മൂന്നാം ടെസ്റ്റിൽ ഇന്ത്യ ആറിന് 329, ശിഖർ ധവാന് സെഞ്ചുറി
Saturday, August 12, 2017 11:06 PM IST
പല്ലേക്കലെ: ശി​ഖ​ർ ധ​വാ​ൻ വീ​ണ്ടും ക​ത്തി​ജ്വ​ലി​ച്ച​തോ​ടെ മൂ​ന്നാം ടെ​സ്റ്റി​ലും ഇ​ന്ത്യ​ൻ ആ​ധി​പ​ത്യം. ഇ​ന്ത്യ​യും ശ്രീ​ല​ങ്ക​യും ത​മ്മി​ല്‍ ന​ട​ക്കു​ന്ന മൂ​ന്നാ​മ​ത്തേതും അ​വ​സാ​ന​ത്തേ​തു​മാ​യ ടെ​സ്റ്റി​ന്‍റെ ആ​ദ്യ​ദി​ന​ത്തി​ല്‍ ഇ​ന്ത്യ​ക്ക് മി​ക​ച്ച തു​ട​ക്കം.

ഭാ​ഗ്യം കൂ​ട്ടു​നി​ല്‍ക്കു​ന്ന​തു പോ​ലെ തു​ട​ര്‍ച്ച​യാ​യി മൂ​ന്നാം ത​വ​ണ​യും ടോ​സ് നേ​ടി ബാ​റ്റിം​ഗ് തെ​ര​ഞ്ഞ​ടു​ത്ത ഇ​ന്ത്യ, ആ​ദ്യ​ദി​ന​ത്തി​ല്‍ ക​ളി അ​വ​സാ​നി​ക്കു​മ്പോ​ള്‍ ആ​റു വി​ക്ക​റ്റ് ന​ഷ്ട​ത്തി​ല്‍ 329 റ​ണ്‍സ് സ്വ​ന്ത​മാ​ക്കി. 119 റ​ൺ​സ് നേ​ടി​യ ധ​വാ​നാ​ണ് ഇ​ന്ത്യ​ൻ മു​ന്നേ​റ്റ​ത്തെ ന​യി​ച്ച​ത്.

ശി​ഖ​ര്‍ ധ​വാ​ന്‍, കെ ​എ​ല്‍ രാ​ഹു​ല്‍ എ​ന്നി​വ​ര്‍ ഒ​ന്നി​ച്ച ആ​ദ്യ വി​ക്ക​റ്റി​ല്‍ 188 റ​ണ്‍സാ​ണ് പി​റ​ന്ന​ത്.​ പു​ഷ്പ​കു​മാ​ര​യു​ടെ പ​ന്തി​ല്‍ ധ​വാ​ന്‍ ച​ണ്ഡി​മ​ലി​ന്‍റെ കൈ​ക്കു​മ്പി​ളി​ല്‍ ഒ​തു​ങ്ങു​മ്പോ​ള്‍ ഇ​ന്ത്യ​ക്ക് മി​ക​ച്ച അ​ടി​ത്ത​റ തീ​ര്‍ന്നി​രു​ന്നു. എ​ങ്കി​ലും ആ​ദ്യ​ടെ​സ്റ്റു​ക​ളി​ല്‍ പ​ല്ലേ​ക്ക​ലെ സ്റ്റേ​ഡി​യം സാ​ക്ഷി​യാ​യ ഇ​ന്ത്യ​ന്‍ തേ​രോ​ട്ട​ത്തി​ന് ഒ​ന്നു ത​ട​യി​ടാ​ന്‍ ല​ങ്ക​യ്ക്കാ​യി. ധ​വാ​ന്‍റെ വീ​ഴ്ച​യോ​ടെ ആ​യി​രു​ന്നു ഇ​ത്. ധവാനെ വീഴ്ത്തി മി​ക​ച്ച തു​ട​ക്കം ല​ഭി​ച്ച​തോ​ടെ മു​ന്‍ടെ​സ്റ്റു​ക​ളി​ല്‍ കാ​ണാ​തി​രു​ന്ന ഒ​രു ആ​ത്മ​വി​ശ്വാ​സം ല​ങ്ക​ന്‍ ച​ല​ന​ങ്ങ​ളി​ല്‍ പ്ര​ക​ട​മാ​യി​രു​ന്നു. ധ​വാ​നെ പു​റ​ത്താ​ക്ക​ണ​മെ​ന്ന് ദൃ​ഢ​പ്ര​തി​ജ്ഞ​യെ​ടു​ത്ത മ​ട്ടി​ലാ​യി​രു​ന്നു ല​ങ്ക​ന്‍ താ​ര​ങ്ങ​ള്‍. സെഞ്ചുറി വഴങ്ങിയെ ങ്കിലും ലങ്കൻ ബൗളർമാർ കരുത്തു കാട്ടി.

ധ​വാ​ന്‍ എ​ട്ട് ഫോ​റു​ക​ള​ട​ക്കം ത​ന്‍റെ നാ​ലാം ടെ​സ്റ്റ് അ​ര്‍ധ​സെ​ഞ്ചു​റി​യി​ലേ​ക്കെ​ത്തു​മ്പോ​ള്‍ മ​റു​വ​ശ​ത്ത് രാ​ഹു​ല്‍ പു​ഷ്പ​കു​മാ​ര​യു​ടെ പ​ന്തി​ല്‍ ത​ന്‍റെ ത​ന​തു ശൈ​ലി​യി​ല്‍ വെ​ടി​ക്കെ​ട്ടു ന​ട​ത്തു​ക​യാ​യി​രു​ന്നു.

