Sports News
കെസിഎ കിരീടം പട്ടം സെന്റ് മേരീസിന്
Saturday, February 2, 2013 11:33 PM IST
പാലക്കാട്: വിക്ടോറിയ കോളജ് ഗ്രൌണ്ടില്‍ നടന്ന മൂന്നാമത് കെസിഎ ഇന്റര്‍ സ്കൂള്‍ സ്റേറ്റ് ചാമ്പ്യന്‍ഷിപ്പ് കിരീടം പട്ടം സെന്റ് മേരീസ് എച്ച്എസ്എസിന്. ഫൈനലില്‍ കാലടി എച്ച്എസ്എസിനെ മൂന്നു വിക്കറ്റുകള്‍ക്കു പരാജയപ്പെടുത്തിയാണ് പട്ടം സ്കൂള്‍ കിരീടം നേടിയത്. ടോസ് നേടി ബാറ്റിംഗ് തെരഞ്ഞെടുത്ത കാലടിക്ക് 31.3 ഓവറില്‍ 118 റണ്‍സെടുക്കാനേ കഴിഞ്ഞുള്ളൂ.. രാഹുല്‍ കൃഷ്ണന്‍ (29), ജിഷ്ണു (24) എന്നിവര്‍ മികച്ച ബാറ്റിംഗ് പുറത്തെടുത്തു. പട്ടത്തിന്റെ സൂരജ്, ആദിത്യ നന്ദകുമാര്‍ എന്നിവര്‍ മൂന്നുവിക്കറ്റ് വീതം വീഴ്ത്തി. മറുപടി ബാറ്റിംഗില്‍ പട്ടം സ്കൂള്‍ 28.4 ഓവറില്‍ ഏഴു വിക്കറ്റുകള്‍ നഷ്ടപ്പെടുത്തി 121 റണ്‍സെടുത്ത് ലക്ഷ്യം മറികടന്നു. ഷമീല്‍ (34), റിയാസ് മുഹമ്മദ് (21) എന്നിവരുടെ മികവിലാണ് വിജയം നേടിയത്. രാഹുല്‍ കൃഷ്ണന്‍, മുഹമ്മദ് റിയാസ് എന്നിവര്‍ രണ്ടു വിക്കറ്റ് വീതം വീഴ്ത്തി.


വിജയികള്‍ക്ക് 25,000 രൂപയും രണ്ടാം സ്ഥാനക്കാര്‍ക്ക് 15,000 രൂപയും സമ്മാനിച്ചു. 5000 രൂപ വിലയുള്ള സൈക്കിള്‍ മാന്‍ ഓഫ് ദ ടൂര്‍ണമെന്റിനു സമ്മാനിച്ചു. കഴിഞ്ഞവര്‍ഷം ഒക്ടോബറില്‍ ആരംഭിച്ച ടൂര്‍ണമെന്റില്‍ 994 സ്കൂളുകള്‍ പങ്കെടുത്തു. സംസ്ഥാനത്തിന്റെ 48 ഭാഗങ്ങളിലായാണ് മത്സരങ്ങള്‍ നടന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.