇറക്കുമതി, ധനക്കമ്മി എന്നിവ തൃപ്തികരമല്ലാത്ത കണക്കുകള്‍ പുറത്തുവിട്ടതും വിദേശ നിക്ഷേപകര്‍ ഓഹരിവിപണിയില്‍ നിന്നു പിന്‍വാങ്ങിയതുമാണ് രൂപയുടെ വിനിമയമൂല്യം ഇടിയാന്‍ കാരണമായതെന്ന് സാമ്പത്തികവിദഗ്ധര്‍ ചൂണ്ടിക്കാട്ടുന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.