Business News
കാലവർഷം ശക്തി പ്രാപിക്കുന്നു, കാർഷികമേഖല ക്ഷയിക്കുന്നു
കാലവർഷം ശക്തി പ്രാപിക്കുന്നു, കാർഷികമേഖല ക്ഷയിക്കുന്നു
Monday, June 11, 2018 1:01 AM IST
വിപണി വിശേഷം / കെ.ബി. ഉദയഭാനു

ഷീ​റ്റി​ന്‍റെ വി​ല​യി​ടി​വ് ക​ർ​ഷ​ക​രെ ടാ​പ്പിം​ഗി​ൽ​നി​ന്നു പി​ന്തി​രി​പ്പി​ക്കു​ന്നു, കാ​ലാ​വ​സ്ഥ പ്ര​യോ​ജ​ന​പ്പെ​ടു​ത്താ​നാ​വാ​തെ തോ​ട്ടം​മേ​ഖ​ല പ്ര​തി​സ​ന്ധി​യി​ൽ. കാ​ല​വ​ർ​ഷ​ത്തി​നി​ട​യി​ലും നാ​ളി​കേ​രോ​ത്പ​ന്ന​ങ്ങ​ൾ​ക്കു തി​രി​ച്ച​ടി. ഏ​ല​ക്ക ലേ​ല​ത്തി​ന് ഇ​റ​ക്കാ​ൻ ഉ​ത്പാ​ദ​ക​ർ ഉ​ത്സാ​ഹി​ച്ചു. ആ​ഭ്യ​ന്ത​ര വി​ദേ​ശ ഡി​മാ​ൻ​ഡ് മ​ങ്ങി​യ​ത് കു​രു​മു​ള​കി​നെ വീ​ണ്ടും ത​ള​ർ​ത്തി. സ്വ​ർ​ണം മി​ക​വി​നു ശ്ര​മം തു​ട​ങ്ങി.

റ​ബ​ർ

ടാ​പ്പിം​ഗി​ന് അ​നു​കൂ​ല കാ​ലാ​വ​സ്ഥ​യെ​ങ്കി​ലും ഒ​ട്ടു​മി​ക്ക തോ​ട്ട​ങ്ങ​ളി​ലും ഉ​ത്പാ​ദ​ക​ർ റ​ബ​ർ വെ​ട്ടി​ന് ഇ​നി​യും ഉ​ത്സാ​ഹം കാ​ണി​ച്ചി​ല്ല. ഷീ​റ്റി​ന്‍റെ​യും ലാ​റ്റ​ക്സി​ന്‍റെ​യും വി​ല​ത്ത​ക​ർ​ച്ച​യാ​ണ് ടാ​പ്പിം​ഗി​ൽ​നി​ന്നുപി​ന്തി​രി​പ്പി​ച്ച​ത്. വ്യ​വ​സാ​യി​ക​ൾ താ​ഴ്ന്ന നി​ര​ക്കി​ൽ ച​ര​ക്ക് ശേ​ഖ​രി​ക്കാ​ൻ പ​ല അ​വ​സ​ര​ത്തി​ലും ശ്ര​മി​ച്ചു. ഷീ​റ്റ് ക്ഷാ​മം രൂ​ക്ഷ​മാ​ണെ​ങ്കി​ലും ട​യ​ർ ക​ന്പ​നി​ക​ളും ചെ​റു​കി​ട വ്യ​വ​സാ​യി​ക​ളും നി​ര​ക്ക് താ​ഴ്ത്തി ക്വ​ട്ടേ​ഷ​നി​റ​ക്കി. ട​യ​ർ നി​ർ​മാ​താ​ക്ക​ൾ നാ​ലാം ഗ്രേ​ഡി​ന്‍റെ വി​ല 12,550 ലേ​ക്ക് താ​ഴ്ത്തി. അ​ഞ്ചാം ഗ്രേ​ഡ് റ​ബ​ർ 12,300 രൂ​പ​യി​ലാ​ണ്. ടാ​പ്പിം​ഗ് രം​ഗ​ത്തെ മാ​ന്ദ്യം മൂ​ലം വ്യ​വ​സാ​യി​ക​ൾ ലാ​റ്റ​ക്സി​ന് പ​ര​ക്കം പ​ായു​ന്നു​ണ്ട്. എ​ന്നാ​ൽ, അ​വ​ർ 8600ൽ ​കൂ​ടി​യ വി​ല നല്കാ​ൻ ത​യാ​റാ​യി​ല്ല. മ​ഴ ക​ന​ക്കു​ന്ന സാ​ഹ​ച​ര്യ​ത്തി​ൽ ഈയാ​ഴ്ച ഉ​ത്പാ​ദ​ക​ർ തോ​ട്ട​ങ്ങ​ളി​ൽ​നി​ന്ന് അ​ക​ന്നു​നി​ൽ​ക്കും.

