ഇറക്കുമതിച്ചുങ്കം ഉയര്‍ത്തുമെന്ന് ആശങ്ക; സ്വര്‍ണത്തിന് ഡിമാന്‍ഡ് ഉയര്‍ന്നു
മുംബൈ: ഇറക്കുമതിച്ചുങ്കം ഉയര്‍ത്തുമെന്ന ആശങ്കയില്‍ രാജ്യത്ത് സ്വര്‍ണത്തിന് ഡിമാന്‍ഡ് വര്‍ധിക്കുന്നു. ഇന്ന് അവതരിപ്പിക്കുന്ന കേന്ദ്രബജറ്റില്‍ ചുങ്കം ഉയര്‍ത്തിയേക്കുമെന്ന അഭ്യൂഹത്തെത്തുടര്‍ന്ന് ഇന്നലെ വന്‍ഡിമാന്‍ഡായിരുന്നു.

കറന്റ് അക്കൌണ്ടു കമ്മിയുടെ വര്‍ധനയ്ക്ക് തടയിടുക എന്ന ലക്ഷ്യത്തോടെ സ്വര്‍ണത്തിന്റെ ഇറക്കുമതി താഴ്ത്താന്‍ നടപടി ഉണ്ടായേക്കും. കഴിഞ്ഞ മാസം 21ന് ചുങ്കം നാലു ശതമാനത്തില്‍ നിന്ന് ആറുശതമാനമാക്കിയിരുന്നു. സര്‍ക്കാര്‍ നയത്തില്‍ സ്വര്‍ണ വ്യാപാരികള്‍ ആശങ്കാകുലരാണ്. ഒന്നുകില്‍ ഉയര്‍ന്ന ചുങ്കം അല്ലെങ്കില്‍ ഇറക്കുമതിക്ക് നിയന്ത്രണം ഏതെങ്കിലും ഉണ്ടാകുമെന്ന്് അവര്‍ പ്രതീക്ഷിക്കുന്നു.


സ്വര്‍ണം ഇറക്കുമതിക്കു കൂടുതല്‍ നിയന്ത്രണം കൊണ്ടുവരുന്ന കാര്യം ധനമന്ത്രിയുമായി ചര്‍ച്ച നടത്തിയെന്നു വാണിജ്യമന്ത്രി ആനന്ദ് ശര്‍മ കഴിഞ്ഞ ആഴ്ച അറിയിക്കുകയും ചെയ്തിരുന്നു.