പെയ്സിനും സാനിയയ്ക്കും വിജയം
Friday, August 29, 2014 12:05 AM IST
ന്യൂയോര്‍ക്ക്: നിലവിലെ ചാമ്പ്യന്‍ ലിയാന്‍ഡര്‍ പെയ്സ്- റാഡെക് സ്റെപ്പാനെക് സഖ്യം യുഎസ് ഓപ്പണ്‍ പുരുഷ ഡബിള്‍സ് രണ്ടാം റൌണ്ടില്‍. ആറാം സീഡായ പെയ്സ്- സ്റെപ്പാനെക് സഖ്യം ഇറ്റലിയുടെ സിമോണി ബോളെല്ലി- ഫാബിയോ ഫോഞ്ഞിനി സഖ്യത്തെ 7-6, 6-2നു പരാജയപ്പെടുത്തി. ചൈനീസ് തായ്പേയിയുടെ യെന്‍ സുന്‍ ലു- ചെക് റിപ്പബ്ളിക്കിന്റെ ജിരി വെസ്്ലി സഖ്യമാണ് രണ്ടാം റൌണ്ടില്‍ പെയ്സ് സഖ്യത്തിന്റെ എതിരാളികള്‍. മിക്സഡ് ഡബിള്‍സില്‍ സാനിയ മിര്‍സ- ബ്രൂണോ സോറസ് ജോടി അമേരിക്കയുടെ ടോര്‍ണാഡോ അലിസിയ ബ്ളാക്- ഏണസ്റ്റോ എസ്കോബെഡോ സഖ്യത്തെ 6-2, 3-6, 10-5 എന്ന സ്കോറിനു പരാജയപ്പെടുത്തി. വനിത ഡബിള്‍സിലും സൈനിയ നേരത്തെ രണ്ടാം റൌണ്ടില്‍ കടന്നിരുന്നു. ചെക് റിപ്പബ്ളിക്കിന്റെ കരോലിന പ്ളിസ്കോവ- ക്രസ്റ്റീന പ്ളിസ്കോവ സഖ്യത്തെയാണ് സാനിയ- ബ്ളാക് സഖ്യം തോല്‍പ്പിച്ചത്. പെയ്സ്- കാര ബ്ളാക് സഖ്യം മിക്സഡ് ഡബിള്‍സില്‍ മത്സരിക്കുന്നുണ്ട്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.