സേവിംഗ്സ് പിൻവലിക്കാൻ ചാർജില്ലെന്ന് എസ്ബിഐ : Deepika.com Business News |

Click here for detailed news of all items

സേവിംഗ്സ് പിൻവലിക്കാൻ ചാർജില്ലെന്ന് എസ്ബിഐ

Monday, October 2, 2017 12:01 PM IST

മുംബൈ: മിനിമം ബാലൻസ് സന്പ്രദായം പരിഷ്കരിച്ചതിനു പിന്നാലെ സേവിംഗ്സ് അക്കൗണ്ടുകൾ പിൻവലിക്കുന്നതിനുള്ള ക്ലോസിംഗ് ചാർജും ജിഎസ്ടിയും സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) പിൻവലിച്ചു. ഈ മാസം ഒന്നു മുതൽ പുതിയ രീതി പ്രാബല്യത്തിൽ വന്നതായി എസ്ബിഐ വാർത്താക്കുറിപ്പിൽ അറിയിച്ചു. ചുരുങ്ങിയത് ഒരു വർഷം പഴക്കമുള്ള അക്കൗണ്ടുകൾക്കും അക്കൗണ്ട് തുടങ്ങി 14 ദിവസത്തിനുള്ളിൽ പിൻവലിക്കുന്നവർക്കും മാത്രമാണ് ഈ ഒഴിവു ലഭിക്കുക. എന്നാൽ, ഒരു വർഷത്തിൽ താഴെ പഴക്കമുള്ള സേവിംഗ്സ് പിൻവലിക്കാൻ ക്ലോസിംഗ് ചാർജും ജിഎസ്ടിയും നല്കണം.

നേരത്തെ സേവിംഗ്സ് അക്കൗണ്ട് പിൻവലിക്കുന്നതിന് ഇടപാടുകാരിൽനിന്ന് 500 രൂപയും 18 ശതമാനം ജിഎസ്ടിയും എസ്ബിഐ ഈടാക്കിയിരുന്നു. ഉപയോക്തൃസൗഹൃദ നടപടികൾ സ്വീകരിക്കുന്നതിന്‍റെ ഭാഗമായാണ് എസ്ബിഐയുടെ ഈ മനംമാറ്റം.
അക്കൗണ്ടുകളിൽ മിനിമം ബാലൻസ് സൂക്ഷിച്ചില്ലെങ്കിൽ പിഴ ഈടാക്കിയിരുന്ന രീതി കഴിഞ്ഞയാഴ്ചയാണ് എസ്ബിഐ പുനഃക്രമീകരിച്ചത്. ഇനി മുതൽ മെട്രോ സിറ്റികളിൽ 5000 രൂപയ്ക്കു പകരം 3000 രൂപ മിനിമം ബാലൻസ് അക്കൗണ്ടിൽ സൂക്ഷിച്ചാൽ മതി. പുതിയ മിനിമം ബാലൻസ് നിയമവും ഈ മാസം ഒന്നു മുതൽ പ്രാബല്യത്തിലായി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.