ബാങ്ക് നിക്ഷേപകരുടെ വിവരം സ്വിസ് സര്‍ക്കാര്‍ അടുത്തമാസം പുറത്തുവിടും
ഡാവോസ്: ഇന്ത്യ ഉള്‍പ്പെടെ വിവിധ രാജ്യങ്ങളിലെ പൌരന്‍മാര്‍ക്ക് തങ്ങളുടെ ബാങ്കുകളിലുള്ള നിക്ഷേപത്തിന്റെ വിവരം അടുത്തമാസം പുറത്തുവിടുമെന്നു സ്വിറ്റ്സര്‍ലന്‍ഡ് അറിയിച്ചു.

വ്യക്തിപരമായ വിവരങ്ങള്‍ ഒഴിവാക്കി ഒരു സംഘം ആളുകളുടെ അക്കൌണ്ട് വിവരങ്ങളായിരിക്കും പുറത്തുവിടുക. ഈ നടപടി നേരത്തെ വിവിധ രാജ്യങ്ങള്‍ ആവശ്യപ്പെട്ടതിനു പുറമെ സ്വിസ് അധികൃതര്‍ സ്വയം ചെയ്യുന്നതാണ്. ഇതു സംബന്ധിച്ച് പുതിയ നികുതി ഭരണസഹായ നിയമം അടുത്തമാസം ഒന്നിനു നടപ്പിലാക്കും.

ഇക്കാര്യത്തിലുള്ള പ്രമേയം സ്വിസ് ഫെഡറല്‍ കൌണ്‍സില്‍ പാസാക്കിയിട്ടുണ്െടന്നു ധനമന്ത്രാലയം വ്യക്തമാക്കി. സ്വിസ് ബാങ്കുകളുടെ ഇരുമ്പുമറയ്ക്കുള്ളിലുള്ള നിക്ഷേപങ്ങളുടെ വിവരങ്ങള്‍ പുറത്തുവിടണമെന്ന് കഴിഞ്ഞ രണ്ടുവര്‍ഷമായി വിവിധ രാജ്യങ്ങള്‍ അവിടത്തെ സര്‍ക്കാരിനോടാവശ്യപ്പെട്ടുവരികയാണ്. കോടിക്കണക്കിനു രൂപയുടെ അനധികൃത പണം ഈ ബാങ്കുകളില്‍ നിക്ഷേപമായി കുമിഞ്ഞുകൂടിയിട്ടുണ്െടന്നു കണക്കാക്കുന്നു.


എന്നാല്‍ കക്ഷികളുടെ വിവരങ്ങള്‍ രഹസ്യമായി സൂക്ഷിക്കുക എന്നത് സ്വിസ് ബാങ്കുകളുടെ മാത്രം പ്രത്യേകതയാണ്. നികുതി കരാറുകളുമായി ബന്ധപ്പെട്ട വിവരങ്ങള്‍ നല്‍കി മറ്റു രാജ്യങ്ങളെ സഹായിക്കുന്നതിനൊപ്പം നിക്ഷേപകരുടെ വ്യക്തിഗതമായ കാര്യങ്ങള്‍ രഹസ്യമാക്കി വയ്ക്കും. അന്താരാഷ്ട്ര നിലവാരത്തിന് അനുസരിച്ച് തയാറാക്കിയതാണ് ടാക്സ് അഡ്മിനിസ്ട്രേറ്റീവ് ആക്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.