ബാസ്കറ്റില്‍ ഗിരിദീപം ക്വാര്‍ട്ടറില്‍; വോളിയില്‍ എംഡിഎച്ച്എസ്എസ് സെമിയില്‍
കോട്ടയം: ഗിരിദീപം ട്രോഫിക്കുവേണ്ടിയുള്ള ഓള്‍ ഇന്ത്യ ഇന്റര്‍ സ്കൂള്‍ ബാസ്കറ്റ്ബോള്‍ ചാമ്പ്യന്‍ഷിപ്പില്‍ ആതിഥേയരായ ഗിരിദീപം ബഥാനി, കോഴിക്കോട് സില്‍വര്‍ ഹില്‍സ്, പൂന നിര്‍മര്‍ ബഥാനി, ഇരിങ്ങാലക്കുട ഡോണ്‍ബോസ്കൊ, മുഹമ്മ കെ.ഇ. കാര്‍മല്‍, കുര്യനാട് സെന്റ് ആന്‍സ് എന്നിവര്‍ ആണ്‍കുട്ടികളുടെ വിഭാഗത്തില്‍ ക്വാര്‍ട്ടറില്‍ പ്രവേശിച്ചു. ഇവര്‍ക്കുപിന്നാലെ ലൂര്‍ദ് പബ്ളിക് സ്കൂള്‍ കോട്ടയം, ആലപ്പുഴ ലിയൊ തേര്‍ട്ടീന്ത് സ്കൂളുകളും അവസാന എട്ടില്‍ ഇടംനേടി. പെണ്‍കുട്ടികളുടെ വിഭാഗത്തില്‍ കോട്ടയം മൌണ്ട് കാര്‍മല്‍, ലേഡി ശിവസ്വാമി അയ്യര്‍ ചെന്നൈ, ലിറ്റില്‍ ഫ്ളവര്‍ എച്ച്എസ് കൊരട്ടി, ക്രിസ്തുജ്യോതി എച്ച്എസ്എസ് ചെത്തിപ്പുഴ, ലൂര്‍ദ് പബ്ളിക് സ്കൂള്‍ കോട്ടയം, സെന്റ്ജോസഫ്സ് ഗവ. എച്ച്എസ് ആലപ്പുഴ, സില്‍വര്‍ ഹില്‍സ് കോഴിക്കോട്, പ്രൊവിഡന്‍സ് ജിഎച്ച്എസ് കോഴിക്കോട് എന്നിവര്‍ ക്വാര്‍ട്ടറില്‍ ഇടംനേടി.


വോളിബോളില്‍ കോട്ടയം എംഡി എച്ച്എസ്എസ് ഫൈനലില്‍ പ്രവേശിച്ചു. നേരിട്ടുള്ള സെറ്റുകള്‍ക്ക് നെടുവന്നൂര്‍ വോളിബോള്‍ അക്കാഡമിയെ കീഴടക്കിയാണ് എംഡിഎച്ച്എസ്എസ് കലാശപ്പോരാട്ടത്തിനു യോഗ്യത നേടിയത്. സ്കോര്‍: 25-21, 25-22, 25-21.