ഷ്വാസ് ഹോംസ് ഗസ്റ്റ് ഹൌസിന്റെ താക്കോല്‍ കൈമാറി
കൊച്ചി: കൊച്ചിയിലെ ഷ്വാസ് ഹോംസ് പ്രൈവറ്റ് ലിമിറ്റഡ് തൃപ്പൂണിത്തുറ പുതിയകാവില്‍ നിര്‍മിച്ച ഒമ്പതാമത് റസിഡന്‍ഷ്യല്‍ പ്രോജക്ട് ഗസ്റ്ഹൌസിന്റെ താക്കോല്‍ കൈമാറ്റം നടന്നു. ജിസിഡിഎ ചെയര്‍മാന്‍ എന്‍.വേണുഗോപാല്‍ താക്കോല്‍കൈമാറ്റവും ഉദ്ഘാടനവും നിര്‍വഹിച്ചു. ചോറ്റാനിക്കര പഞ്ചായത്ത് പ്രസിഡന്റ് എം.എ ജോണ്‍, യുണൈറ്റഡ് ഇന്ത്യ ഇന്‍ഷ്വറന്‍സ് ഡയറക്ടര്‍ അഡ്വ.ത്രിവിക്രമന്‍ തമ്പി, തൃപ്പൂണിത്തുറ നഗരസഭാ പ്രതിപക്ഷ നേതാവ് സി.എന്‍ സുന്ദരന്‍ എന്നിവര്‍ ചടങ്ങില്‍ പങ്കെടുത്തു.

ഫ്ളാറ്റ് ഉടമകളും മറ്റു പ്രമുഖരും പങ്കെടുത്ത ചടങ്ങില്‍ വിവിധ കലാപരിപാടികളും അത്താഴവിരുന്നും ഉണ്ടായിരുന്നു. പ്രവര്‍ത്തനത്തിന്റെ എട്ടാംവര്‍ഷം പൂര്‍ത്തിയാക്കുന്ന ഷ്വാസ് ഗ്രൂപ്പ് 20 ഓളം പ്രോജക്ടുകളാണ് നടപ്പാക്കിവരുന്നത്. ഒരുവര്‍ഷം ഒരു പ്രോജക്ടെങ്കിലും പൂര്‍ത്തിയാക്കുകയാണ് കമ്പനിയുടെ ലക്ഷ്യം.


ഷ്വാസ് ഹോംസിന്റെ അഭിമാന പ്രോജക്ടായ വാട്ടര്‍ഫണ്ട് ടൌണ്‍ഷിപ്പ് അക്വാസിറ്റിയുടെ ഒന്നാംഘട്ടം പുതുവര്‍ഷത്തിന്റെ ആരംഭത്തില്‍ കൈമാറ്റം ചെയ്യാനുള്ള തയാറെടുപ്പുകള്‍ ദ്രുതഗതിയില്‍ നടക്കുകയാണെന്നും അധികൃതര്‍ അറിയിച്ചു.