ടാറ്റാ നാനോ വിടവാങ്ങി
Thursday, July 12, 2018 11:39 PM IST
മും​ബൈ: സാധാരണക്കാരുടെ കാ​ർ എ​ന്ന പേ​രോ​ടെ നി​ര​ത്തി​ലെ​ത്തി​യ ടാ​റ്റ നാ​നോ ഇ​നി ഇ​ല്ല. ഒ​രു പ​തി​റ്റാ​ണ്ടു മു​ന്പ് ര​ത്ത​ൻ ടാ​റ്റ​യു​ടെ ആ​ശ​യ​ത്തി​ൽ വി​രി​ഞ്ഞ ഈ ​ബ​ജ​റ്റ് കാ​ർ വാ​ങ്ങാ​ൻ ആ​ളി​ല്ലാ​താ​യ​തോ​ടെ​യാ​ണ് ഉ​ത്പാ​ദ​നം നി​ർ​ത്തി​യ​ത്. ക​ഴി​ഞ്ഞ വ​ർ​ഷം ജൂ​ണി​ൽ 275 നാ​നോ കാ​റു​ക​ൾ വി​റ്റ​ഴി​ക്കാ​ൻ ക​ഴി​ഞ്ഞെ​ങ്കി​ൽ പോ​യ മാ​സം നി​ര​ത്തി​ലെ​ത്തി​യ​ത് ഒ​രെ​ണ്ണം മാ​ത്ര​മാ​ണ്.

ക​ഴി​ഞ്ഞ വ​ർ​ഷം സെ​പ്റ്റം​ബ​റി​ൽ ഉ​ത്പാ​ദ​നം നി​ർ​ത്തു​മെ​ന്ന് അ​റി​യി​ച്ചി​രു​ന്നെ​ങ്കി​ലും ടാ​റ്റ ഗ്രൂ​പ്പി​നോ​ട് ജ​ന​ങ്ങ​ൾ​ക്കു​ള്ള വൈ​കാ​രി​ക ബ​ന്ധ​ത്തി​ന്‍റെ പു​റ​ത്ത് ഉ​ത്പാ​ദ​നം തു​ട​രു​ക​യാ​ണെ​ന്ന പ്ര​ഖ്യാ​പ​നം പി​ന്നാ​ലെ​യു​ണ്ടാ​യി. ഓ​ട്ടോ​മാ​റ്റി​ക് പ​തി​പ്പി​ലും നാ​നോ​യെ അ​വ​ത​രി​പ്പി​ച്ചെ​ങ്കി​ലും ആ​ദ്യകാ​ല​ങ്ങ​ളി​ലെ മു​ന്നേ​റ്റം തു​ട​രാ​ൻ ക​ഴി​ഞ്ഞി​ല്ല.


ഇ​തോ​ടെ​യാ​ണ് ഓ​ർ​ഡ​ർ അ​നു​സ​രി​ച്ച് ഉ​ത്പാ​ദ​നം ന​ട​ത്താ​മെ​ന്ന് ക​മ്പ​നി തീ​രു​മാ​നി​ച്ച​ത്. ഗു​ജ​റാ​ത്തി​ലെ സ​ന​ന്ദി​ലെ പ്ലാ​ന്‍റി​ലാ​യി​രി​ക്കും നി​ർ​മാ​ണം. ഇ​പ്പോ​ൾ വി​പ​ണി​യി​ൽ മി​ക​ച്ച മു​ന്നേ​റ്റം കാ​ഴ്ച​വ​യ്ക്കു​ന്ന തി​യാ​ഗോ, ടി​ഗോ​ർ എ​ന്നീ മോ​ഡ​ലു​ക​ളു​ടെ ഉ​ത്പാ​ദ​ന​ത്തി​ലാ​ണ് ടാ​റ്റ മോ​ട്ടോ​ഴ്സി​ന്‍റെ ശ്ര​ദ്ധ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.