ബോള്‍ ബാഡ്മിന്റണ്‍: തമിഴ്നാട് മുന്നേറുന്നു
Saturday, March 31, 2012 8:25 PM IST
തിരുവല്ല: മുപ്പത്തിയാറാമത് ദക്ഷിണമേഖലാ സീനിയര്‍ ബോള്‍ബാഡ്മിന്റണ്‍ ചാമ്പ്യന്‍ഷിപ്പില്‍ തമിഴ്നാട് മുന്നേറുന്നു. പുരുഷവിഭാഗത്തില്‍ ഏഴു പോയിന്റുമായും വനിതാ വിഭാഗത്തില്‍ ആറു പോയിന്റുമായും തമിഴ്നാട് ഒന്നാം സ്ഥാനത്താണ്. കര്‍ണാടകയും ആറു പോയിന്റുമായി തമിഴ്നാടിനൊപ്പമുണ്ട്.

പുരുഷ വിഭാഗത്തില്‍ തമിഴ്നാട് കര്‍ണാടകയെ 27-29, 29-18, 29-21 നും കേരളത്തെ 29-27, 29-24നും പോണ്ടിച്ചേരിയെ 29-9, 29-22നും പരാജയപ്പെടുത്തി. എന്നാല്‍, ഹൈദരാബാദിനോട് 29-20, 29-20 നു തോല്‍വി സമ്മതിച്ചു. വനിതാ വിഭാഗത്തില്‍ തമിഴ്നാട് കേരളത്തെ 29-10, 29-18 നു കീഴടക്കി. കര്‍ണാടകയ്ക്കെതിരായ മത്സരത്തിലും കേരളം 29-19, 29-20ന്റെ തോല്‍വി വഴങ്ങി. ആന്ധ്രപ്രദേശിനെതിരേ കേരള വനിതകള്‍ 29-3, 29-6 ന്റെ ജയം സ്വന്തമാക്കി.