ഫോക്സ്വാഗന്‍ പോളോ, വെന്റോ വില കൂട്ടി
ന്യൂഡല്‍ഹി: ഫോക്സ്വാഗന്‍ കമ്പനി അവരുടെ ജനപ്രിയ കാറുകളായ പോളോ, വെന്റോ എന്നിവയുടെ വില 2.27% വര്‍ധിപ്പിച്ചു. ഇതനുസരിച്ച് പോളോയ്ക്ക് 4.92 ലക്ഷം രൂപയും 7.08 ലക്ഷം രൂപയുമാണു പുതിയ വില.

വെന്റോയ്ക്ക് 7.32 ലക്ഷം മുതല്‍ 9.96 ലക്ഷം രൂപവരെയാണ് ഡല്‍ഹി എക്സ്ഷോറൂം വില.രണ്ടു വേര്‍ഷനുകളിലും അധികമായി ചേര്‍ത്ത സൌകര്യങ്ങളുടെ പേരിലാണു വില വര്‍ധന.ഏറ്റവും ആധുനിക മ്യൂസിക് സിസ്റം, ബ്ളൂടൂത്ത്, യുഎസ്ബി, കാലാവസ്ഥയോടു പ്രതികരിക്കുന്ന എയര്‍കണ്ടീഷണര്‍ തുടങ്ങിയവ ഇതിന്റെ ഭാഗമാണ്.