അ​ന്താ​രാ​ഷ്‌​ട്ര റ​ബ​ർ മാ​ർ​ക്ക​റ്റ് അ​ല്പം ത​ള​ർ​ച്ച​യി​ലാ​ണ്. ചൈ​നീ​സ് ട​യ​റി​ന് അ​മേ​രി​ക്ക ഉ​യ​ർ​ന്ന ഡ്യൂ​ട്ടി ഏ​ർ​പ്പെ​ടു​ത്താ​നു​ള്ള നീ​ക്ക​ങ്ങ​ൾ ക​യ​റ്റു​മ​തി​യെ ബാ​ധി​ക്കു​മെ​ന്ന ആ​ശ​ങ്ക​യി​ലാ​ണ് വ്യ​വ​സാ​യി​ക​ൾ. യെ​ൻ-​ഡോ​ള​ർ വി​നി​മ​യ​നി​ര​ക്കി​ലെ ചാ​ഞ്ചാ​ട്ടം ടോ​ക്കോ​മി​ൽ ഓ​പ്പ​റേ​റ്റ​ർ​മാ​രെ ലാ​ഭ​മെ​ടു​പ്പി​നു പ്രേ​രി​പ്പി​ച്ചു. വി​ദേ​ശ​ത്തെ ത​ള​ർ​ച്ച ഇ​ന്ത്യ​ൻ അ​വ​ധി​വ്യാ​പാ​ര​ത്തി​ലും റ​ബ​റി​ൽ സ​മ്മ​ർ​ദ​മു​ള​വാ​ക്കി.

നാ​ളി​കേ​രം

സം​സ്ഥാ​ന​ത്ത് മ​ണ്‍സൂ​ണ്‍ സ​ജീ​വ​മാ​യെ​ങ്കി​ലും ഉ​ത്പാ​ദ​ക​രു​ടെ പ്ര​തീ​ക്ഷ​യ്ക്കൊ​ത്ത് കൊ​പ്ര​വി​ല ഉ​യ​ർ​ന്നി​ല്ല. കാ​ല​വ​ർ​ഷം കൊ​പ്ര സം​സ്ക​ര​ണം ത​ട​സ​പ്പെ​ടു​ത്തു​മെ​ന്ന​തി​നാ​ൽ ഉ​യ​ർ​ന്ന വി​ല​യ്ക്ക് ഉ​ത്പ​ന്നം കൈ​മ​റാ​നാ​വു​മെ​ന്ന നി​ഗ​മ​ന​ത്തി​ലാ​ണ് കാ​ർ​ഷി​ക​മേ​ഖ​ല. ഇ​തി​നി​ടെ മി​ല്ലു​കാ​രു​ടെ ക​ണ​ക്കു​കൂ​ട്ട​ലി​നൊ​പ്പം വെ​ളി​ച്ചെ​ണ്ണ​യ്ക്ക് ലോ​ക്ക​ൽ ഡി​മാ​ൻ​ഡ് ഉ​യ​രാ​ഞ്ഞ​ത് സ്റ്റോ​ക്ക് വി​റ്റ​ഴി​ക്കാ​ൻ മി​ല്ലു​ക​ളെ പ്രേ​രി​പ്പി​ച്ചു. ത​മി​ഴ്നാ​ട്ടി​ൽ ഉ​ട​ലെ​ടു​ത്ത വി​ല്പ​ന​സ​മ്മ​ർ​ദ​ത്തെ​ത്തു​ട​ർ​ന്ന് ര​ണ്ടാ​ഴ്ച​യ്ക്കി​ടെ എ​ണ്ണ​വി​ല 1000 രൂ​പ ഇ​ടി​ഞ്ഞു. പോ​യ​വാ​രം 500 രൂ​പ താ​ഴ്ന്ന് വെ​ളി​ച്ചെ​ണ്ണ​വി​ല 16,900 രൂ​പ​യാ​യി.