കു​മാ​ര​യു​ടെ ഒ​രോ​വ​റി​ല്‍ ര​ണ്ട് ബൗ​ണ്ട​റി​കൾ നേടി താൻ ഉജ്വല ഫോമിലാണെന്ന് രാ​ഹു​ല്‍ തിളിയിച്ചു.


ഒ​രു ടെ​സ്റ്റി​ന്‍റെ മാ​ത്രം അ​നു​ഭ​വ സ​മ്പ​ത്തു​ള്ള ഫെ​ര്‍ണാ​ണ്ടോ ചു​റു​ചു​റു​ക്കോ​ടെ പ​ന്തെ​റി​ഞ്ഞെ​ങ്കി​ലും ഇ​ന്ത്യ​ക്ക് ഭീ​ഷ​ണി​യാ​യി​ല്ല. ഉ​ട​ന്‍ ത​ന്നെ ല​ങ്ക​ന്‍ ക്യാ​പ്റ്റ​ന്‍ ദി​നേ​ഷ് ച​ണ്ഡി​മ​ല്‍ പ​ന്തു തി​രി​കെ വാ​ങ്ങി ക​രു​ണ​ര​ത്‌​നെ​യ്ക്കു കൈ​മാ​റി. രാ​ഹു​ല്‍ 28 റ​ണ്‍സി​ല്‍ നി​ല്‍ക്കു​മ്പോ​ള്‍ മോ​ശം ഷോ​ട്ടി​നു ശ്ര​മി​ച്ചെ​ങ്കി​ലും ത​ക്ക സ​മ​യ​ത്ത് പ്ര​തി​ക​രി​ക്കാ​ന്‍ ല​ങ്ക​ന്‍ ക്യാ​പ്റ്റ​ന് ക​ഴി​യാ​തെ വ​ന്ന​തോ​ടെ രാ​ഹു​ലി​ന് ആ​യു​സ് നീ​ട്ടി​ക്കി​ട്ടി.

85 റ​ണ്‍സ് വ​രെ ആ ​യാ​ത്ര നീ​ണ്ടു. രാ​ഹു​ലി​ന്‍റെ ഒ​മ്പ​താം ടെ​സ്റ്റ് അ​ര്‍ധ​ശ​ത​ക​മാ​ണി​ത്.
സ്പി​ന്ന​ര്‍ ദി​ല്‍രു​വ​ന്‍ പെ​രേ​ര ശ​ക്ത​മാ​യ ബൗ​ളിം​ഗ് ത​ന്ത്ര​ങ്ങ​ള്‍ പു​റ​ത്തെ​ടു​ത്തെ​ങ്കി​ലും രാ​ഹു​ല്‍-​ധ​വാ​ന്‍ കൂ​ട്ടു​കെ​ട്ടി​ന്മേ​ല്‍ കാ​ര്യ​മാ​യി ഒ​ന്നും ചെ​യ്യാ​നാ​യി​ല്ല. ആ​ദ്യ 20 ഓ​വ​റി​ല്‍ ത​ന്നെ ഇ​ന്ത്യ​യു​ടെ റ​ണ്‍നി​ല 100 ക​ട​ന്നു.

ഇ​ന്ത്യ​യു​ടെ മു​ന്നേ​റ്റ​ത്തി​ല്‍ ഉ​ന്മേ​ഷം ന​ഷ്ട​പ്പെ​ട്ട ല​ങ്ക​ന്‍ പ​ട ,ഫീ​ല്‍ഡിം​ഗി​ലും അ​ല​സ​ത പ​ട​ര്‍ത്തി. ഇ​ന്ത്യ​ന്‍ ഓ​പ്പ​ണ​ര്‍മാ​ര്‍ സിം​ഗി​ള്‍സ് എ​ടു​ക്കു​ന്ന​ത് നി​ര്‍ബാ​ധം തു​ട​ര്‍ന്നു. 40-ാമ​ത്തെ ഓ​വ​റി​ല്‍ പു​ഷ്പ​കു​മാ​ര കൊ​ടു​ങ്കാ​റ്റാ​യി. കു​മാ​ര​യു​ടെ പ​ന്തി​ല്‍ രാ​ഹു​ല്‍ ക​രു​ണ​ര​ത്‌​നെ​യു​ടെ കൈ​ക​ളി​ലൊ​തു​ങ്ങി​യ​തോ​ടെ ഇ​ന്ത്യ​ന്‍ റ​ണ്ണൊ​ഴു​ക്കി​ന് മ​ന്ദ​തയായി.

ഉ​ച്ച​ഭ​ക്ഷ​ണ​ത്തി​നു ശേ​ഷ​മു​ള്ള സെ​ഷ​നി​ല്‍ ധ​വാ​ന്‍റെ ഒ​മ്പ​താം ടെ​സ്റ്റ് സെ​ഞ്ചു​റി പി​റ​ന്നു. ഈ ​സീ​രി​സി​ലെ ധ​വാ​ന്‍റെ ര​ണ്ടാ​മ​ത്തെ സെ​ഞ്ചു​റി കൂ​ടി​യാ​ണി​ത്. 122 ബോ​ളു​ക​ള്‍ നേ​രി​ട്ട ധ​വാ​ന്‍ 119 റ​ണ്‍സ് നേ​ടി.

കോ​ഹ്‌​ലി (42), ര​ഹാ​നെ (17), അ​ശ്വി​ന്‍ (31), എന്നിവർക്ക് കാര്യമായി തിളങ്ങാനായില്ല.