സച്ചിന്‍ വീണ്ടും മുംബൈക്കുവേണ്ടി
മുംബൈ: ഏകദിനത്തില്‍നിന്നു വിരമിച്ച സച്ചിന്‍ തെണ്ടുല്‍ക്കര്‍ മുംബൈക്കുവേണ്ടി രഞ്ജി ട്രോഫിയില്‍ കളിക്കാനിറങ്ങുന്നു. രഞ്ജി ക്വാര്‍ട്ടറില്‍ ബറോഡയ്ക്കെതിരേ നാലാം നമ്പറില്‍ ബാറ്റ്ചെയ്യാന്‍ സച്ചിനുണ്ടാകുമെന്ന് മുംബൈ നായകന്‍ അജിത് അഗാര്‍ക്കര്‍ വ്യക്തമാക്കി. സീസണിലെ മുംബൈയുടെ ആദ്യ മത്സരത്തില്‍ സച്ചിന്‍ റെയില്‍വേയ്ക്കെതിരേ 137 റണ്‍സ് നേടിയിരുന്നു.

സച്ചിന്റെ സാന്നിധ്യം ഇന്ത്യന്‍ ടീമിനു ഗുണംചെയ്യുമെന്ന് അഗാര്‍ക്കര്‍ ചൂണ്ടിക്കാട്ടി. ബറോഡയുടെ നായകന്‍ യൂസഫ് പഠാനാണ്. സച്ചിനെതിരേ കളിക്കാന്‍ ടീം തയാറായിക്കഴിഞ്ഞെന്ന് പഠാന്‍ വ്യക്തമാക്കി.


അതേസമയം, ഇന്ത്യന്‍ ടീമിലുള്ള അജിങ്ക്യ രഹാനെ, രോഹിത് ശര്‍മ എന്നിവരുടെ അഭാവം മുംബൈക്ക് തിരിച്ചടിയായേക്കും. മുനാഫ് പട്ടേല്‍, ഇര്‍ഫാന്‍ പഠാന്‍ എന്നിവര്‍ ബറോഡയ്ക്കുവേണ്ടിയും കളിക്കില്ല.