വി​പ​ണി​യി​ലെ ത​ള​ർ​ച്ച മു​ൻ നി​ർ​ത്തി മി​ല്ലു​കാ​ർ കൊ​പ്ര ​സം​ഭ​ര​ണം നി​യ​ന്ത്രി​ച്ച​ത് ഉ​ത്പാ​ദ​ക​രെ അ​ല്പം പ​രി​ഭ്രാ​ന്ത​രാ​ക്കി. കൊ​ച്ചി​യി​ൽ കൊ​പ്ര 11,925 രൂ​പ​യി​ൽ​നി​ന്ന് 11,605 രൂ​പ​യാ​യി. പെ​രു​ന്നാ​ൾ അ​ടു​ത്ത​തി​നാ​ൽ ഈ ​വാ​രം എ​ണ്ണ​വി​ല്പ​ന പ​തി​വി​ലും ഉ​യ​രു​മെ​ന്ന നി​ഗ​മ​ന​ത്തി​ലാ​ണ് വ്യാ​പാ​ര​രം​ഗം.

ഏ​ലം

മ​ഴ​യു​ടെ വ​ര​വ് ഏ​ല​ത്തോ​ട്ട​ങ്ങ​ളെ കു​ളി​ര​ണി​യി​ച്ചു. കാ​ലാ​വ​സ്ഥാ​മാ​റ്റം മു​ൻ​നി​ർ​ത്തി ഉ​ത്പാ​ദ​ക​ർ കൃ​ഷി​യി​ലേ​ക്ക് കൂ​ടു​ത​ൽ ശ്ര​ദ്ധ​ചെ​ലു​ത്താം. ഹൈ​റേ​ഞ്ചി​ലെ സ്റ്റോ​ക്കി​സ്റ്റു​ക​ൾ ച​ര​ക്ക് വി​ല്പ​ന​യ്ക്കി​റ​ക്കാ​ൻ ഉ​ത്സാ​ഹി​ച്ചു. വി​ദേ​ശ വാ​ങ്ങ​ലു​കാ​ർ പു​തി​യ സീ​സ​ണി​ലെ ഏ​ല​ക്കവ​ര​വി​നാ​യി കാ​ത്തി​രി​ക്കു​ന്നു. വ​രും മാ​സ​ങ്ങ​ളി​ൽ ഉ​ത്ത​രേ​ന്ത്യക്കാ​രും ലേ​ല​കേ​ന്ദ്ര​ങ്ങ​ളി​ൽ പി​ടി​മു​റു​ക്കാം. മി​ക​ച്ച​യി​ന​ങ്ങ​ൾ കി​ലോ 1250 രൂ​പ​യി​ലാ​ണ്.

