ഗിരിദീപവും മൌണ്ട്കാര്‍മലും ഫൈനലില്‍ : Deepika.com Sports News |

Click here for detailed news of all items

ഗിരിദീപവും മൌണ്ട്കാര്‍മലും ഫൈനലില്‍

Monday, November 19, 2012 10:11 PM IST

കോട്ടയം: വടവാതൂര്‍ ഗിരിദീപം സ്കൂളില്‍ നടക്കുന്ന ഗിരിദീപം ബാസ്കറ്റില്‍ ആണ്‍കുട്ടികളുടെ വിഭാഗത്തില്‍ ഗിരിദീപം ബഥനി ബോയ്സ് ഹൈസ്കൂളും പെണ്‍കുട്ടികളുടെ വിഭാഗത്തില്‍ കോട്ടയം മൌണ്ട് കാര്‍മല്‍ എച്ച്എസ്എസും ഫൈനലില്‍ കടന്നു. ഇന്നലെ നടന്ന സെമിഫൈനലില്‍ ഗിരിദീപം 39-29 എന്ന സ്കോറിന് പൂനെ നിര്‍മല്‍ ബദാനിയെ തോല്‍പിച്ചാണ് ഫൈനലില്‍ കടന്നത്. ഗിരിദീപത്തിനു വേണ്ടി 19 പോയിന്റുകള്‍ നേടി അഞ്ജു ജോസഫ് ടോപ് സ്കോററായി. പെണ്‍കുട്ടികളുടെ സെമിഫൈനലില്‍ 58-56 ന് കൊരട്ടി ലിറ്റില്‍ ഫ്്ളവര്‍ എച്എസിനെ പരാജയപ്പെടുത്തിയാണ് മൌണ്ട്കാര്‍മല്‍ ഫൈനലില്‍ പ്രവേശിച്ചത്. മൌണ്ട് കാര്‍മലിനു വേണ്ടി പൂജാമോള്‍ 37 പോയിന്റുകള്‍ നേടി.

ആണ്‍കുട്ടികളുടെ ഫൈനലില്‍ ഗിരിദീപം ബഥനി, കോഴിക്കോട് സില്‍വര്‍ഹില്‍സ് എച്ച്എസ്എസ്- ഇരിങ്ങാലക്കുട ഡോണ്‍ബോസ്കോ എച്ച്എസ്എസ് മത്സര വിജയികളെ നേരിടും. ചെന്നൈ ലേഡി ശിവ സ്വാമി എച്ച്എസ്എസും പ്രോവിഡന്‍സ് ജിഎച്ച്എസും തമ്മിലുള്ള വിജയികളുമായിട്ടായിരിക്കും മൌണ്ട് കാര്‍മല്‍ മത്സരിക്കുക. വോളിബോള്‍ ഫൈനലില്‍ പള്ളിശേരി എസ്എന്‍ഡിപി സ്കൂളും കോട്ടയം എംഡിഎച്ച്എസ്എസുമായി ഏറ്റുമുട്ടും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.