മാരുതി സുസുകി ഇഗ്‌നിസ് പുറത്തിറങ്ങി : Deepika.com Business News |

Click here for detailed news of all items

മാരുതി സുസുകി ഇഗ്‌നിസ് പുറത്തിറങ്ങി

Friday, January 13, 2017 2:03 PM IST

ന്യൂഡൽഹി: മാരുതി സുസുകി ഇന്ത്യ പുതിയ ഹാച്ച്ബാക്ക് മോഡലായ ഇഗ്‌നിസിനെ വിപണിയിൽ അവതരിപ്പിച്ചു. സിഗ്‌മ, ഡെൽറ്റ, സീറ്റ, ആൽഫ എന്നീ വേരിയന്‍റുകളിൽ ഇറങ്ങുന്ന ഇഗ്‌നിസിന് 4.59 ലക്ഷം രൂപ (എക്സ് ഷോറൂം ഡൽഹി) മുതലാണ് വില. 1.2 ലിറ്റർ പെട്രോൾ, 1.3 ലിറ്റർ ഡീസൽ എൻജിനുകളിൽ പുറത്തിറങ്ങുന്ന ഇഗ്‌നിസ് 5 സ്പീഡ് മാന്വൽ ഗിയർബോക്സിലും സീറ്റാ, ഡെൽറ്റാ വേരിയന്‍റുകളിൽ ഓട്ടോമാറ്റിക് ഗിയർബോക്സിലും ലഭ്യമാണ്. പെട്രോളിന് 20.89 കിലോമീറ്ററും ഡീസലിന് 26.80 കിലോമീറ്ററുമാണ് കമ്പനി വാഗ്ദാനം ചെയ്യുന്ന മൈലേജ്.

എൽഇഡി പ്രോജക്റ്റഡ് ഹെഡ്‌ലൈറ്റ്, ഡുവൽ ടോൺ എക്സ്റ്റീരിയർ പെയിന്‍റ് ഷേഡ്, 15 ഇഞ്ച് ബ്ലാക്ക് അലോയി വീലുകൾ, സ്മാർട്ട് പ്ലേ ടച്ച് സ്ക്രീൻ ഇൻഫോടെയ്ൻമെന്‍റ് സിസ്റ്റം, ഡുവൽ എയർബാഗ്, ആന്‍റി ലോക് ബ്രേക്കിംഗ് സിസ്റ്റം (എബിഎസ്) തുടങ്ങിയവ തുടങ്ങിയവ ഇഗ്‌നിസിൽ നല്കിയിട്ടുണ്ട്. വേരിയന്‍റ് അനുസരിച്ച് മാറ്റമുണ്ടാകും.

വിറ്റാര ബ്രസയ്ക്കു സമാനമായ ഡുവൽ ടോൺ കളർ സീറ്റ, ആൽഫ വേരിയന്‍റുകൾക്കു മാത്രമാണ് നല്കിയിട്ടുള്ളത്. അപ്ടൗൺ റെഡ്-മിഡ്‌ലൈറ്റ് ബ്ലാക്ക്, ടിൻസെൽ ബ്ലൂ-മിഡ്നൈറ്റ് ബ്ലാക്ക്, ടിൻസെൽ ബ്ലൂ-പേൾ ആർക്ടിക് വൈറ്റ് എന്നി കോംപിനേഷനുകളാണ് ഡുവൽ ടോണിനുള്ളത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.