ഓപ്പറേഷന്‍ ഒളിമ്പിയ: ഫെന്‍സിംഗ് സെന്‍ററിലേക്കുള്ള തെരഞ്ഞെടുപ്പ് 13ന് : Deepika.com Sports News |

Click here for detailed news of all items

ഓപ്പറേഷന്‍ ഒളിമ്പിയ: ഫെന്‍സിംഗ് സെന്‍ററിലേക്കുള്ള തെരഞ്ഞെടുപ്പ് 13ന്

Tuesday, August 8, 2017 11:32 AM IST

തിരുവനന്തപുരം: 2020-2024-2028 ഒളിമ്പിക്‌സ് മത്സരങ്ങളില്‍ കേരളീയരായ കായിക താരങ്ങളെ മെഡല്‍ നേടുന്നതിന് സജ്ജരാക്കാനായി കേരള സ്റ്റേറ്റ് സ്‌പോര്‍ട്‌സ് കൗണ്‍സിലും കേരള സര്‍ക്കാരും സംയുക്തമായി ആവിഷ്‌ക്കരിച്ചിട്ടുള്ള ‘ഓപ്പറേഷന്‍ ഒളിമ്പിയ’ പദ്ധതിയിലേക്ക് ഫെന്‍സിംഗ് താരങ്ങളെ തെരഞ്ഞെടുക്കുന്നതിന് 13ന് രാവിലെ ഒന്‍പതു മുതല്‍ തലശേരി സായ് സെന്‍ററില്‍ തെരഞ്ഞെടുപ്പു നടക്കും. തെരഞ്ഞെടുക്കപ്പെടുന്നവര്‍ക്ക് ഇന്ത്യയിലെയും, വിദേശത്തെയും മികച്ച ഫെന്‍സിംഗ് പരിശീലകരില്‍നിന്ന് പരിശീലനം ലഭ്യമാക്കും. മികച്ച താമസം, ഭക്ഷണം, വിദ്യാഭ്യാസം, ദേശീയ-അന്തര്‍ദേശീയ മത്സരങ്ങളില്‍ പങ്കെടുക്കുന്നതിനുള്ള സൗകര്യം എന്നിവയും ലഭിക്കും.

പത്തിനും 14 നും മധ്യേ പ്രായമുള്ളവര്‍, 14 വയസിനു മുകളില്‍ പ്രായമുള്ളവര്‍ എന്നീ രണ്ടു വിഭാഗങ്ങളിലായാണ് തെരഞ്ഞെടുപ്പ്. 10-14 വിഭാഗത്തില്‍ തുടക്കക്കാര്‍ക്കും പങ്കെടുക്കാം.

14 വയസിനു മുകളിലുള്ള വിഭാഗക്കാരുടെ സെലക്‌ഷന്‍ ട്രയല്‍സില്‍ പങ്കെടുക്കുന്നവര്‍ ഇന്‍റര്‍നാഷണല്‍ ഫെന്‍സിംഗ് ഫെഡറേഷന്‍(FIE) അംഗീകരിച്ചിട്ടുള്ള അന്തര്‍ദേശീയ ഫെന്‍സിംഗ് ചാമ്പ്യന്‍ഷിപ്പില്‍ മെഡല്‍ നേടിയവരോ പങ്കെടുത്തിട്ടുള്ളവരോ ദേശീയ വ്യക്തിഗത മത്സരങ്ങളില്‍ മെഡല്‍ നേടിയിട്ടുള്ളവരോ ദേശീയ ചാമ്പ്യന്‍ഷിപ്പില്‍ വ്യക്തിഗത ഇനത്തില്‍ നാലു മുതല്‍ എട്ടുവരെ റാങ്കില്‍ ഉള്‍പ്പെട്ടവരോ ദേശീയ ടീം ചാമ്പ്യന്‍ഷിപ്പില്‍ മെഡല്‍ നേടിയവരോ ദേശീയ തലത്തില്‍ പങ്കെടുത്തിട്ടുള്ളവരോ, സംസ്ഥാന തലത്തില്‍ സ്വര്‍ണമെഡല്‍ നേടിയവരോ ആയിരിക്കണം.

യോഗ്യതയുള്ളവരും, തെരഞ്ഞെടുപ്പില്‍ പങ്കെടുക്കുവാന്‍ താല്‍പര്യമുള്ളവരുമായ ഫെന്‍സിംഗ് താരങ്ങള്‍ വയസുതെളിയിക്കുന്ന സര്‍ട്ടിഫിക്കറ്റ്, സംസ്ഥാന-ദേശീയ അന്തര്‍ദ്ദേശീയ തലത്തിലുള്ള ഫെന്‍സിംഗ് സര്‍ട്ടിഫിക്കേറ്റുകള്‍, ആവശ്യമായ കളിയുപകരണങ്ങള്‍ എന്നിവ സഹിതം 13ന് രാവിലെ എട്ടിന് തലശേരി സായ് സെന്‍ററില്‍ എത്തണമെന്ന് കേരള ഫെന്‍സിംഗ് അസോസിയേഷന്‍ സെക്രട്ടറി അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.