ചു​ക്ക്

വ​ട​ക്കേ‌ ഇന്ത്യ​യി​ൽ കാ​ല​വ​ർ​ഷം ശ​ക്ത​മാ​കു​ന്ന​തോ​ടെ ചു​ക്കി​ന് പു​തി​യ ഓ​ർ​ഡ​റു​ക​ൾ എ​ത്തും. കേ​ര​ള​ത്തി​ലെ​യും ക​ർ​ണാ​ട​ക​ത്തി​ലെ​യും വ്യാ​പാ​രി​ക​ൾ വി​ല​ക്ക​യ​റ്റ​ത്തി​നാ​യി കാ​ത്തി​രി​ക്കു​ക​യാ​ണ്. ഇ​ഞ്ചി വി​ള​വെ​ടു​പ്പ് പൂ​ർ​ത്തി​യാ​യ​തി​നാ​ൽ ചു​ക്കു​വി​ല ഇ​ടി​യി​ല്ലെ​ന്നാ​ണ് വ്യാ​പാ​ര​രം​ഗ​ത്തു​ള്ള​വ​രു​ടെ വി​ല​യി​രു​ത്ത​ൽ. പെ​രു​ന്നാ​ൾ ക​ഴി​യു​ന്ന​തോ​ടെ ഗ​ൾ​ഫ് മേ​ഖ​ല​യി​ൽ​നി​ന്ന് ഓ​ർ​ഡ​റു​ക​ൾ പ്ര​തീ​ക്ഷി​ക്കാം. കൊ​ച്ചി​യി​ൽ വി​വി​ധ​യി​നം ചു​ക്ക് 14,500-15,500 രൂ​പ​യി​ലാ​ണ്. ആ​ഗോ​ള​വി​പ​ണി​യി​ൽ ചൈ​ന​യും നൈ​ജീ​രി​യ​യും ചു​ക്ക് വി​ല്ന​യ്ക്കി​റ​ക്കു​ന്നു​ണ്ട്.

കു​രുമു​ള​ക്

കു​രു​മു​ള​കി​ന് വീ​ണ്ടും ത​ള​ർ​ച്ച നേ​രി​ട്ടു. ആ​ഭ്യ​ന്ത​ര ആ​വ​ശ്യ​ക്കാ​രു​ടെ അ​ഭാ​വം വി​ല​യെ ബാ​ധി​ച്ചു. വി​ദേ​ശ മു​ള​ക് എ​ത്തു​മെ​ന്നു വ്യ​ക്ത​മാ​യ​തോ​ടെ ച​ര​ക്കു​സം​ഭ​ര​ണം വ്യ​വ​സാ​യി​ക​ൾ കു​റ​ച്ച​ത് ഓ​ഫ് സീ​സ​ണി​ലെ വി​ല​ക്ക​യ​റ്റ​ത്തി​നു ത​ട​സ​മാ​യി.

അ​തേ​സ​മ​യം സ്റ്റോ​ക്കി​സ്റ്റു​ക​ൾ കാ​ര്യ​മാ​യി കു​രു​മു​ള​ക് വി​ല്പ​ന​യ്ക്ക് ഇ​റ​ക്കി​യി​ല്ല. വി​ദേ​ശ വ്യാ​പാ​ര​രം​ഗ​ത്തെ ത​ള​ർ​ച്ച മൂ​ലം ക​യ​റ്റു​മ​തി​ക്കാ​ർ രം​ഗ​ത്തു​നി​ന്ന് അ​ക​ന്നു​നി​ന്നു. ഗാ​ർ​ബി​ൾ​ഡ് മു​ള​കു​വി​ല 400 രൂ​പ കു​റ​ഞ്ഞ് 38,000 രൂപ​യാ​യി.

സ്വ​ർ​ണം

സ്വ​ർ​ണ​വി​ല ഉ​യ​ർ​ന്നു. തു​ട​ർ​ച്ച​യാ​യി ആ​റു ദി​വ​സം 22,840 രൂ​പ​യി​ൽ നി​ല​കൊ​ണ്ട പ​വ​ൻ വെ​ള്ളിയാ​ഴ്ച 22,920ലേ​ക്കും ശ​നി​യാ​ഴ്ച 23,000ലേ​ക്കും ക​യ​റി. ന്യൂ​യോ​ർ​ക്കി​ൽ സ്വ​ർ​ണ​വി​ല ട്രോ​യ് ഒൗ​ണ്‍സി​ന് 1299 ഡോ​ള​ർ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.