ടൂണ്‍സ് ആനിമേഷനും ഫ്രണ്ട്സ് ഓഫ് ബാര്‍ക്ക് ബഡീസും കൈകോര്‍ക്കുന്നു
തിരുവനന്തപുരം: തിരുവനന്തപുരം ടെക്നോപാര്‍ക്ക് ആസ്ഥാനമായി പ്രവര്‍ത്തിക്കുന്ന ടൂണ്‍സ് ആനിമേഷനും ലോസ് ആഞ്ചലസ് ആസ്ഥാനമായ ഫ്രണ്ട്സ് ഓഫ് ബാര്‍ക്ക് ബഡീസും, കുട്ടികള്‍ക്കായി "ബാര്‍ക്ക് ബഡീസ്'' എന്ന പേരില്‍ ഒരു 3ഡി ആനിമേഷന്‍ സീരീസിന്റെ വികസനം, നിര്‍മാണം, വിതരണത്തിനായി കരാറില്‍ ഒപ്പുവച്ചു.

പ്രകൃതി സ്നേഹിയായ കോണ്‍സ്റന്‍സ് നെല്‍സണ്‍ വികസിപ്പിച്ചെടുത്ത ബാര്‍ക്ക് ബഡീസ് കുട്ടികള്‍ക്ക് പുറംലോകത്തെയും പ്രകൃതിയെക്കുറിച്ചും ബോധവല്‍ക്കരിക്കുകയും ആരോഗ്യപരമല്ലാത്ത ജീവിത സാഹചര്യങ്ങളിലും വൃത്തിഹീനമായ ചുറ്റുപാടുകളില്‍ നിന്നും പിന്തിരിപ്പിക്കുകയും ചെയ്യുന്നു. ബാര്‍ക്ക് ബഡീസ് വെറുമൊരു ടി.വി. ആനിമേഷന്‍ സീരീസ് മാത്രമല്ല, അത് കുട്ടികളും പ്രകൃതിയും തമ്മിലുള്ള ഒരു ഒത്തുചേരലും കുട്ടികള്‍ക്ക് പ്രകൃതിയില്‍ നിന്നും നേരിട്ട് കൂടുതല്‍ പാഠങ്ങള്‍ രസകരമായ രീതിയില്‍ പഠിക്കാനും ഉള്ള ഒന്നാണെന്ന് ടൂണ്‍സ് ആനിമേഷന്‍ ചീഫ് എക്സിക്യൂട്ടീവ് ഓഫീസര്‍ പി. ജയകുമാര്‍ പറഞ്ഞു.


ഇതിനോടകം തന്നെ ഇതിലെ കഥാപാത്രം മാക് ഡൊണാള്‍ഡ്സ്, വാള്‍മാര്‍ട്ട് സ്റോറുകളിലും ക്ളാസ്സ് മുറികളിലും ചലനം സൃഷ്ടിച്ചുതുടങ്ങിയിരിക്കുന്നതിനാല്‍ ഇതിന്റെ സീരിസ് ബുക്ക് രൂപത്തിലും ഗെയിംസായും ഇറക്കുമെന്ന് കമ്പനി അധികൃതര്‍ അറിയിച്ചു.