ഫ്രഞ്ച് ഓപ്പണ്‍: നദാല്‍, ഫെറര്‍ രണ്ടാംറൌണ്ടില്‍ : Deepika.com Sports News |

Click here for detailed news of all items

ഫ്രഞ്ച് ഓപ്പണ്‍: നദാല്‍, ഫെറര്‍ രണ്ടാംറൌണ്ടില്‍

Wednesday, May 27, 2015 11:38 PM IST

പാരീസ്: കരിയറിലെ മോശം ഫോമിലൂടെ കടന്നുപോകുന്ന റാഫേല്‍ നദാല്‍ ഫ്രഞ്ച് ഓപ്പണ്‍ ടെന്നീസിന്റെ രണ്ടാം റൌണ്ടില്‍ കടന്നു. ഏഴാം സീഡ് ഡേവിഡ് ഫെറര്‍, വനിതാവിഭാഗത്തില്‍ പെട്ര കിറ്റോവ എന്നിവരും ആദ്യറൌണ്ട് പിന്നിട്ടിട്ടുണ്ട്.

296-ാം റാങ്കിലുള്ള ഫ്രാന്‍സിന്റെ ക്വന്റിന്‍ ഹേല്‍സിനെ 6-3, 6-3, 6-4നാണ് ആറാംസീഡായ നദാല്‍ കീഴടക്കിയത്. റോളണ്ട് ഗാരോസില്‍ സ്പാനിഷ് താരത്തിന്റെ 67-ാം ജയമാണിത്. ഒരു മണിക്കൂര്‍ 50 മിനിറ്റ് നീണ്ടുനിന്ന മത്സരത്തിന്റെ ഒരുഘട്ടത്തിലും കളിമണ്‍ കോര്‍ട്ടിലെ രാജകുമാരനു ഭീഷണിയുയര്‍ത്താന്‍ ഹേല്‍സിനായില്ല. ക്വാര്‍ട്ടറിലെത്തിയാല്‍ നദാലിന്റെ എതിരാളി ലോക ഒന്നാംനമ്പര്‍ നൊവാക് ജോക്കോവിച്ചാണ്.

ഏഴാം സീഡായ ഡേവിഡ് ഫെറര്‍ കളിമണ്‍ കോര്‍ട്ടിലെ തന്റെ 300-ാം ജയം സ്വന്തമാക്കി. സ്ളോവാക്യയുടെ ലൂക്കാസ് ലാക്കോയെ 6-1, 6-3, 6-1നാണ് 33കാരനായ ഫെററര്‍ കീഴടക്കിയത്. നിലവില്‍ കളിക്കുന്നവരില്‍ നദാല്‍ മാത്രമാണ് ഈ നേട്ടത്തില്‍ ഫെററിനു മുന്നില്‍.

വനിതാ വിഭാഗത്തില്‍ നാലാംസീഡ് പെട്രാ കിറ്റോവ രണ്ടാംറൌണ്ടിലെത്തി. ന്യൂസിലന്‍ഡിന്റെ കൌമാരതാരം മറീന ഇറാക്കോവിച്ചിനെ 6-4, 3-6, 6-4നാണ് വിംബിള്‍ഡണ്‍ ചാമ്പ്യന്‍ കൂടിയായ കിറ്റോവ കീഴടക്കിയത്. രണ്ടരമണിക്കൂര്‍ നീണ്ട ശക്തമായ പോരാട്ടത്തിനൊടുവിലാണ് കിവി താരം കീഴടങ്ങിയത്.

മറ്റൊരു മത്സരത്തില്‍ അഞ്ചാം സീഡ് ഡെന്മാര്‍ക്കിന്റെ കരോളിന്‍ വോസ്നിയാക്കി ഇറ്റലിയുടെ കരിന്‍ ക്നാപ്പിനെ പരാജയപ്പെടുത്തി രണ്ടാം റൌണ്ടിലെത്തി. സ്കോര്‍: 6-3,6-0.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.