കാത്തലിക് സിറിയൻ ബാങ്ക് പ്രീമിയം റുപേ കാർഡ് പുറത്തിറക്കി : Deepika.com Business News |

Click here for detailed news of all items

കാത്തലിക് സിറിയൻ ബാങ്ക് പ്രീമിയം റുപേ കാർഡ് പുറത്തിറക്കി

Saturday, April 15, 2017 10:28 AM IST

തൃശൂർ: കാത്തലിക് സിറിയൻ ബാങ്ക്(സിഎസ്ബി) പ്രീമിയം റുപേ കാർഡിന്‍റെ ആദ്യ വിതരണം വളപ്പില കമ്യൂണിക്കേഷൻ മാനേജിംഗ് ഡയറക്ടർ ജയിംസ് വളപ്പിലയ്ക്ക് നൽകി കാത്തലിക് സിറിയൻ ബാങ്ക് എംഡി‍യും സിഇഒയുമായ സി.വി.ആർ. രാജേന്ദ്രൻ നിർവഹിച്ചു. സിഎസ്ബിയുടെ ജനറൽ മാനേജരും ഓപ്പറേഷണൽ തലവനുമായ ജിസ് പി. കൊട്ടുകാപ്പള്ളി അധ്യക്ഷത വഹിച്ചു. ബാങ്കിന്‍റെ സ്ട്രാറ്റജി വിഭാഗം മേധാവി ശേഖർ റാവു റുപേ കാർഡിന്‍റെ നേട്ടങ്ങളും സവിശേഷതകളും സംബന്ധിച്ച് വിശദീകരിച്ചു.

കാർഡ് ഉടമയ്ക്ക് അപകടങ്ങൾ സംഭവിച്ചാൽ രണ്ടുലക്ഷം രൂപ വരെ ഇൻഷ്വറൻസ് പരിരക്ഷ ലഭിക്കും. 500ൽ പരം അന്താരാഷ്ട്ര വിമാനത്താവളങ്ങളിൽ പ്രത്യേകമായ ലോഞ്ച് സംവിധാനം സൗജന്യമായി ഉപയോഗിക്കുവാനും സാധിക്കും. അംഗീകൃത വ്യവസായ സ്ഥാപനങ്ങളിൽ പ്രത്യേക ഡിസ്കൗണ്ടുകളും മറ്റ് ആനുകൂല്യങ്ങളും സിഎസ്ബി റുപേ കാർഡ് ഉപയോഗിച്ച് ലഭ്യമാകും.

ബാങ്കിന്‍റെ സിഎഫ്ഒ പി.വി. ആന്‍റണി, എച്ച്ആർ വിഭാഗം മേധാവി മോഹൻ മേനോൻ ടി., ബാങ്കിന്‍റെ എക്സിക്യൂട്ടീവുകൾ എന്നിവർ സന്നിഹിതരായിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.